మహేష్ బాబు (Mahesh Babu)మైథలాజికల్ మూవీ చేస్తే చూడాలనేది ఫ్యాన్స్ చిరకాల కోరిక. మహేష్ ఆహార్యానికి, అందానికి రాముడు పాత్ర చక్కగా సెట్ అవుతుందనేది వాళ్ళ నమ్మకం. మరి ఈ రోజుల్లో రామాయణ మహాభారతాలను తెరకెక్కించడం అంటే వందల కోట్ల బడ్జెట్ తో కూడుకున్న వ్యవహారం.
ఈ సబ్జక్ట్స్ స్టార్ హీరోలతో చేయాలంటే పాన్ ఇండియా స్థాయిలో అత్యుత్తమ ప్రమాణాలతో తెరకెక్కించాలి. బాలీవుడ్ స్టార్ ప్రొడ్యూసర్ మధు మంతెన (Madhu Mantena)మహేష్ ఫ్యాన్స్ కోరిక తీర్చనున్నాడని, ఆయన మహేష్ ని రామునిగా చూపించడానికి సిద్ధమయ్యారని అప్పట్లో వరుస కథనాలు వెలువడ్డాయి. ఇక ఉహాగానాలు వచ్చిందే తడవుగా.. రాముడి గెటప్ లో మహేష్ ఫ్యాన్ మేడ్ పోస్టర్స్ సోషల్ మీడియాలో పోటెత్తాయి. కుప్పలు తెప్పలుగా మహేష్ రాముడి లుక్ కి సంబంధించిన ఫోటోలు హల్చల్ చేసాయి.
దంగల్ మూవీతో బాక్సాఫీస్ రికార్డ్స్ కొల్లగొట్టిన నితీష్ తివారి ఈ క్రేజీ ప్రాజెక్ట్ కి దర్శకుడు. మరో విశేషం ఏమిటంటే రావణుడిగా హృతిక్ (Hrithik Roshan), సీతగా దీపికా పదుకొనెను ను తీసుకున్నారు. ఇంత పెద్ద క్రేజీ క్యాస్ట్ తో తెరకెక్కుతున్న ఈ మూవీ టాక్ ఆఫ్ ది నేషన్ అయ్యింది. అయితే మహేష్ ఈ ప్రాజెక్ట్ చేయనన్నారట.
మధు మంతెన, నితీష్ తివారి ఆఫర్ ని మహేష్ రిజెక్ట్ చేయడానికి కారణం రాజమౌళి అని తెలుస్తుంది. మహేష్ బాబు తన నెక్స్ట్ ప్రాజెక్ట్ రాజమౌళితో కమిట్ అయ్యారు. 2022 చివర్లో లేదా 2023 ప్రారంభంలో ఈ మూవీ సెట్స్ పైకెళ్లే సూచనలు కలవు. రాజమౌళి సినిమా కోసం మహేష్ ఈ భారీ ఆఫర్ సున్నితంగా తిరస్కరించారట.
నితీష్ తివారి రామాయణ ఈ ఏడాది మధ్యలో సెట్స్ పైకి వెళ్లనుందని సమాచారం. భారీ బడ్జెట్ తో తెరకెక్కుతున్న మైథలాజికల్ మూవీ నేపథ్యంలో కనీసం రెండేళ్లకు పైగా డేట్లు కేటాయించాల్సి ఉంటుంది. అదే సమయంలో రాజమౌళి ఈ హీరోను కూడా తన మూవీ చేస్తున్నప్పుడు వేరే మూవీ చేయడానికి అంగీకరించడు. పూర్తి డేట్స్ తనకే ఇవ్వాలంటారు.
రాజమౌళి (Rajamouli)సినిమా అంటే కనీసం ఓ మూడేళ్లకు డేట్స్ ఇవ్వాలి. దీనితో హృతిక్, దీపికా పదుకొనె (Deepika Padukone)వంటి స్టార్ క్యాస్ట్ ఉన్నప్పటికీ మహేష్ రామాయణ ఆఫర్ రిజెక్ట్ చేశారట. రామాయణ మూవీ యూనిట్ కి చెందిన కొందరు ఈ విషయాన్ని మీడియాతో పంచుకున్నారు.
బాలీవుడ్ లో కూడా మహేష్ సత్తా చాటాలని ఫ్యాన్స్ ఆశపడుతున్నారు. మహేష్ ఒప్పుకొని ఉంటే మహేష్ ఎంట్రీకి ఇది పర్ఫెక్ట్ మూవీ అయ్యేది. బాలీవుడ్ అంటే ఎప్పుడూ ఆసక్తి చూపించని మహేష్ మరోమారు స్ట్రైట్ బాలీవుడ్ మూవీ చేసే అవకాశం వదులుకున్నారు.
ప్రస్తుతం మహేష్ క్వారంటైన్ లో ఉన్నారు. ఆయనకు కరోనా సోకిన నేపథ్యంలో ఇంటి వద్దే ఉంటూ చికిత్స తీసుకుంటున్నారు. ఇటీవల మహేష్ బాబు అన్నగారైన రమేష్ బాబు మరణించినప్పటికి మహేష్... అంత్యక్రియలకు హాజరుకాలేకపోయారు.
కాగా మహేష్ సర్కారు వారి పాట త్వరలో సెట్స్ పైకి వెళ్లనుంది. దర్శకుడు పరుశురాం తెరకెక్కిస్తున్న ఈ మూవీలో కీర్తి సురేష్ హీరోయిన్ గా నటిస్తున్నారు. ఏప్రిల్ 1న సర్కారు వారి పాట విడుదల చేయనున్నట్లు యూనిట్ ప్రకటించింది.