అల్లు అర్జున్(Allu Arjun), ఐకాన్ స్టార్, పుష్ప.. ఇప్పుడు సినీ వర్గాల్లో ఎక్కడ చూసినా ఈ పేర్లపైనే చర్చ. బన్నీ నటించిన `పుష్ప`(Pushpa) చిత్రం ఊహించని విధంగా భారీ విజయం సాధించడంతో `పుష్ప` కలెక్షన్లు అందరిని ఆశ్చర్య పరుస్తున్నాయి. ఈ నేపథ్యంలో Allu Arjun తాజాగా స్టార్ ప్రొడ్యూసర్ దిల్రాజు సోదరుడి కుమారుడు ఆశిష్ రెడ్డి హీరోగా పరిచయం అవుతున్న `రౌడీబాయ్స్` చిత్రం ఈ నెల 14న విడుదల కాబోతుంది. ఈ చిత్రంలోని సాంగ్ విడుదల కార్యక్రమం హైదరాబాద్లో జరిగింది. ఈ ఈవెంట్కి బన్నీ గెస్ట్ గా హాజరయ్యారు.
ఈ సందర్భంగా అల్లు అర్జున్ తన అభిమానులకు ధన్యవాదాలు చెప్పారు. అంతేకాదు తన ప్రాణానికి ప్రాణమైన అభిమానులకు అంటూ సంభోదించడం విశేషం. దీంతో అభిమానులు గోలతో కేకలు పెట్టారు. ప్రాంగణమంతా హోరెత్తిపోయింది.
ఈ సందర్భంగా అభిమానులకు సర్ప్రైజ్ ఇచ్చారు బన్నీ. వెనక్కి తిరిగి తన బ్రాండ్ని పరిచయం చేశారు. అది చూసిన అభిమానులు ఆశ్చర్యం వ్యక్తం చేశారు. ఆ సర్ప్రైజ్తో అరుస్తూ గోల చేశారు. అందరికి సరదాగా సర్ప్రైజ్ ఇద్దామని ఇలా చేశానని తెలిపారు బన్నీ.
ఇంతకి అందులో ఏముందంటే.. `పుష్ప` చిత్రంలో క్లైమాక్స్ లో పోలీస్ అధికారి భన్వర్సింక్ షేకావత్ పాత్రలో నటించిన ఫహద్ ఫాజిల్కి తన బ్రాండ్ని పరిచయం చేసిన విషయం తెలిసిందే. అంతకు ముందు ఫహద్ తనకంటూ ఓ బ్రాండ్ ఉందని, నీకు బ్రాండ్ ఉందా అంటూ ప్రశ్నించాడు. నీ తండ్రి ఎవరూ ? అంటూ అవమానించాడు. అందుకోసం తన బ్రాండ్ ఏంటో చూపించాలని ఓ ఫారెస్ట్ కి తీసుకెళ్లి మరీ తన బ్రాండ్ చూపించారు బన్నీ.
పిస్తోల్తో తనచేయిని కాల్చుకుని రక్తం కారుతున్నఅరచేతిని తన షర్ట్ పై గట్టిగా కొట్టుకుని, రక్తం మరకలతో పడ్డ అరచేతి గుర్తు ప్రింట్ని చూపిస్తూ `ఇది సార్ నా బ్రాండ్` అంటూ వార్నింగ్ ఇస్తాడు. క్లైమాక్స్ లో ఈ సీన్ అదిరిపోయిందని చెప్పాలి.
తాజాగా అదే డైలాగ్ని ప్రింట్చేయించాడు బన్నీ. తన టీషర్ట్ పై `అరచేతి గుర్తు, ఇది సార్ నా బ్రాండ్` అంటూ రెడ్ కలర్లో ప్రింట్ చేయించారు. ఆ టీషర్ట్ వేసుకుని మరీ `రౌడీబాయ్స్` ఈవెంట్లో పాల్గొన్నారు. అభిమానులను సర్ప్రైజ్ చేశారు బన్నీ. ప్రస్తుతం ఈ పిక్స్ సోషల్ మీడియాలో వైరల్ అవుతున్నాయి. మొత్తంగా బన్నీ తన కొత్త బ్రాండ్ని పరిచయం చేశారని చెప్పొచ్చు.
ఇక చూసిన ఫ్యాన్స్ సంబరపడుతున్నారు. పవర్ఫుల్ డైలాగ్తో ప్రింట్ చేసిన టీషర్ట్ కావడంతో ఇక అంతా దీన్ని కొంటారని చెప్పడంలో అతిశయోక్తి లేదు. ఇప్పుడిదే ఓ బ్రాండ్గా మారిపోతుందని చెప్పొచ్చు. అంతకు ముందు తన ఫ్యామిలీతో కలిసి లంచ్ చేస్తున్న సమయంలోనూ అదే టీషర్ట్ తో కనిపించారు బన్నీ. ఈ రోజు(జనవరి 10) తండ్రి,నిర్మాత అల్లు అరవింద్ పుట్టిన రోజు. ఈ సందర్భంగా అల్లు ఫ్యామిలీ అంతా కలిసి అల్లు అరవింద్ బర్త్ డేని సెలబ్రేట్ చేసుకున్నారు.