Folk Song: ఇంత చెత్త సాంగ్ కి 7 మిలియన్ వ్యూస్ ఎలా వచ్చాయి..?

Folk Song: యూట్యూబ్ లో ఫోక్ సాంగ్స్ కి ఉన్న క్రేజ్ అంతా ఇంతా కాదు. కేవలం ఈ ఫోక్ సాంగ్స్ తోనే మిలియన్ల కొద్దీ వ్యూస్, డబ్బులు కూడా సంపాదిస్తున్నారు. కాగా, ఈ మధ్యకాలంలో వచ్చిన ఓ ఫోక్ కూడా ఇలానే  వైరల్ గా మారింది. కానీ, పాటకు విమర్శలే వినపడుతున్నాయి. 

Telangana Folk Song

తెలంగాణలో జాతరలు, బోనాలు ఉన్నాయి అంటే.. ఫోక్ సాంగ్ కచ్చితంగా వినపడాల్సిందే. ఫోక్ సాంగ్ పెట్టుకొని..డ్యాన్స్ లు వేస్తే వచ్చే కిక్కే వేరు. అలాంటి పాటల్లో ఇటీవల సోషల్ మీడియాలో, యూట్యూబ్ షార్ట్ వీడియోల్లో విపరీతంగా వైరల్ అవుతున్న పాట.. ‘ పోరి రాయే జాతర’ డీజే సాంగ్.

సోషల్ మీడియాలో వైరల్...

యూట్యూబ్ లోకి అడుగుపెట్టిన నాటి నుంచి ఈ పాట విపరీతంగా వైరల్ అవ్వడం మొదలుపెట్టింది. ఇన్ స్టాగ్రామ్ రీల్స్, యూట్యూబ్ షాట్స్, ఫేస్ బుక్ వీడియెల్లో ఈ పాటకు ఇప్పుడు లక్షలాది మంది డ్యాన్స్ లు వేస్తున్నారు. దీంతో.. రోజు రోజుకీ పాటకు మరింత క్రేజ్ పెరుగుతోంది. జాతరలు, కాలేజీ ఈవెంట్స్, ఫ్యామిలీ ఫంక్షన్స్ లో కూడా ఇదే పాట ఎక్కువగా వినపడుతోంది.

పాటపై విమర్శలు...

ప్రస్తుతం యూట్యూబ్ లో ట్రెండ్ అవుతున్న ఈ పాటకు కేవలం రెండు నెలల్లో 7.7 మిలియన్ల వ్యూస్ వచ్చాయి. పాటకు వ్యూస్ బాగానే వచ్చాయి కానీ.. ఊహించనంత రేంజ్ లో లేదు అని చాలా మంది ఫాలోవర్స్ ఫీల్ అవుతున్నారు. పాట ప్రోమో విడుదల చేసినప్పుడు చాలా బాగుంది కానీ.. పాట రిలీజ్ అయ్యాక బాలేదు అని కామెంట్స్ చేస్తున్నారు. 2026లో విడుదలైన పాటల్లో చెత్త పాట ఇదే అని మరి కొందరు కామెంట్స్ చేస్తున్నారు. పాటలో అమ్మాయిలు చీరల మీద పెట్టిన దృష్టి... పాటలో స్టెప్పులకు పెట్టలేదు అంటూ విమర్శిస్తున్నారు. ఇంత నెగిటివ్ కామెంట్స్ వస్తున్నా కూడా పాట మాత్రం వ్యూస్ లో రెచ్చిపోతోంది. కేవలం రెండు నెలల్లోనే దాదాపు 8 మిలియన్ల వ్యూస్ రావడం విశేషం. నిజానికి ఇది డీజే పాట. సేమ్ ఇదే పాట.. డీజే లేకుండా తీశారు. అది తెలంగాణ నేటివిటీకి దగ్గరలో, చాలా అందంగా ఉంటుంది. ఒరిజనల్ పాటకు 33 మిలియన్ వ్యూస్ రావడం విశేషం. కాగా.. ఆ పాటకే డీజే మిక్స్ చేసి కొత్తగా రీమేక్ చేశారు. ఈ రీమేక్ అంతగా రుచించలేదనే చెప్పాలి.

తెలంగాణ సంస్కృతికి ప్రతిబింబం..

ఈ పాటలో వినిపించే భాష, పదాలు, విలేజ్ లైఫ్ ష్టైల్ అన్నీ తెలంగాణ ఫోక్ సంప్రదాయాన్ని గుర్తు చేస్తున్నాయి. అందుకే.. ఈ పాటలకు జనాలకు చాలా తొందరగా చేరువ అవుతున్నాయి. ఎక్కడ చూసినా.. ఇవే పాటలు వినిపిస్తున్నాయి. అంతేకాదు.. ఈ పాటల కారణంగా లోకల్ టాలెంట్ వెలుగులోకి వస్తోంది.