ఆ హీరోయిన్ నా ఫస్ట్ క్రష్.. బాలీవుడ్ హీరోయిన్లపైనా నాగచైతన్య ఇంట్రెస్టింగ్ కామెంట్స్.!

అక్కినేని యంగ్ హీరో నాగ చైతన్య (Naga Chaitanya) తాజాగా తన మనస్సులో మాటను బయటపెట్టారు. తన ఫస్ట్ సెలబ్రెటీ క్రష్ గురించి రివీల్  చేశారు. అలాగే పలువురు బాలీవుడ్ స్టార్స్ పైనా ఇంట్రెస్టింగ్ కామెంట్స్ చేశారు.  

అక్కినేని నాగచైతన్యం ప్రస్తుతం వరుస తెలుగు చిత్రాలతో ప్రేక్షకులను అలరిస్తున్న విషయం తెలిసిందే. అటు బాలీవుడ్ లోనూ తన క్రేజ్ సంపాదించుకునేందుకు పలు కీలక పాత్రలు పోషిస్తున్నారు.  ఇటీవల బాలీవుడ్ స్టార్ హీరో అమీర్ ఖాన్  (Aamir Khan) నటించిన  ‘లాల్ సింగ్ చడ్డా’లో సోల్జర్ పాత్రతో అలరించాడు చైతూ.

అయితే ఈ చిత్ర రిలీజ్ తర్వాత నాగచైతన్య ఓ ఆంగ్ల పత్రికకు ఇచ్చిన ఇంటర్వ్యూలో ఆసక్తికర విషయాలను వెల్లడించారు. సినిమా గురించి కాకుండా తన వ్యక్తిగత విషయాలను పంచుకున్నాడు. ‘మీ ఫస్ట్ సెలబ్రెటీ క్రష్ ఎవరు? ఆమెతో స్క్రీన్ షేర్ చేసుకోవాలనుకుంటున్నారా?’ అని ఇంటర్వ్యూయర్ అడిగి ప్రశ్నకు ఇంట్రెస్టింగ్ గా బదులిచ్చారు. 

చైతూ మాట్లాడుతూ.. ‘నా ఫస్ట్ సెలబ్రెటీ క్రష్ సుష్మితా సేన్ (Sushmita Sen). మొదటి నుంచి ఆమె అంటే నాకు చాలా ఇష్టం. ఆమెను కలిసినప్పుడు కూడా ఇదే విషయాన్ని  చెప్పాను. అలాగే బాలీవుడ్ లో అలియా భట్ (Alia Bhatt)కు నేను ఫ్యాన్. ప్రతి సినిమాలో ఆమె నటనతో మరింత అభిమానం పెరుగుతోంది. బ్యూటీఫుల్ హీరోయిన్ అంటే కత్రినా కైఫ్. మాజీ విశ్వ  సుందరి ప్రియాంక చోప్రా కేరీర్ ఇన్ స్పైరింగ్ అనిపిస్తుంది. అవకాశం వస్తే వీరితో స్క్రీన్ చేసుకుంటాన’ని బదులిచ్చాడు.

సుశ్మితా సేన్ పేరు ఇటీవల బాలీవుడ్ లో జోరుగా వినిపిస్తోంది. ఇదే క్రమంలో నాగచైతన్య ఆమెపై చేసిన కామెంట్స్ ప్రస్తుతం వైరల్ గా మారాయి. మాజీ విశ్వ సుందరిగా మంచి గుర్తింపు తెచ్చుకున్న ఈ బాలీవుడ్ బ్యూటీ ఐపీఎల్ క్రియేటర్, బిజినెస్ మేన్ లలిత్ మోడీతో డేటింగ్ చేస్తున్న విషయం తెలిసిందే. అంతకు ముందు రోహ్మాన్ తో రిలేషన్ షిప్ లో ఉంది.  

ఇదిలా  ఉంటే.. ఇటీవల చైతూ ఇంటర్వ్యూల్లో తనదైన శైలిలో బదులిస్తూ క్రేజ్ పెంచుకుంటున్నారు. ఆసక్తికరమైన విషయాలను వెల్లడిస్తూ వార్తల్లో నిలుస్తున్నారు. రీసెంట్ గా తెలుగులో ‘థ్యాంక్యూ’ చిత్రంతో ప్రేక్షకుల ముందుకు వచ్చిన చైతూకు ఎదురుదెబ్బ తగిలింది. అటు Laal Singh Chaddha కూడా ఆశించినంత ఫలితానివ్వకపోవడంతో నాగ చైతన్యకు ఒరిగేందేమీ లేదని తెలుస్తోంది.

చివరి రెండు చిత్రాలు ‘బంగార్రాజు’,‘లవ్ స్టోరీ’ చిత్రాలతో మంచి సక్సెస్ అందుకున్న చైతూకూ.. ఆ తర్వాత వచ్చిన ‘థ్యాంక్యూ’,‘లాల్ సింగ్ చడ్డా’ ఆశించిన ఫలితానివ్వలేక పోయాయి. దీంతో నాగచైతన్య  నెక్ట్స్ ప్రాజెక్ట్  లను మరింత జాగ్రత్తగా చేపట్టాల్సి ఉంటుంది. తదుపరి చిత్రాన్ని దర్శకుడు పరుశురామ్ పెట్లతో అని వార్తలు వచ్చినా తేలిపోయాయి. ప్రస్తుతం తమిళ సింగర్, ప్రొడ్యూసర్, దర్శకుడు వెకంట్ ప్రభు డైరెక్షనల్ లో ఓ చిత్రం ఒకే అయినట్టు  తెలుస్తోంది. ఇంకా అఫిషియల్ కన్ఫర్మేషన్ రావాల్సి  ఉంది.