నందమూరి బాలకృష్ణ నటిస్తున్న 'డాకూ మహరాజ్' సినిమా సంక్రాంతి 2025కి విడుదల కానుంది. అయితే, షూటింగ్ ఆలస్యం, భారీ సీజీ వర్క్ కారణంగా సినిమా సకాలంలో విడుదలవుతుందా అనే సందేహాలు నెలకొన్నాయి. బాలకృష్ణ పొలిటికల్ కమిట్మెంట్స్ కూడా షూటింగ్‌ను ప్రభావితం చేశాయని సమాచారం.
నందమూరి బాలకృష్ణ పేరు వినగానే ఫ్యాన్స్ లో ఓ స్దాయిలో ఎనర్జీ పెరుగుతుంది. ఆయన సినిమాలు మార్కెట్ లో విశేషమైన క్రేజ్‌ను తెచ్చిపెడుతాయి. ఇప్పుడు ఆ క్రేజ్‌కు మరింత ఊపొచ్చేలా కనపడుతోంది "డాకూ మహరాజ్", బాలకృష్ణ ప్రధాన పాత్రలో తెరకెక్కుతున్న భారీ పాన్-ఇండియా సినిమా.
బాలకృష్ణ తన కెరీర్‌లో ఎన్నో బ్లాక్‌బస్టర్ సినిమాలు అందించారు. "సింహా," "లెజెండ్," "అఖండ" వంటి చిత్రాలు బాలకృష్ణకు తిరుగులేని క్రేజ్‌ను కల్పించాయి. ముఖ్యంగా "అఖండ" తర్వాత బాలకృష్ణ నటనకు, స్క్రీన్ ప్రెజెన్స్‌కు దేశవ్యాప్తంగా ప్రత్యేకమైన గుర్తింపు వచ్చింది. "డాకూ మహరాజ్" ఈ క్రేజ్‌ను మరింత ఎత్తుకు తీసుకెళ్లేందుకు సిద్ధంగా ఉంది.
సంక్రాంతికి రిలీజ్ ప్రకటించిన "డాకూ మహరాజ్" మీద భారీ అంచనాలు నెలకొన్నాయి. బాలకృష్ణ ఈ చిత్రంలో డిఫరెంట్ లుక్‌తో, పవర్‌ఫుల్ పాత్రలో కనిపించనున్నారని సమాచారం. ఇటీవల విడుదలైన టీజర్‌ను చూస్తే, డాకూ మహారాజ్ ఒక సాధారణ కమర్షియల్ సినిమా కాదని స్పష్టమవుతోంది.
ఈ సినిమా ప్రత్యేకత కారణంగా భారీ అంచనాలు ఏర్పడ్డాయి. అయితే, ఇటీవల ఈ చిత్రం షూటింగ్ గురించి వచ్చిన తాజా వార్తలు సినిమా రిలీజ్ పై భయాలు కలిగిస్తున్నాయి.
సినిమాను సంక్రాంతి 2025 విడుదలగా ప్రకటించారు. సాధారణంగా ఆ సమయానికి విడుదల చేయాలంటే, షూటింగ్ పూర్తయి పోస్ట్-ప్రొడక్షన్ దశలో ఉండాలి. కానీ డాకూ మహారాజ్ షూటింగ్ ఇంకా కొనసాగుతోంది. అంతేకాదు, చాలా ఎక్కువ సీజీ వర్క్ కూడా చేయాల్సి ఉంది. ఈ కారణంగా, చిత్ర టీమ్ రోజు, రాత్రి పాటూ పనిచేస్తూ సంక్రాంతికి సినిమా విడుదల చేయడానికి ప్రయత్నిస్తోంది.
డాకూ మహారాజ్ చిత్ర షూటింగ్ షెడ్యూల్ కొన్ని అనివార్య కారణాల వల్ల ఆలస్యమవుతోందని టాలీవుడ్ వర్గాలు చెబుతున్నాయి. ముఖ్యంగా, కొన్ని కీలకమైన యాక్షన్ సీక్వెన్స్‌లు పూర్తి చేయడంలో సమయం పట్టడంతో పాటు, వాతావరణ పరిస్థితులు కూడా ప్రభావం చూపినట్టు తెలుస్తోంది.
అలాగే, బాలకృష్ణ పాలిటికల్ కమిట్మెంట్స్ కూడా సినిమా షూటింగ్‌ను ప్రభావితం చేసినట్టు సమాచారం. టాలీవుడ్ ట్రేడ్ వర్గాలు కూడా ఈ సినిమా రికార్డు స్థాయి ఓపెనింగ్స్ సాధిస్తుందని అంచనా వేస్తున్నాయి
బాలకృష్ణ అభిమానులు ఈ ఆలస్యం గురించి కొంత నిరాశ వ్యక్తం చేస్తూనే, సినిమా టీమ్ తీసుకుంటున్న జాగ్రత్తలను కూడా అభినందిస్తున్నారు. ఎందుకంటే, ప్రతి సీన్ అత్యున్నత నాణ్యతతో ఉండాలని దర్శకుడు బాబి నిర్ణయించారని తెలుస్తోంది. అత్యుత్తమమైన అవుట్‌పుట్‌తో ప్రేక్షకుల ముందుకు రానుందని నమ్మకంగా తెలుస్తోంది.
అలాగే "డాకూ మహరాజ్" టైటిల్ తో బాలకృష్ణ క్యారక్టరైజేషన్ ...మాస్ యాక్షన్‌తో కూడిన పాత్రగా ఉండనుందని టాలీవుడ్ వర్గాలు చెబుతున్నాయి. బలమైన డైలాగ్‌లు, పవర్‌ఫుల్ యాక్షన్ సీక్వెన్స్‌లు ఉంటాయని తెలుస్తోంది. ప్రత్యేకంగా బాలకృష్ణ లుక్స్ మీదే ప్రత్యేక శ్రద్ధ తీసుకుని, పాత్రకు పూర్తి న్యాయం చేస్తూ సరికొత్తగా డిజైన్ చేశారు.
డాకూ మాహారాజ్ క్రేజ్‌కు కారణాలు
పవర్‌ఫుల్ డైలాగ్స్: ప్రతి సినిమాలో బాలకృష్ణ చెప్పే డైలాగ్స్ అభిమానుల చెవుల్లో మారు మ్రోగుతాయి. "డాకూ మహరాజ్"లోనూ అలాంటి డైలాగ్స్ మరిన్ని ఎక్కువ ఉన్నాయి
సాధారణ పాత్రలకు భిన్నంగా: ఈసారి డాకూ పాత్రలో బాలకృష్ణని చూడటం అభిమానులకు కొత్త అనుభూతి.
ఫ్యాన్ బేస్ గ్రోత్: "అన్‌స్టాపబుల్" షో ద్వారా బాలకృష్ణ న్యూ జనరేషన్‌లో కూడా తన ఫ్యాన్ బేస్‌ను విస్తరించారు.
మాస్+క్లాస్ అపీల్: బాలకృష్ణ సినిమాల్లో మాస్, క్లాస్ రెండింటికీ చోటు ఉంటుంది. "డాకూ మహరాజ్" ఈ రెండింటిని కలిపిన సినిమా అని చెబుతున్నారు.
"డాకూ మహరాజ్" బాలకృష్ణ నటజీవితంలో మరో గొప్ప అడుగు. ఈ సినిమా క్రేజ్ బాలకృష్ణ ఫ్యాన్స్‌కి కాకుండా సినీ ప్రేమికులందరికీ మర్చిపోలేని అనుభూతి అందించబోతుంది. సంక్రాంతి పండగను మరింత వేడిగా మార్చే ఈ సినిమా, అభిమానుల్లో మరింత ఉత్సాహాన్ని తీసుకురానుంది.
"బాలకృష్ణ అంటే క్రేజ్... ఆ క్రేజ్‌కు కొత్త నిర్వచనమే 'డాకూ మహరాజ్'!"
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి