చిరంజీవి డాన్స్ చూసి బెదిరిపోయిన స్టార్‌ హీరో, శ్రీదేవితో ఆ పనిచేయించడానికి అభ్యంతరం!

మెగాస్టార్ చిరంజీవి అంటే అద్భుతమైన డాన్స్ లకు కేరాఫ్‌. మొదట్లో ఆయన అందరి దృష్టిని ఆకర్షించింది కూడా ఆ డాన్స్ తోనే. కానీ ఓ పెద్ద స్టార్‌ హీరో మాత్రం అప్పట్లో చిరు డాన్స్ లకు భయపడ్డాడట.   

చిరంజీవి ప్రారంభం నుంచి మంచి డాన్సర్‌ అనే విషయం తెలిసిందే. ఆయన డాన్సులే అప్పట్లో సినిమా మేకర్స్ ని ఎట్రాక్ట్ చేశాయి. అందరి చూపు ఆయన వైపు తిప్పేలా చేశాయి. అప్పటి వరకు ఎన్టీఆర్‌, ఏఎన్నార్‌, కృష్ణ, కృష్ణంరాజు, శోభన్‌ బాబు ఎగురుతూ, గంతులేస్తూ డాన్సు చేసేవారు. కానీ రియల్‌ డాన్స్ ఏంటో చూపించాడు చిరంజీవి. దీంతో ఇండస్ట్రీలోకి సునామీలా దూసుకొచ్చాడు. 

చిరంజీవి డాన్సులు చూసి హీరోయిన్లు కూడా ముచ్చటపడేశారు. ఆయన ఫైట్లు, డాన్సులకు యమ క్రేజ్‌ ఉండేది. చిరంజీవి అనతి కాలంలోనే స్టార్‌ అయ్యారంటే, ఆయనతో సినిమాలు చేయడానికి నిర్మాతలు క్యూలు కట్టారంటే అదే కారణం. అయితే అది చూసి ఓ సూపర్ స్టార్ భయపడ్డాడు. తన సినిమాలో చిరంజీవి చేత డాన్స్ చేయించడానికి అభ్యంతరం చెప్పాడట. తన సినిమాలో నటించడానికి ఆయన తిరస్కరించాడట. ఆయన ఎవరో కాదు సోగ్గాడు శోభన్‌ బాబు. 

శోభన్‌బాబు అప్పటికే స్టార్‌ హీరోగా రాణిస్తున్నారు. ఆయన హీరోగా రాఘవేంద్రరావు `మోసగాడు` అనే సినిమాని రూపొందిస్తున్నారు. ఇందులో శ్రీదేవి హీరోయిన్‌. ఆమె ద్విపాత్రాభినయం చేశారు. ఒకటి ట్రెడిషనల్‌గా ఉండే పాత్ర. రెండోది వ్యాంపుగా కనిపించే పాత్ర. ఇందులో చిరంజీవి నెగటివ్‌ రోల్‌ చేశారు. అయితే పూర్తిగా విలన్‌ కాదు, నెగటివ్‌ షేడ్‌ ఉన్నా రోల్‌. 

శోభన్‌బాబు డాన్సులు మామూలుగానే ఉంటాయి. ఓ పార్టీ సాంగ్‌లో శ్రీదేవితో చిరంజీవిని డాన్సు చేయిస్తే ఎలా ఉంటుందనే ఆలోచన వచ్చింది. దర్శకుడు రాఘవేంద్రరావు పాటలు చిత్రీకరించడంలో దిట్ట. బాగా డాన్సులు చేస్తున్న చిరంజీవి, శ్రీదేవి మీద సాంగ్‌ పెడితే బాగుంటుందనుకున్నారు. ఈ విషయాన్ని శోభన్‌బాబు కి చెప్పారట. అంతే ఆయన బెదిరిపోయాడు. హీరో తాను, తనపై కాకుండా విలన్‌గా చేస్తున్న చిరంజీవిపై డాన్స్ అంటే క్రెడిట్‌ అంతా ఆయనే కొట్టాస్తాడని నో చెప్పాడట. 

అయితే శ్రీదేవి వ్యాంపు పాత్ర ట్రాక్‌, శోభన్‌బాబు ట్రాక్‌ వేరు. మీకు సమస్య రాదు అని భరోసా ఇవ్వడంతో ఎట్టకేలకు ఒప్పుకున్నాడట. అలా `మోసగాడు` సినిమాలో శ్రీదేవి, చిరంజీవి కలిసి ఫస్ట్ టైమ్‌ డాన్స్ చేశారు. అదరగొట్టారు. రాఘవేంద్రరావు దర్శకత్వంలో చిరంజీవి నటించిన తొలి మూవీ కూడా ఇదే. కాసేపు కనిపించే పాత్ర ఇది. ఎక్స్ టెండెడ్‌ కోమియో అని చెప్పొచ్చు. పాటకి విశేషం స్పందన లభించిందట. అది చిరంజీవి డాన్స్ పవర్‌.

సూపర్‌ స్టార్‌గా రాణిస్తున్న శోభన్‌ బాబే అప్పట్లో చిరంజీవి డాన్సులకు భయపడటం విశేషం. చిరు, శోభన్‌బాబు కలిసి `రక్త సింధూరం`, `చాంది ప్రియా`, `మోసగాడు` , `బంధాలు అనుబంధాలు` చిత్రాలు చేశారు. 1980లో వచ్చిన `మోసగాడు` మూవీ పెద్ద విజయం సాధించింది. 

ఇక ప్రస్తుతం చిరంజీవి `విశ్వంభర` చిత్రంలో నటిస్తున్నారు. వశిష్ట దర్శకత్వం వహిస్తున్న ఈ మూవీ ప్రస్తుతం చిత్రీకరణ దశలో ఉంది. త్రిష హీరోయిన్ గా నటిస్తుంది. ఈ మూవీ సోషియో ఫాంటసీగా తెరకెక్కుతుంది. ఈ సమ్మర్‌లో ఆడియెన్స్ ముందుకు రాబోతుందని తెలుస్తుంది.