సుకుమార్ డైరెక్షన్ లో మహేష్ బాబు సినిమా ఇక చూడలేస్తామో లేదో అని ఫ్యాన్స్ అంతా నిరాశపడుతున్న వేళ... ఓ చిన్న న్యూస్ ఫ్యాన్స్ ను హమ్మయ్య అనుకునేలా చేసింది. సూపర్ స్టార్ సుకుమార్ కు గ్రీన్ సిగ్నల్ ఇచ్చాడని ఇండస్ట్రీ కొడై కూస్తోంది.
ఇండస్ట్రీలో ప్రస్తుతం క్రేజీ న్యూస్ ఒకటి చక్కర్లు కొడుతోంది. సూపర్ స్టార్ మహేష్ బాబుతో.. చాలా గ్యాప్ తరువాత జీనియస్ డైరెక్టర్ సుకుమార్ సినిమాచేయబోతున్నాడా..? మహేష్ బాబు 30 వ సినిమా డైరెక్టర్ సుకుమారేనా..? సుకుమార్ కోసం మహేష్ బాబే ఓ మెట్టు దిగాడా..?
టాలీవుడ్ టాప్ డైరెక్టర్స్ లో ఇప్పుడు సుకుమార్ ఒకరు. వరుసగా మూడు భారీ సినిమాలతో సంచలన విజయాలను నమోదు చేసిన ఆయన, హ్యాట్రిక్ హిట్ తో కొనసాగుతున్నారు. ఆ జాబితాలో నాన్నకు ప్రేమతో , రంగస్థలం,పుష్ప కనిపిస్తాయి. కంటెంట్ పరంగా ఒకదానితో ఒకటి ఎంతమాత్రం సంబంధం లేని సినిమాలు ఇవి.
ప్రస్తుతం ఆయన పుష్ప 2 సినిమాతో బిజీగా ఉన్నారు. ఆ తరువాత విజయ్ దేవరకొండతో గానీ .. మరో హీరోతో గాని చేసే అవకాశం ఉందని అంటున్నారు. ఈ సినిమా తరువాత మాత్రం మహేశ్ బాబుతో సెట్స్ పైకి వెళ్లనున్నాడనే టాక్ బలంగా వినిపిస్తోంది. ఆల్రెడీ మహేశ్ బాబు కథను వినడం జరిగిపోయిందని చెబుతున్నారు.
ఈ లోగా త్రివిక్రమ్ తో సినిమాను .. రాజమౌళి ప్రాజెక్టును మహేశ్ బాబు పూర్తిచేస్తాడట. ఆ తరువాత ఇద్దరూ కలిసి సెట్స్ పైకి వెళతారన్న మాట. గతంలో ఈ ఇద్దరి కాంబినేషన్లో వచ్చిన 1 నేనొక్కడినే' ఆశించినస్థాయి వసూళ్లను రాబట్టలేదు గానీ .. మంచి ప్రయత్నం అనిపించుకుంది.
అయితే ఈ మధ్యలో చాలా జరిగాయి. వన్ నేనొక్కడినే సినిమా తరువాత మహేష్ బాబు, సుకుమార్, మైత్రీ కాంబినేషన్ లో ఓ సినిమా రావాల్సి ఉంది. కాని.. సూపర్ స్టార్ కు సుకుమార్ కు ఈ మధ్యలోనే కోన్నివిషయాల్లో విభేదాలు వచ్చాయని న్యూస్ వైరల్ అయ్యింది. అంతే కాదు సుకుమార్ చేసిన కొన్ని కామెంట్స్.. మహేష్ హర్ట్ అయ్యాడంటూ పుకార్లు షికారు చేశాయి.
చిన్న చిన్నగా ఈవివాదంతో పాటు, మహేష్ తో సుకుమార్ సినిమ కూడా మరుగున పడిపోయింది. ఇక ఆతరువాత సుకుమార్ వరుసగా నాన్నకు ప్రేమతో ,రంగస్థలం,పుష్ప లాంటి పాన్ ఇండియా హిట్స్ తో.. ఓ రేంజ్ కు వెళ్ళిపోయాడు. ప్రస్తుతం పుష్ప2 హడావిడిలో ఉన్న సక్కూ.. తరువాత రౌడీ హీరోతో మరో పాన్ ఇండియా మూవీ ప్లాన్ చేస్తున్నాడు.
ఇక మహేష్ కోసం సుకుమార్ ఓ కథ రెడీ చేయగా.. పట్టువదిలిన మహేష్.. ఆ కథ విని సుకుమార్ కు గ్రీన్ సిగ్నల్ ఇచ్చాడని టాక్. సినిమాకోంసం సూపర్ స్టార్ ఓ మెట్టు దిగడంతో.. ఎలాగైనా మహేష్ కు మంచ హిట్ ఇవ్వాలని చూస్తున్నాడట సుక్కూ. అయితే ఈ సినిమా పట్టాలెక్కడానికి చాలా టైమ్ పట్టే అవకాశం ఉంది.