మహేష్ బాబుకి ఇలాంటివి అసలు ఇష్టం లేదు, కానీ ఆయన కోసం సరెండర్.. సుధీర్ బాబు కామెంట్స్

సూపర్ స్టార్ మహేష్ బాబు ప్రస్తుతం దర్శకధీరుడు రాజమౌళి చిత్రానికి సమాయత్తం అవుతున్నారు. ఆల్రెడీ రాజమౌళి గ్లోబల్ లెవల్ లో పాపులర్ అయ్యారు. జేమ్స్ కామెరూన్, స్టీఫెన్ స్పీల్ బర్గ్ లాంటి హాలీవుడ్ అగ్ర దర్శకులు రాజమౌళి వర్క్ ని మెచ్చుకున్నారు. రాజమౌళి తన తదుపరి చిత్రంతో గ్లోబల్ లెవల్ మార్కెట్ కి రీచ్ కావాలని టార్గెట్ పెట్టుకున్నారు. దీనితో మహేష్ బాబు చిత్రం కోసం జక్కన్న అంతర్జాతీయ స్థాయి టెక్నిషియన్స్ తో వర్క్ చేయబోతున్నట్లు తెలుస్తోంది. 

ప్రస్తుతం ప్రీ ప్రొడక్షన్ కార్యక్రమాలు జరుగుతున్నాయి. ఈ చిత్రం ఎప్పుడు ప్రారంభం అవుతుంది అనే ఉత్కంఠ ఒకవైపు ఉంటే.. అసలు కథ ఏంటి, మహేష్ బాబు పాత్ర ఎలా ఉండబోతోంది, లుక్ ఎలా ఉండబోతోంది అనే అంశాలు కూడా ఫ్యాన్స్ ని కుదురుగా ఉండనీయడం లేదు. అయితే రీసెంట్ గా ఓ ఇంటర్వ్యూలో మహేష్ బాబు బావ, హీరో సుధీర్ బాబు.. రాజమౌళి, మహేష్ చిత్రం గురించి ఆసక్తికర వ్యాఖ్యలు చేశారు. ప్రస్తుతం సుధీర్ బాబు మా నాన్న సూపర్ హీరో అనే చిత్రంలో నటిస్తున్నారు. ఈ మూవీ అక్టోబర్ 11 న రిలీజ్ అవుతోంది. ఈ చిత్ర ప్రచార కార్యక్రమాల్లో భాగంగా సుధీర్.. మహేష్, రాజమౌళి చిత్రం గురించి కామెంట్స్ చేశారు. 

మహేష్ బాబు తనకి తాను కొన్ని బౌండరీస్ పెట్టుకున్నారు. తన లుక్ విషయంలో మహేష్ కి చాలా నిబంధనలు ఉంటాయి. కనీసం లుంగీలో కనిపించడానికి కూడానా మహేష్ చాలా ఆలోచిస్తారు. ఇప్పుడిప్పుడే అది బ్రేక్ అవుతోంది. గుంటూరు కారం చిత్రంలో మహేష్ లుంగీ గెటప్ లో కనిపించిన సంగతి తెలిసిందే. 

Mahesh Babu

అయితే మహేష్ బాబు తనకున్న బౌండరీలు మొత్తం రాజమౌళి కోసం బ్రేక్ చేసేశారు అని సుధీర్ బాబు అన్నారు. షర్ట్ విప్పి నటించాలన్నా, కండలు ప్రదర్శించాలన్నా మహేష్ కి ఇష్టం లేదు. అదే విధంగా పొడవుగా జుట్టు ఉండడం, ఎలాపడితే అలా గడ్డం పెంచడం కూడా మహేష్ కి ఇబ్బందే. కానీ ఇప్పుడు చూస్తేనేమో మహేష్ బాబు పొడవైన జుట్టు, గడ్డంతో గుర్తు పట్టలేని విధంగా మారిపోయాడు. 

ఇదంతా రాజమౌళి కోసమే. ఒకరకంగా చెప్పాలంటే రాజమౌళికి మహేష్ బాబు సరెండర్ అయిపోయారు. ఇన్నాళ్లు ఒక చట్రంలో ఉన్న మహేష్ దానిని బ్రేక్ చేశాడు అని సుధీర్ బాబు పేర్కొన్నారు. అయితే మహేష్ బాబు ప్రస్తుతం కనిపిస్తున్న పొడవైన జుట్టు, గుబురు గడ్డం లుక్.. రాజమౌళి సినిమాలో ఇదే ఫైనల్ కాదు అని సుధీర్ బాబు అన్నారు. కంప్లీట్ గ్గా జుట్టు పెంచాక.. వర్క్ షాప్ నిర్వహిస్తారు. డిఫెరెంట్ స్టైల్ లో ట్రై చేస్తారు. ఏది బావుంటే ఆ లుక్ ఫైనల్ చేస్తారు అని సుధీర్ బాబు తెలిపారు.