సూపర్ స్టార్ మహేష్ బాబు చివరగా గుంటూరు కారం చిత్రంలో నటించారు. సంక్రాంతికి విడుదలైన ఈ చిత్రం పూర్తి స్థాయిలో అభిమానులని మెప్పించలేకపోయింది. ప్రస్తుతం మహేష్ బాబు రాజమౌళితో ఓ భారీ చిత్రానికి సిద్ధం అవుతున్నాడు.
సూపర్ స్టార్ మహేష్ బాబు చివరగా గుంటూరు కారం చిత్రంలో నటించారు. సంక్రాంతికి విడుదలైన ఈ చిత్రం పూర్తి స్థాయిలో అభిమానులని మెప్పించలేకపోయింది. ప్రస్తుతం మహేష్ బాబు రాజమౌళితో ఓ భారీ చిత్రానికి సిద్ధం అవుతున్నాడు. పలు అంతర్జాతీయ సంస్థలు ఈ చిత్రం కోసం వర్క్ చేయబోతున్నట్లు తెలుస్తోంది.
అయితే ఈ మూవీ ఎప్పుడు ప్రారంభం అవుతుంది.. ఎప్పుడు రిలీజ్ అవుతుంది అనే విషయంలో ఏమాత్రం క్లారిటీ లేదు. రాజమౌళి సినిమాలు సహజంగానే ఆలస్యం అవుతున్నాయి. ఆ లెక్కన మహేష్ ఫ్యాన్స్ కి కొన్నేళ్లు నిరీక్షణ తప్పదు. మహేష్ బాబు ఇప్పటివరకు అనేక రకాల పాత్రల్లో నటించారు. మహాభారతం అంటే మహేష్ కి చాలా ఇష్టం అట.
సూపర్ స్టార్ కృష్ణ కూడా పౌరాణిక చిత్రాలు చేసారు. కృష్ణ నటించిన కురుక్షేత్రం చిత్రం నటనకి ఇష్టమైన చిత్రాల్లో ఒకటని మహేష్ బాబు అన్నారు. ఈ విషయాన్ని.. ఎన్టీఆర్ హోస్ట్ గా చేసిన మీలో ఎవరు కోటీశ్వరులు అనే షోలో మహేష్ తెలిపారు. ఆ చిత్రాలు ఇప్పుడు రీమేక్ చేస్తే చాలా అద్భుతంగా ఉంటుందని మహేష్ అన్నారు.
ఒక వేళ రీమేక్ చేస్తే ఏ పాత్ర పోషిస్తారు అన్నా మీరు అని ఎన్టీఆర్ సరదాగా అడిగారు. దీనికి మహేష్ సమాధానం ఇస్తూ.. మహాభారతంలో ప్రతి పాత్ర ఎపిక్. ఆ విధంగా అవి రాయబడ్డాయి అని అన్నారు. పర్టికులర్ గా ఒక పాత్ర లేదు అంటూ నవ్వేశారు. ఎన్టీఆర్ స్పందిస్తూ కృష్ణుడిగా నటించేయండి అన్నా అని అన్నారు. దీనితో మహేష్ సిగ్గు పడిపోయారు.
మహేష్ బాబు నిజంగా కృష్ణుడి పాత్రకి సరిపోతారని చాలా మంది అంటుంటారు. మహేష్ ని కృష్ణుడి గెటప్ లో ఇప్పటికే చాలా ఫోటో ఎడిట్ లు సోషల్ మీడియాలో వైరల్ అయ్యాయి.
ఇప్పటి దర్శకులలో పౌరాణిక చిత్రాలని సమర్థవంతంగా డీల్ చేసే వారు కనిపించడం లేదు. ఓం రౌత్.. ప్రభాస్ తో ఆదిపురుష్ తెరకెక్కిస్తే ఏమైందో చూశాం. ఒక వేళ చేస్తే రాజమౌళి మాత్రమే చేయగలరు అని అంతా భావిస్తున్నారు.