చిరంజీవి పిలిచి ఆఫర్‌ ఇస్తే నో చెప్పిన డైరెక్టర్‌, కట్‌ చేస్తే ఇద్దరి కాంబినేషన్‌ బిగ్గెస్ట్ బ్లాక్‌ బస్టర్‌

మెగాస్టార్‌ చిరంజీవి పిలిచిన ఆఫర్‌ ఇస్తే ఏ దర్శకుడైనా నో చెప్పరు. ఛాన్స్ ఇవ్వడమే గొప్పగా భావిస్తారు. ఎగిరి గంతేస్తారు. కానీ ఓ డైరెక్టర్‌ మాత్రం నో చెప్పాడట.   

megastar chiranjeevi

మెగాస్టార్‌ చిరంజీవి తన కెరీర్‌లో ఎన్నో విజయాలున్నాయి. బ్లాక్‌ బస్టర్స్ ఉన్నాయి. ఇండస్ట్రీ హిట్స్ ఉన్నాయి. అయితే ఇప్పటి వరకు తన కెరీర్‌లో బిగ్గెస్ట్ బ్లాక్‌ బస్టర్‌ గా నిలిచిన మూవీ `వాల్తేర్‌ వీరయ్య`. చిరంజీవి కెరీర్‌లో అత్యధిక కలెక్షన్లు సాధించిన మూవీ ఇది. రెండేళ్ల క్రితం వచ్చిన ఈ మూవీ దాదాపు రూ.230కోట్లు వసూలు చేసింది. దీనికి దర్శకుడు బాబీ దర్శకత్వం వహించడం విశేషం. 

Chiranjeevi

ఈ మూవీకి ముందు చిరంజీవితో దర్శకుడు బాబీ సినిమాల చేయాల్సి ఉంది. మెగాస్టార్‌ చిరంజీవినే ఈ ఆఫర్‌ ఇచ్చారు. పిలిచి మరీ ఆయన ఈ ఛాన్స్ ఇచ్చారు. కానీ బాబీ నో చెప్పాడట. తాను చేయలేను సార్‌ అని భయపడుతూనే చెప్పాడట. దాన్ని చిరు కూడా అంతే పాజిటివ్‌గా తీసుకున్నాడట. కానీ అనంతరమే `వాల్తేర్‌ వీరయ్య` మూవీ సెట్‌ అయ్యింది. మరి ఈ కథేంటో చూస్తే. 

Chiranjeevi

చిరంజీవి మలయాళ హిట్‌ మూవీ `లూసీఫర్‌`ని రీమేక్ చేసిన విషయం తెలిసిందే. `గాడ్‌ ఫాదర్‌` గా ఈ మూవీ రూపొందింది. దీనికి మోహన్‌ రాజా దర్శకత్వం వహించారు. అయితే ఆయనకంటే ముందు ఈ స్క్రిప్ట్ చాలా మంది దర్శకుల వద్దకు వెళ్లింది. చాలా మంది వర్క్ చేశారు. వారిలో బాబీతోపాటు, సుజీత్‌ వంటి వారి పేర్లు వినిపించాయట. బాబీకి స్క్రిప్ట్ ఇచ్చి ఈ మూవీ రీమేక్‌ చేయాలని చెప్పాడట చిరు. కానీ సినిమా చూసి, స్క్రిప్ట్ చదివాక తాను దీన్ని రీమేక్‌ చేయలేనని తెలిపారట. 

bobby

కానీ తన సొంత కథ కాకుండా సినిమా చేస్తే అది ఆడదు అని `సర్దార్‌ గబ్బర్‌ సింగ్‌` విషయంలో నిరూపితమైంది. తాను వేరే వాళ్ల కథలను ఓన్‌ చేసుకోలేకపోతున్నానని, తాను చిన్నప్పట్నుంచి చూసిన చిరంజీవి వేరు, తాను ఒకలా చూపించాలనుకుంటున్నానని, ఎంటర్‌టైన్‌మెంట్‌, యాటిట్యూడ్‌ అది వేరే అని చెప్పాడట బాబీ. ఫైనల్‌గా `లూసీఫర్‌` రీమేక్‌ చేయనని చెప్పేశాడు. 

Chiranjeevi

దీంతో కూల్‌గానే డీల్‌ చేసిన చిరు, ఆ తర్వాత నువ్వు ఎలా చూపించాలనుకుంటున్నావ్‌? నువ్వు చూసిన చిరంజీవి ఏంటో చెప్పు అని అడగడంతో `వాల్తేర్‌ వీరయ్య` కథ చెప్పాడట. అది కొన్ని రోజుల వ్యవధిలోనే జరిగిపోయిందని, తాను కథ రెడీ చేసుకుని చిరంజీవికి చెప్పడం, ఆయన ఓకే చేయడంతో సినిమా వర్కౌట్‌ అయ్యింది.

ఇందులో శృతి హాసన్‌ హీరోయిన్‌గా నటించగా, 2013 సంక్రాంతికి విడుదలైన ఈ మూవీ పెద్ద హిట్‌ అయిన విషయం తెలిసిందే. ప్రస్తుతం `విశ్వంభర` చిత్రంలో నటిస్తున్న చిరంజీవి నెక్ట్స్ అనిల్‌ రావిపూడితో సినిమా చేయబోతున్నారు. అలాగే శ్రీకాంత్‌ ఓడెలతో ఓ మూవీ చేయాల్సి ఉంది. దీంతోపాటు బాబీతో మరోసారి కలిసి మూవీ చేయబోతున్నారు.