తొలిసారి వేదికపై వెక్కి వెక్కి ఏడ్చిన తాగుబోతు రమేష్..అతడి జీవితంలో ఇంత పెద్ద విషాదం ఉందా.. 

జబర్దస్త్ తో పాటు శ్రీదేవి డ్రామా కంపెనీ లాంటి షోలలో కూడా ఇదే తరహా కామెడీ ఉంటోంది. హైపర్ ఆది, బుల్లెట్ భాస్కట్, ఆటో రాంప్రసాద్ లాంటి వారు శ్రీదేవి డ్రామా కంపెనీలో సైతం నవ్వులు పూయిస్తున్నారు. తాజాగా శ్రీదేవి డ్రామా కంపెనీ ప్రోమో విడుదలయ్యింది. 

శ్రీదేవి డ్రామా కంపెనీలో కొందరు బుల్లితెర నటీనటులు, సోషల్ మీడియాలో పాపులర్ అయిన సింగర్స్ పాల్గొంటున్నారు. వివిధ రకాలుగా స్క్రిప్ట్ లు రెడీ చేస్తూ ఆడియన్స్ ని నవ్వించే ప్రయత్నం చేస్తున్నారు. 

తాజాగా విడుదలైన ప్రోమోలో హైపర్ ఆది, పొట్టి నరేష్ వైవిధ్యమైన స్కిట్ పెర్ఫామ్ చేశారు. వాళ్లిద్దరూ శ్రీదేవి పురం అనే గ్రామానికి వెళతారు. ఆ ఊరంతా వల్లకాడు అయిపోయి ఉంటుంది. దీనితో హైపర్ ఆది అక్కడున్న దెయ్యాలతోనే రొమాన్స్ మొదలు పెడతాడు. అక్కడ హైపర్ ఆది, నరేష్ మధ్య జరిగే సంభాషణ కడుపుబ్బా నవ్వించే విధంగా ఉంది. 

జబర్దస్త్ ప్రవీణ్ , రోహిణి, తాగుబోతు రమేష్ లాంటి వారంతా ఈ స్కిట్ లో పాల్గొన్నారు. తాగుబోతు రమేష్ తాంత్రికుడి పాత్రలో కనిపించారు. రోహిణి దెయ్యంగా నటిస్తూ హైపర్ ఆదితో రొమాన్స్ చేయడానికి ఇంట్రెస్ట్ చూపించడం ఫన్నీగా ఉంది. 

అనంతరం శ్రీదేవి డ్రామా కంపెనీ ఎమోషనల్ గా మారింది.  తల్లి లేకుండాఆ పెరిగిన వాళ్ళు వాళ్ళ అమ్మ ఏఐ టెక్నాలజీ ద్వారా కనిపిస్తే ఇలా ఉంటుంది అనే కాన్సెప్ట్ చేశారు. ఈ కాన్సెప్ట్ లో జబర్దస్త్ ప్రవీణ్, కన్నీళ్లు ఆపుకోలేకపోయాడు. చిన్నతనంలోనే అమ్మని కోల్పోయానని..ప్రతిరోజు రాత్రి అమ్మని తలుచుకుంటానని ప్రవీణ్ తెలిపాడు. 

అనంతరం తాగుబోతు రమేష్ మాట్లాడుతూ.. చిన్నతనంలోనే అమ్మ చనిపోతే జీవితమే శూన్యం అనిపిస్తుంది అని తాగుబోతు రమేష్ వెక్కి వెక్కి ఏడ్చాడు. తన బాల్యంలోనే అమ్మ చనిపోయింది అని రమేష్ తెలిపాడు. అంతకు ముందు ఓ ఇంటర్వ్యూలో తాను తాగుబోతులాగా బాగా నటించగలుగుతున్నాను అంటే అందుకు కారణం మా అమ్మే అని గుర్తు చేసుకున్నాడు. 

మా నాన్న సింగరేణిలో పనిచేసేవారు. దీనితో రోజు సాయంత్రం మద్యం తాగేవారు. నాన్న తాగితే ఎలా మాట్లాడతారో అని సరదాగా అమ్మ ముందు నటించేవాడిని. అమ్మ చాలా బాగా నవ్వుకునేది. ఆ విధంగా ఈ నటన మా అమ్మ నాన్నల వల్లే వచ్చింది అని రమేష్ గుర్తు చేసుకున్నాడు.