నా గుండె కోస్తే బాలయ్య బాబాయే కనిపిస్తారు.. జూ.ఎన్టీఆర్ అంత ఎమోషనల్ ఎందుకయ్యారో తెలుసా

యంగ్ టైగర్ ఎన్టీఆర్ కి బాగా అచ్చొచ్చిన డైరెక్టర్స్ లో రాజమౌళి తర్వాత వివి వినాయక్ పేరే చెప్పాలి. ఆది చిత్రంతో ఎన్టీఆర్ కి ఫస్ట్ బిగ్గెస్ట్ హిట్ ఇచ్చిన దర్శకుడు వివి వినాయక్. వీళ్ళిద్దరి కాంబినేషన్ లో ఆది, సాంబ, అదుర్స్ చిత్రాలు వచ్చాయి. ఆది, అదుర్స్ సూపర్ హిట్స్ కాగా.. సాంబ మాత్రం జస్ట్ ఒకే అనిపించింది. 

అదుర్స్ తారక్ కెరీర్ లో స్పెషల్ మూవీ అని చెప్పొచ్చు. ఈ చిత్రంలో తారక్ డ్యూయెల్ రోల్ లో నటించారు. చారి పాత్రలో బ్రాహ్మణుడిగా ఎన్టీఆర్ నటన నభూతో నభవిష్యతి అనిపించే విధంగా ఉంటుంది. మరో పాత్రలో మాస్ గా మెప్పించారు. ఈ చిత్ర ఆడియో ఫంక్షన్ కూడా నందమూరి అభిమానులకు ఒక మెమొరబుల్ ఎక్స్పీరియన్స్.

ఈ చిత్ర ఆడియో వేడుకకి నందమూరి బాలకృష్ణ ముఖ్య అతిథిగా హాజరయ్యారు. ఈ చిత్ర ఆడియో వేడుకలో ఎన్టీఆర్ చాలా ఎమోషనల్ గా మాట్లాడారు. దానికి కారణం తన పక్కనే బాబాయ్ బాలయ్య ఉండడం. అదే విధంగా మరో కారణం కూడా ఉంది. అప్పటి 2009 ఎన్నికల ప్రచారంలో ఎన్టీఆర్ తీవ్ర ప్రమాదం నుంచి గాయాలైనప్పటికీ క్షేమంగా బయట పడ్డాడు. 

Balakrishna

ఆ ప్రమాదం తర్వాత నటించిన చిత్రం అదుర్స్. ఎన్టీఆర్ మాట్లాడుతూ నా గుండె కోస్తే తాతగారు కనిపిస్తారని అంటారు. కానీ కాదు.. నా గుండెకోస్తే మా బాబాయ్ బాలకృష్ణ గారు కనిపిస్తారు అని ఎన్టీఆర్ ఆడియన్స్ ముందు తెలిపారు. తాను ఈ రోజు క్షేమంగా ఉన్నానంటే అందుకు కారణం మా తాతగారి ఆశీస్సులు, నా తల్లిదండ్రుల ఆశీస్సులు, అలాగే మాయా బాబాయ్ ఆశీస్సుల వల్లే అని ఎన్టీఆర్ తెలిపారు. 

ఈ ఆడియో ఫంక్షన్ కి బాలయ్యతో పాటు రాజమౌళి, మోహన్ బాబు కూడా హాజరయ్యారు. ఎన్టీఆర్ మాట్లాడుతూ వివి వినాయక్ తన తొడ పుట్టకపోయినప్పటికీ సొంత అన్నయ్య కంటే ఎక్కువ అని ఎమోషనల్ కామెంట్స్ చేశాడు. 

ఇక మోహన్ బాబు చాలా సరదాగా మాట్లాడారు. తారక్ ని నేనెప్పుడూ పేరు పెట్టి పిలవను. ఎందుకంటే ఎన్టీఆర్ అనే మాట నేను మాట్లాడాను. పెద్దాయన్ని నేను ఎప్పుడూ అన్నగారు అనే పిలిచాను. ఎన్టీఆర్ గారు అని పేరు పెట్టి పిలిచింది లేదు. కాబట్టి తారక్ ని కూడా పేరు పెట్టి పిలవను. ఏరా బిడ్డా అని ఆప్యాయంగా పిలుస్తాను అని మోహన్ బాబు అన్నారు.