క్రేజీ హీరో చేత బలవంతంగా మాంసం తినిపించిన రజనీకాంత్, అది కూడా శనివారం రోజు.. ఎందుకో తెలుసా..

సూపర్ స్టార్ రజనీకాంత్ కి ఆధ్యాత్మిక ధోరణి ఎక్కువ. జీవితం గురించి ఆయన ఎక్కువగా వేదాంత ధోరణిలో మాట్లాడడం చూస్తూనే ఉన్నాం. దైవంపై భక్తి కూడా ఎక్కువే. తరచుగా రజనీకాంత్ హిమాలయాలకు వెళుతుంటారు.

Super Star Rajinkanth

సూపర్ స్టార్ రజనీకాంత్ కి ఆధ్యాత్మిక ధోరణి ఎక్కువ. జీవితం గురించి ఆయన ఎక్కువగా వేదాంత ధోరణిలో మాట్లాడడం చూస్తూనే ఉన్నాం. దైవంపై భక్తి కూడా ఎక్కువే. తరచుగా రజనీకాంత్ హిమాలయాలకు వెళుతుంటారు. ధ్యానం చేసి మానసిక ప్రశాంతత పొందుతుంటారు. 

rajinikanth

అలాంటి రజనీకాంత్ కూడా కొన్ని విషయాల్లో ప్రాక్టికల్ గా ఆలోచిస్తారట. హీరో సుమన్, రజనీకాంత్ కి మధ్య మంచి సాన్నిహిత్యం ఉంది. రజనీకాంత్ శివాజీ చిత్రంలో సుమన్ విలన్ గా నటించారు. ఆ చిత్రంలో విలన్ రోల్ సుమన్ కి మంచి గుర్తింపు తీసుకువచ్చింది. 

ఒక రోజు షూటింగ్ లో రజనీకాంత్, సుమన్ మధ్య ఊహించని సంఘటన చోటు చేసుకుంది. ఈ విషయాన్ని సుమన్ బయట పెట్టారు. షూటింగ్ జరుగుతోంది. లంచ్ టైం కావడంతో రజనీకాంత్ గారికి పెద్ద క్యారేజ్ వచ్చింది. క్యారవాన్ లోకి నన్ను కూడా పిలిచారు. ఆ క్యారేజీ చాలా పెద్దగా ఉంది. 

Suman

ఓపెన్ చేస్తే చాలా నాన్ వెజ్ ఐటమ్స్ ఉన్నాయి. కానీ తిందాం అని అన్నారు. అన్నా మీరు తినండి. నేను నాన్ వెజ్ తినను అని చెప్పా. ఎందుకు. అని అడిగారు.. ఈరోజు శనివారం కదా అని చెప్పా. అవును ఈరోజు శనివారం రేపు ఆదివారం.. అయితే ఏంటి అని అన్నారు. లేదన్నా.. వెంకటేశ్వర స్వామిపై భక్తి కదా అందుకే శనివారం తినను అని చెప్పా. 

శనివారం రోజు నాన్ వెజ్ తినొద్దు అని వెంకటేశ్వర స్వామి నీకు ఫోన్ చేసి చెప్పారా అని రజనీకాంత్ ప్రశ్నించారు. లేదన్నా అందరూ పాటిస్తారు కదా అని చెప్పా. అందరూ చాలా చాలా పనులు చేస్తుంటారు.. వాళ్లలాగే నువ్వు కూడా చేస్తావా.. నేను తింటున్నాను కదా.. నువ్వు టెంప్ట్ అవుతావా లేదా అని అడిగారు. మంచి స్మెల్ వస్తున్నప్పుడు ఎవరికైనా తినాలనిపిస్తుంది అని సుమన్ అన్నారట. 

నువ్వు తినే తిండి కాదు.. నీ మనసు వెజిటేరియన్ గా ఉంటే చాలు. మనసులో కుట్రలు, కుళ్ళు పెట్టుకుని వెజిటేరియన్ అంటే సరిపోదు. నీ శరీరం మొత్తం నాన్ వెజ్ కదా.. ఒక్కరోజు నాన్ వెజ్ తిననంత మాత్రాన నీ శరీరం వెజిటేరియన్ అయిపోదు. మనసులో అందరికి మంచి చేయాలనే ఆలోచన ఉంటే చాలు.. అదే వెజిటేరియన్. ఆహారం విషయంలో ఇలాంటి నియమాలు వద్దు. పూజలు చేసేటప్పుడు, గుడికి వెళ్ళేటప్పుడు మాంసం తినొద్దు. అంతవరకు పాటించు చాలు అని అన్నారు. రజనీకాంత్ చెప్పిన మాటలతో తాను మారిపోయానని సుమన్ అన్నారు. అప్పటి నుంచి శనివారం కూడా మాంసం తింటానని చెప్పారు.