Brahmamudi: ఆనందంతో పిచ్చిదైపోతున్న స్వప్న.. అడ్డంగా దొరికిపోయిన శృతి!

Brahmamudi: స్టార్ మా లో ప్రసారమవుతున్న బ్రహ్మముడి సీరియల్ మంచి కథ కథనాలతో టాప్ సీరియల్స్ కి గట్టి పోటీని ఇస్తుంది. తను తీసుకున్న గోతిలో తనే పడబోతున్న విషయం తెలియక ఆనంద పడిపోతున్న ఒక ఆడపిల్ల కథ ఈ సీరియల్. ఇక ఈరోజు జూలై 15 ఎపిసోడ్ లో ఏం జరిగిందో చూద్దాం.  

 ఎపిసోడ్ ప్రారంభంలో పులి రక్తం రుచి మరిగినట్లు  సార్ మీ  డిజైన్స్ చూసిన తర్వాత నా డిజైన్స్ నచ్చటం లేదు  గడువులోగా డిజైన్స్ గియాలని కండిషన్ పెట్టారు అంటుంది శృతి. అయితే ఇప్పుడు ఏం చేయాలనుకుంటున్నావు అంటుంది కావ్య. మీకే కాల్ చేద్దాం అనుకుంటున్నాను మేడం కానీ హెల్ప్ అడిగితే ఏమనుకుంటారో అని మళ్ళీ ఆగిపోయాను.

ఇంతలో మీరే చేశారు అంటుంది శృతి. నేను హెల్ప్ చేస్తాను కానీ కొన్ని కండిషన్స్.. నేను ఆఫీస్ కి రాలేను, మంత్లీ శాలరీ కి కాకుండా డిజైన్ కి ఇంతని తీసుకుంటాను, నేను వేస్తున్నట్లు మీ సార్ కి తెలియకూడదు అంటుంది కావ్య. అదంతా ఓకే కానీ మేడం మీరు డబ్బున్నవారు కదా మీకెందుకు మనీ అంటుంది శృతి. పుట్టింటి వారికి సాయం చేయడం కోసం అడిగితే మా ఆయన కావలసినంత ఇస్తారు కానీ నాకే తీసుకోవటం ఇష్టం లేదు అందుకే నేనే సంపాదించాలనుకుంటున్నాను అంటుంది కావ్య.

రేపు ఏ డిజైన్స్ కావాలో పంపిస్తాను అంటుంది శృతి. కాదు ఇప్పుడే పంపించు రాత్రికి డిజైన్స్ వేసేస్తాను అంటుంది కావ్య. శృతి సరే అనటంతో ఫోన్ పెట్టేసి రూమ్ లోకి వస్తుంది కావ్య. రాజ్ ఇంకా పడుకోకపోవడంతో కంగారుపడుతుంది. నేను లేచి ఉంటే నేను డిజైన్స్ తీసుకోవటం అవ్వదు అని టెన్షన్ పడుతుంది. రాజ్  దగ్గరికి వెళ్లి మీ ఆరోగ్యం పాడైపోతుంది త్వరగా పడుకోండి అంటుంది.నాకు నిద్ర రావడం లేదు నేను రాత్రంతా మేలుకొనే ఉంటాను అంటాడు రాజ్.

 అయినా ఎందుకంత ఓవరాక్షన్ చేస్తున్నావు నీకు నిద్ర వస్తే వెళ్లి పడుకో అంటాడు. ఏం చేయాలో అర్థం కాక అయితే పదండి నాకు కార్ డ్రైవింగ్ నేర్పించండి ఇప్పుడైతే ఎవరూ ఉండరు అంటుంది కావ్య. ఈ అర్ధరాత్రి పూట ఏ చుట్టుకో గుద్దేస్తే ఇంకేమైనా ఉందా అని టెన్షన్ పడతాడు రాజ్. అయినా నాకు నిద్ర వస్తుంది పడుకుంటాను అని చెప్పి పడుకుండిపోతాడు. కాసేపటి తర్వాత రాజ్ పడుకున్నాడని కన్ఫర్మ్ చేసుకున్నాక బయటికి వెళ్లి డిజైన్స్ వేస్తుంది కావ్య.

అర్ధరాత్రి మెలకువ వచ్చిన రాజ్ కి పక్కన కావ్య లేకపోవడంతో తనని వెతుకుతూ బయటికి వస్తాడు. పనిచేసుకుంటున్న కావ్య ని చూసి ఈ అర్ధరాత్రి పూట ఏం చేస్తుందో అనుకుంటూ కామ్ గా వెళ్లి తన చేతిలో ఉన్న పేపర్ లాక్కుంటాడు. అయితే అప్పటికే  రాజ్ రావటం గమనించిన కావ్య డిజైన్ పేపర్స్ దాచేసి మరో పేపర్ మీద ముగ్గు వేస్తుంది. ఆ పేపర్ చూసిన రాజ్ షాక్ అవుతాడు అర్ధరాత్రి పూట ఒంటరిగా నువ్వు చేస్తున్న పని ఇదా అందుకేనా నన్ను పడుకోమని అంత ఓవరాక్షన్ చేశావు.. వచ్చి పడుకో అంటూ చిరాకు పడతాడు.

లేదు ఈ ముగ్గు రేపు వేయాలి. ఎలాగైనా ఇప్పుడు ప్రాక్టీస్ చేయాలి అంటుంది కావ్య. నీ కర్మ అని అక్కడ నుంచి వెళ్ళిపోతాడు  రాజ్. భర్తను చూసి నవ్వుకుంటుంది కావ్య. పెద్ద సిఐడి పనిచేయడానికి వచ్చారు అనుకుంటుంది. మరోవైపు కళ్యాణ్ ని గట్టిగా మందలించానా అనుకుంటుంది అప్పు. మళ్లీ కబడి ప్రాక్టీస్ కి రాడేమో అని కంగారుపడి అతనికి ఫోన్ చేస్తుంది. మళ్లీ బెట్టు చేస్తాడేమో అని కట్ చేసేస్తుంది.

 మిస్డ్ కాల్ చూసిన కళ్యాణ్ తనే తప్పు చేసింది కదా తనే ఫోన్ చేసి సారీ చెప్పాలి మిస్డ్ కాల్ ఇవ్వడం ఏంటి.. నేను ఫోన్ చేయను అనుకుంటాడు. ఎంతసేపటికీ కళ్యాణ్ ఫోన్ చేయకపోవడంతో అప్పు ఫోన్ చేసి మిస్డ్ కాల్ ఇస్తే ఫోన్ చేయాలని తెలియదా అని నానా చివాట్లు పెడుతుంది. బెదిరిపోయిన కళ్యాణ్ సారీ చెప్తాడు. సర్లే రేపు కబాడీ ప్రాక్టీస్ కి వచ్చేయ్ అని చెప్పి ఫోన్ పెట్టేస్తుంది అప్పు. ఫోన్ పెట్టేసిన తర్వాత తప్పు చేసింది తను సారీ చెప్పాల్సింది తను నా చేత సారీ చెప్పించుకుందేంటి అనుకుంటాడు.

మరోవైపు యాడ్లో సెలెక్ట్ అయినందుకు తెగ సంతోష పడిపోతుంది స్వప్న. రాహుల్ కి చెప్పి త్వరలోనే సెలబ్రిటీని అయిపోతున్నాను అంటూ ఆనందంతో గంతులు వేస్తుంది. సెలబ్రిటీ మాట అటుంచు ఆడ్ చూశారంటే ముందు ఇంట్లో వాళ్లే నిన్ను బయటికి పంపించేస్తారు అని మనసులో అనుకుంటాడు రాహుల్. తరువాయి భాగంలో కావ్య గీసిన డిజైన్స్ రాజ్ కంటపడతాయి. శృతికి ఫోన్ చేసి డిజైన్స్ గీస్తున్న  ఫ్రీలాన్స్  డిజైనర్ పేరు చెప్పు అని నిలదీస్తాడు. కంగారు పడిపోతుంది శృతి.