Khushboo Daughter: ఖుష్బూ ఇంట్లో పెళ్లి సందడి.. స్టార్‌ హీరోయిన్‌ కూతురు ఎవర్ని పెళ్లి చేసుకోబోతోందంటే?

Khushboo Daughter: నటి ఖుష్బూ సుందర్ ఇంట్లో పెళ్లి బాజాలు మోగనున్నాయి. ఆమె పెద్ద కూతురు అవంతిక పెళ్లికి సిద్ధమైంది. ఈ సందర్భంగా ప్రధాని నరేంద్ర మోదీని కలిసి పెళ్లికి ఆహ్వానించారు. 

కూతురు పెళ్లికి ప్రధానిని ఆహ్వానించిన హీరోయిన్‌ ఖుష్బూ

హీరోయిన్‌ ఖుష్బూ సుందర్‌ ఇంట్లో పెళ్లి సందడి ప్రారంభమైంది. ఆమె పెద్ద కూతురు అవంతికి మ్యారేజ్‌ చేయబోతున్నారు.  ఈ సందర్బంగా ఖుష్బూ ఫ్యామిలీ ప్రధాని మోదీని కలిసిన విషయం తెలిసిందే. ఆయన్ని పెళ్లికి ఆహ్వానించారు. ఇందులో ఖుష్బూ సుందర్‌ భర్త, దర్శకుడు సుందర్‌ సి, కూతురు, అల్లుడు పాల్గొన్నారు. 

కూతురు పెళ్లిపై ఖుష్బూ ఆనందం

ఈ విషయంపై ఖుష్బూ సుందర్ మాట్లాడుతూ, `మేము ఢిల్లీలో ప్రధానమంత్రి నరేంద్ర మోదీ గారిని కలిశాం. నా భర్త సుందర్ సి, నేను ఇద్దరం కలిసి మా కుమార్తె, శ్రవణ్ శ్రీనివాసన్ పెళ్లికి ఆహ్వానించాం. ఎంత బిజీగా ఉన్నప్పటికీ, మాకు సమయం కేటాయించి, కాబోయే కొత్త జంటను ఎంతో ప్రేమగా ఆశీర్వదించారు. మాకు సమయం ఇచ్చినందుకు చాలా సంతోషంగా ఉంది` అని ఖుష్బూ ఆనందం వ్యక్తం చేశారు.

ఆరంభంతో అవంతిక నటిగా ఎంట్రీ

అవంతిక 'ఆరంభం' అనే మలయాళ సినిమాతో నటిగా అరంగేట్రం చేసింది. సుజేష్ అన్నీ ఈపన్ దర్శకత్వం వహించిన ఈ సినిమాలో అవంతిక 'ఆరతి' అనే కీలక పాత్రలో నటిస్తోంది.

అవంతిక పెళ్లి ఎప్పుడు

కాబోయే వరుడు శ్రవణ్ శ్రీనివాసన్ ఎవరు? ఆయన ఏం చేస్తారు? ఇది పెద్దలు కుదిర్చిన పెళ్లా లేక ప్రేమ వివాహమా అనే విషయాలపై ఇంకా స్పష్టత రాలేదు. అయితే ఇటీవలే రహస్యంగా ఎంగేజ్‌మెంట్‌ జరిగిందని సమాచారం. త్వరలోనే మ్యారేజ్‌ జరగబోతుంది. కాకపోతే పెళ్లి ఎప్పుడు అనేది ఇంకా అధికారికంగా ప్రకటించాల్సి ఉంది.