సూర్య `కరుప్పు` టీజర్‌పై ట్రోల్స్.. `గజిని`, `కలా`, `మాస్టర్` సినిమాలను తలపించేలా సీన్లు?

 సూర్య నటించిన `కరుప్పు` సినిమా టీజర్‌లో చాలా సినిమాల సీన్లు కాపీ కొట్టారని నెటిజన్లు రచ్చ చేస్తున్నారు. మరి ఆ కథేంటో చూద్దాం. 

సూర్య `కరుప్పు` మూవీ టీజర్‌ హల్‌చల్‌

సూర్య 50వ పుట్టినరోజు సందర్భంగా  ఆయన కొత్త మూవీ `కరుప్పు`  టీజర్ విడుదలైంది. ఆర్జే బాలాజీ దర్శకత్వంలో రూపొందుతున్న ఈ చిత్రంలో సూర్య, త్రిష, నట్టి, యోగిబాబు నటిస్తున్నారు. సాయి అభయంకర్ సంగీతం అందిస్తున్న ఈ చిత్రాన్ని డ్రీమ్ వారియర్ పిక్చర్స్ నిర్మిస్తోంది.

`కరుప్పు` టీజర్ పై ట్రోల్స్

`కరుప్పు` టీజర్‌లో మాస్టర్, బీస్ట్, కాలాా, గజిని, వేల్ అంజాన్, అన్నాత్తె వంటి సినిమాల సీన్లు కాపీ కొట్టినట్లు నెటిజన్లు ఆరోపిస్తున్నారు. సూర్య గెటప్, సీన్లు విజయ్ సినిమాలను పోలి ఉన్నాయని అంటున్నారు. తాజాగా సామాజిక మాధ్యమాల్లో ట్రోల్స్ తో రచ్చ చేస్తున్నారు. 

`కరుప్పు` టీజర్‌ని ఆ సినిమాలతో పోలిక

సూర్య నలుపు చొక్కా రజినీ `కాలాా` సినిమాను గుర్తుకు తెస్తుంది. టీజర్‌లోని ప్రతి సీన్ కూడా ఇతర సినిమాలను పోలి ఉందని విమర్శలు వస్తున్నాయి. వాటర్‌ మిలన్‌ తినడం `గజిని` మూవీ నుంచి తీసుకున్నారని,  స్టయిల్‌, లుక్‌ పరంగా విజయ్‌ మాస్టర్‌ కి దగ్గగా ఉందని, రజనీ సినిమాలను పోలి ఉన్నాయని అంటున్నారు. 

సూర్య కెరీర్ కి టర్నింగ్‌ పాయింట్‌

అయితే ఈ సారి సూర్య పూర్తి మాస్‌ మూవీతో వచ్చారు. ఒకప్పుడు వింటేజ్‌ సూర్యని చూపించే ప్రయత్నం చేశారు. టీజర్‌ మాత్రం మాస్‌, యాక్షన్‌ ఎలిమెంట్లతో అదిరిపోయింది. సూర్య కెరీర్‌లో ఈ సినిమా టర్నింగ్ పాయింట్ అవుతుందని అభిమానులు ఆశిస్తున్నారు.

ద్విపాత్రాభినయం చేస్తున్న సూర్య

`కరుప్పు` చిత్రంలో సూర్య రెండు పాత్రలు పోషిస్తున్నట్టు తెలుస్తోంది. ఓ పాత్రలో సూర్యగా కనిపించారు, తనకు మరో పేరు ఉందని అనడం విశేషం.   శరవణన్ అనే మరో పాత్రలో సూర్య నటించినట్లు టీజర్ చూస్తే అర్థమవుతోంది.

 ఒక పాత్ర మాస్‌గా, పెద్దగా, మరో పాత్రలో యంగ్‌గా కనిపిస్తున్నారు  సూర్య. ఈ సినిమాలో ఆర్జే బాలాజీ విలన్ అని చెబుతున్నారు. ఈ మూవీ టీజర్‌ మంచి వ్యూస్‌తో దూసుకుపోతుంది.