తెలుగులో రెండేళ్లు ఓ ఊపు ఊపింది శ్రీలీల. యంగ్‌ సెన్సేషన్‌గా రచ్చి చేసింది. ఇప్పుడు తెలుగులో సైలెంట్‌ అయ్యింది. కానీ కోలీవుడ్‌లోకి ఎంట్రీకి ప్లాన్‌ చేస్తుంది.
డాన్సింగ్‌ సెన్సేషన్‌ శ్రీలీల.. సముద్రంలోని కెరటం లా ఉవ్వెత్తున లేచి పడిపోయింది. టాలీవుడ్‌ని రెండేళ్లు ఉక్కిరి బిక్కిరి చేసింది. బ్యాక్‌ టూ బ్యాక్‌ సినిమాలతో రచ్చ చేసింది. ఆమె క్రేజ్‌ ఐదారు సినిమాలకే పరిమితం అనేలా మారింది. వరుస పరాజయాలు ఈ బ్యూటీకి ఆఫర్లు కరువయ్యాయి. ప్రస్తుతం ఈ అమ్మడి చేతిలో రెండు సినిమాలు మాత్రమే ఉన్నాయి. కొత్తగా మరే సినిమాకి సైన్‌ చేయలేదు.
ఈ నేపథ్యంలో తాజాగా పలు క్రేజీ రూమర్లు చక్కర్లు కొడుతున్నాయి. శ్రీలీల కోలీవుడ్‌ ఎంట్రీ ఇస్తుందట. సీనియర్‌ హీరోలతో కలిసి జోడీ కడుతుందని తెలుస్తుంది. తమిళంలోకి అరంగేట్రం చేస్తూ ఇద్దరు సీనియర్లతో కలిసి నటిస్తుందని తెలుస్తుంది. అందులో ఒకటి అజిత్‌ సినిమా అని తెలుస్తుంది. ప్రస్తుతం `విదా ముయర్చి` చిత్రంలో నటిస్తున్న ఆయన నెక్ట్స్ `గుడ్‌ బ్యాడ్‌ అగ్లీ` అనే సినిమాని ప్రకటించారు. అధిక్ రవి చంద్రన్‌ దర్శకత్వం వహిస్తున్నారు. ఈ మూవీలో హీరోయిన్‌గా అజిత్‌, జాన్వీ కపూర్‌ పేర్లు వినిపించాయి.
అయితే ఇప్పుడు శ్రీలీల పేరు తెరపైకి వచ్చింది. `గుడ్‌ బ్యాడ్‌ అగ్లీ` సినిమాలో శ్రీలీల పేరుని పరిశీలిస్తున్నారనే వార్తవైరల్‌ అవుతుంది. అయితే ఆమెని హీరోయిన్‌గానా, లేక కీలక పాత్ర కోసం అడిగారా అనేది తెలియాల్సి ఉంది. ప్రాథమిక రచ్చ అని, త్వరలోనే క్లారిటీ రానుందని సమాచారం.
మరోవైపు మరో కోలీవుడ్‌ స్టార్‌ విజయ్‌ తో నటించబోతుందట. దళపతి విజయ్‌ ప్రస్తుతం `గోట్‌`(గ్రేటెస్ట్ ఆఫ్‌ ఆల్‌ టైమ్‌) చిత్రంలో నటిస్తున్నారు. ఈ మూవీలో మీనాక్షి చౌదరి హీరోయిన్‌గా చేస్తుందట. ఇందులో ఓ ఐటెమ్‌ సాంగ్‌ కోసం శ్రీలీలని అడుగుతున్నట్టు తెలుస్తుంది. మరీ ఈ బ్యూటీ ఓకే చెబుతుందా అనేది చూడాలి. విజయ్‌ తో సాంగ్‌ అంటే నో చెప్పదని టాక్‌.
ఇక తెలుగులోనూ రామ్‌ చరణ్‌తో సాంగ్‌ చేయబోతుందని సమాచారం. ప్రస్తుతం `గేమ్‌ ఛేంజర్‌`లో నటిస్తున్న రామ్‌ చరణ్.. నెక్ట్స్ బుచ్చిబాబుతో ఓ సినిమా చేయబోతున్నారు. ఇటీవలే ఇది ప్రారంభమైంది. జాన్వీ కపూర్‌ ఇందులో హీరోయిన్. ఆమెతోపాటు మరో హీరోయిన్‌కి ఛాన్స్ ఉందట. ఆ పాత్రకి శ్రీలీలని అడుగుతున్నట్టు టాక్‌. ఇది కూడా చర్చల దశలో ఉందట. ఇలా బ్యాక్‌ టూ బ్యాక్‌ శ్రీలీలకి ఆఫర్లు వస్తున్నాయి. అయితే ఇవేవీ ఆమెకి హీరోయిన్ పాత్రలు కావు, సైడ్‌ క్యారెక్టర్లు, పాటలకే పరిమితం కావడం గమనార్హం. మరి శ్రీలీల ఓకే చెబుతుందా, వదిలేస్తుందా అనేది చూడాలి.
ప్రస్తుతం శ్రీలీల.. తెలుగులో పవన్‌ కళ్యాణ్‌తో `ఉస్తాద్‌ భగత్‌ సింగ్`లో నటిస్తుంది. హరీష్‌ శంకర్‌ దర్శకత్వం వహిస్తున్న ఈ మూవీ కొంత పార్ట్ షూటింగ్‌ అయ్యింది. చాలా మిగిలి ఉంది. పవన్‌ ఎన్నికలు అయిపోయిన తర్వాతనే ఈ మూవీ షూటింగ్‌లో పాల్గొంటాడు. దీంతోపాటు `రాబిన్‌ హుడ్‌` మూవీలో నితిన్‌కి జోడీ కడుతుంది. ఈ చిత్రం చిత్రీకరణ దశలో ఉంది. ఇదిలా ఉంటే ఈ మూవీ నుంచి శ్రీలీలని తప్పించారట. నిర్మాత నచ్చకపోవడం వల్ల ఆమెని తొలగించారని, రాశీఖన్నాని తీసుకున్నట్టు సమాచారం.