యంగ్ టైగర్ ఎన్టీఆర్ యమదొంగ సినిమాలో యముడిగా మోహన్ బాబు పాత్రకు ఎంత రెస్పాన్స్ వచ్చిందో తెలుసు. ఇక ఈ పాత్రను మోహన్ బాబుకంటే ముందు మరో యాక్టర్ తో చేయాలని అనుకున్నారట. ఇంతకీ ఎవరా స్టార్ నటుడు?
వెండి తెరపై హిట్ ఐన కొన్నిపాత్రలు అసలు వారు చేయాల్సినవి కాదు. ఎవరో చేయాల్సిన పాత్రలు ఎవరికో వెళ్ళి.. సూపర్ హిట్ అయిన సందర్భాలు చాలా ఉన్నాయి. అందులో మరీ ముఖ్యంగా చెప్పుకోవాలి అంటే జూనియర్ ఎన్టీఆర్ యమదొంగ సినిమాలో మోహాన్ బాబు చేసిన యముడి పాత్ర ఆయన చేయాల్సింది కాదట. ఆ పాత్రను మిస్ చేసుకున్న నటుడు ఎవరో తెలుసా?
Also Read: ప్రభాస్ కు అన్న గా స్టార్ హీరో, స్పిరిట్ మూవీ కోసం సందీప్ రెడ్డి ప్లాన్ మామూలుగా లేదుగా
జూనియర్ ఎన్టీఆర్, ప్రియమణి, మమతా మోహాన్ దాస్ హీరో, హీరోయిన్లుగా.. రాజమౌళి దర్శకత్వంలో రూపొందిన సినిమా యమదొంగ. ఈ సినిమాలో దొంగగా ఎన్టీఆర్ మాస్ క్యారెక్టర్ ను అద్భుతంగా చేశారు. కంప్లీట్ గా సెంటిమెంట్ ను బేస్ చేసుకుని యాక్షన్ సీన్స్ తో డెకరేట్ చేసిన సినిమా ఇది. ఈ మూవీలో హీరో తరువాత అంతే ఇంపార్టెన్స్ ఉన్న మర పాత్ర యముడు. ఈ రెండు క్యారెక్టర్స్ మధ్య నడిచే అద్భుతమైన సన్నివేశాలు సినిమాకు ప్రాణం పోశాయి అని చెప్పవచ్చు. యముడి పాత్రలో కొన్ని కొత్త వేరియేషన్స్ ను మోహన్ బాబు ద్వారా చూడించాడు రాజమౌళి.
Also Read:సుశాంత్ సింగ్ సూసైడ్ కేసులో కీలక మలుపు, సీబీఐ రిపోర్ట్ లో ఊహించని ట్విస్ట్!
యముడంటే ఇలానే ఉండాలి.. మాటకి పదిసార్లు యముండా అనాలి అనే రొటీన్ నుంచి బంబోల జంబ అనే కొత్త ఊతపదం మోహన్ బాబు చేత అనిపించాడు రాజమౌళి. ఇక ఈమూవీలో మోహన్ బాబు అద్భుతంగా చేసిన యముడి పాత్ర.. అసలు ఆయన చేయాల్సింది కాదట. యముడిగా రాజమౌళి ముందు వేరే నటుడిని అనుకున్నారని తెలుస్తోంది. ఆయన ఎవరో కాదు.. నవరస నటసార్వభౌమ కైకాల సత్యనారాయణ. ఆయన చేత ఈ పాత్ర చేయించాలి అని అనుకున్న రాజమౌళి... యముడిగా కైకాల కనిపిస్తే.. ఆడియస్స్ లో ఉత్సాహం పొంగి పొర్లుతుంది అని ప్లాన్ తో ఉన్నాడు.
అంతే కాదు ఈ పాత్ర చేయాలని కైకాలను సంప్రదించారట కూడా. అయితే కొన్ని కారణాల వల్ల కైకాల ఈసినిమాను వదులుకోవలసి వచ్చినట్టు తెలుస్తోంది. అది కూడా రెమ్యూనరేషన్ విషయంలోనే ఈసినిమాను మిస్ అయ్యారట కైకాల. ఈ విషయం కైకాల ఓ టైమ్ లో చెప్పినట్టు తెలుస్తోంది. ఆతరువాత మోహన్ బాబును తీసుకోవడం.. ఈ క్యారెక్టర్ అనుకున్నదానికంటే అద్భుతంగా రావడంతో.. రాజమౌళి కి ఉన్న చిన్న అనుమానం కూడా తీరిపోయింది. ఇక సినిమా సక్సెస్ గురించి ప్రత్యేకంగా చెప్పనక్కర్లేదు.
2007 అగస్ట్ 15న ఇండిపెండెన్స్ డే సందర్భంతగా రిలీజ్అయిన యమదొంగ అప్పట్లోనే అద్భుతమైన కలెక్షన్లు సాధించింది. బాక్సా ఫీస్ దగ్గర తిరుగు లేని విజయాన్ని అందుకుంది. 18 కోట్లబడ్జెట్ తో ఈసినిమాను నిర్మిస్తే. 30 కోట్లకుపైనే లాభాలు తీసుకువచ్చింది యమదొంగ.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి