ప్రపంచం మెచ్చిన నటుడు సూపర్ స్టార్' రజినీకాంత్ వెనుక ఓ సాధారణ ఎమోషనల్ పర్సన్ కూడా ఉన్నాడు. రజినీకాంత్ ని నటుడిగా తీర్చిదిద్దింది కె. బాలచందర్. తన గురువును కౌగిలించుకుని రజినీ వెక్కివెక్కి ఏడ్చిన ఘటన గురించి మీకు తెలుసా? కారణం ఏంటంటే?
సౌత్ ఫిల్మ్ ఇండస్ట్రీలో 'సూపర్ స్టార్' స్థాయికి ఎదిగిన నటుడు రజినీకాంత్. కానీ ఆ స్టార్డమ్ వెనుక ఉన్న భయం, ఒత్తిడి చాలామందికి తెలియదు. సాధారణ బస్ కండక్టర్గా ఉన్న శివాజీ రావును ప్రపంచం మెచ్చిన రజినీగా మార్చింది దర్శకుడు కె. బాలచందర్. ఈ గురుశిష్యుల బంధంలోని ఓ ఎమోషనల్ సంఘటన ఇప్పటికీ అభిమానులను కదిలిస్తుంది.
26
స్టార్డమ్ తెచ్చిన ఒత్తిడి?
సినిమాల్లోకి వచ్చిన కొత్తలో రజినీకాంత్ జీవితం వేగంగా మారిపోయింది. 'అపూర్వ రాగంగళ్' సినిమాతో పరిచయమైన ఆయన, తన ప్రత్యేకమైన నటన, స్టైల్తో అభిమానులను ఆకట్టుకున్నారు. సూపర్ స్టార్ కెరీర్ సూపర్ ఫాస్ట్ గా ఎదుగుతుండటంతో.. ఆయనలో ఓ రకమైన భయాన్ని కూడా సృష్టించిందని అంటారు. కీర్తి మనిషిని పైకి తీసుకెళ్తుంది, కానీ అదే సమయంలో భరించలేని ఒత్తిడిని కూడా ఇస్తుంది.
36
గురువును కలిసిన శిష్యుడు
ఆ సమయంలోనే, ఓ రోజు రజినీకాంత్ తన గురువు కె. బాలచందర్ను కలిశారు. అది మామూలు మీటింగ్ కాదు. మనసులో దాచుకున్న బాధలన్నీ ఒక్కసారిగా బయటకొచ్చిన క్షణం. కె.బి ముందు నిల్చున్న రజినీ ఒక్కసారిగా కంట్రోల్ కోల్పోయారు. 'ప్రశాంతంగా కండక్టర్గా ఉన్న నన్ను, మీరే రజినీకాంత్గా మార్చారు. ఈ ఆకస్మిక కీర్తిని నేను తట్టుకోలేకపోతున్నాను సార్...' అంటూ చిన్నపిల్లాడిలా ఏడ్చేశారట.
ఆ దృశ్యం ఒక నటుడి బలహీనతను కాదు, ఆయన ఎంత నిజాయితీపరుడో చూపించింది. ఆ సమయంలో కె. బాలచందర్ రజినీని ఓదార్చి, 'కీర్తి అనేది అల లాంటిది... వస్తుంది, పోతుంది. నీ మీద నీకు నమ్మకం ఉంచుకో' అని సలహా ఇచ్చారట. ఆ మాటలు రజినీకాంత్ జీవితంలో ఒక టర్నింగ్ పాయింట్గా నిలిచాయి.
56
కీర్తి శిఖరాల్లో ఉండటానికి కారణం ఇదే!
ఆ సంఘటన తర్వాత, రజినీకాంత్ తన మనసును, జీవితాన్ని అదుపులో పెట్టుకోవడం మొదలుపెట్టారని ఆయన సన్నిహితులు అంటుంటారు. ధ్యానం, ఆధ్యాత్మికత, నిరాడంబరమైన జీవితం.. ఇవన్నీ ఆయన్ని స్థిరమైన వ్యక్తిగా మార్చాయని ఆయన స్నేహితులు చెబుతుంటారు. అందుకే ఈ రోజుకీ ఆయన కీర్తి శిఖరాల్లో ఉన్నా, వినయాన్ని వీడలేదు.
66
ఎప్పటికీ ఉన్నత స్థానంలోనే..
సూపర్ స్టార్గా ప్రపంచం చూసే రజినీ వెనుక, ఓ భావోద్వేగభరితమైన మనిషి ఉన్నారనడానికి ఈ కథే చక్కటి ఉదాహరణ. కీర్తి శిఖరాల్లో ఉన్నా, 'నేనూ మనిషినే' అని చెప్పే ఆ కన్నీళ్లే.. రజినీని మరింత ఉన్నత స్థానంలో నిలబెట్టాయి.
