Actress: అవును.. ఆ సమయంలో ఆల్కహాల్‌ తీసుకుంటా. ఓపెన్‌గా చెప్పేసిన అందాల తార

సినీ తారల జీవితాలను అంటేనే కాస్త గ్లామర్‌తో కూడుకుని ఉంటాయని ప్రత్యేకంగా చెప్పాల్సిన పనిలేదు. పార్టీలు, ఈవెంట్స్‌ ఇలా నిత్యం కలర్‌ఫుల్‌గా ఉంటుంది. అయితే ఈ వివరాలను పెద్దగా బయటకు చెప్పేందుకు వెనుకడుగు వేస్తుంటారు. మరీ ముఖ్యంగా హీరోయిన్లు ఈ విషయంలో కాస్త సీక్రెట్‌ మెయింటెన్‌ చేస్తుంటారు. కానీ ఓ అందాల తార మాత్రం ఓపెన్‌గా మాట్లాడి అందరినీ ఆశ్చర్యానికి గురి చేసింది..   

2016లో వచ్చిన మలయాళం చిత్రం ద్వారా వెండి తెరకు పరిచయమైందీ అందాల తార. ఆ తర్వాత తమిళంలో, మలయాళంలో వరుస సినిమాల్లో నటించి మెప్పించింది. ఇండస్ట్రీకి పరిచయమైన సుమారు 5 ఏళ్ల తర్వాత తెలుగు తెరకు పరిచయమైంది. పవన్‌ కళ్యాణ్‌ హీరోగా తెరకెక్కిన సినిమా ద్వారా టాలీవుడ్‌కు పరిచయమైంది. తొలి సినిమాలో నటనకు ప్రాధాన్యత ఉన్న పాత్రలో నటించి మెప్పించింది. ఇక రెండో సినిమాలో కళ్యాణ్‌ రామ్‌తో జతకట్టి భారీ విజయాన్ని నమోదు చేసుకుంది. మూడో చిత్రం కూడా బ్లాక్‌బస్టర్‌గా నిలిచింది. 

ఇంతకీ ఈ బ్యూటీ ఎవరో ఈపాటికే మీకు ఓ క్లారిటీ వచ్చేసి ఉంటుంది కదూ! అవును ఈ చిన్నది మరెవరో కాదు అందాల తార సంయుక్త మీనన్‌. సార్‌, బింబిసారా, భీమ్లానాయక్‌ ఇలా మూడు చిత్రాల్లో పెద్దగా గ్లామర్‌కు ప్రాధాన్యత లేని పాత్రలో నటించి ప్రేక్షకులను మెప్పించింది. విరూపాక్షలో దెయ్యం పట్టిన అమ్మాయి పాత్రలో తనలోని నట విశ్వరూపాన్ని చూపించింది. వరుస విజయాలు లభిస్తున్నా, ఆచితూచి సినిమాలను ఎంపిక చేసుకుంటూ ముందుకు వెళ్తోంది. ప్రస్తుతం ఈ బ్యూటీ చేతి నిండా సినిమాలతో బిజీగా ఉంది. 

ఇదిలా ఉంటే మనసులో ఎలాంటివి దాచుకోకుండా కుండ బద్దలు కొట్టేలా మాట్లాడడం సంయుక్తకు అలవాటు. ఈ క్రమంలోనే తాజాగా ఇచ్చిన ఓ ఇటర్వ్యూలో పలు ఆసక్తికర వ్యాఖ్యలు చేసి అందరి దృష్టిని ఆకర్షించిందీ చిన్నది. సాధారణంగా సినీతారలు విందు, వినోదాల్లో, పార్టీల్లో పాల్గొంటారు. ఇది అందరికీ తెలిసిందే. ఇక ఆల్కహాల్‌ కూడా ఇటీవల కామన్‌గా మారింది. అయితే హీరోయిన్లు ఈ విషయాన్ని అంత ఓపెన్‌గా చెప్పుకోరు. కానీ సంయుక్త మాత్రం ఈ విషయం బోల్డ్‌ కామెంట్స్‌ చేసింది. 

తాను అప్పుడప్పుడు ఆల్కహాల్‌ తీసుకుంటానని ఓపెన్‌గా చెప్పేసింది. పార్టీలో ఆల్కహాల్‌ తీసుకుంటానని, అయితే అన్ని పార్టీల్లో కాదని, కేవలం క్లోజ్‌ ఫ్రెండ్స్‌కి సంబంధించి జరిగే ఈవెంట్స్‌లో మాత్రమే అది కూడా కొద్ది మొత్తంలో మాత్రమే ఆల్కహాల్‌ సేవిస్తానని చెప్పి అందరినీ ఆశ్చర్యానికి గురి చేసింది. అదే విధంగా ఎప్పుడైనా బాగా ఒత్తిడికి గురైన సమయంలో, ఎక్కువ టెన్షన్‌ ఉన్నప్పుడు కొంచెం ఆల్కహాల్‌ తీసుకుంటానని ఎలాంటి మొహమాటం లేకుండా చెప్పేసింది. దీంతో సంయుక్త చేసిన ఈ వ్యాఖ్యలు ప్రస్తుతం వైరల్ అవుతున్నాయి. ఉన్నది ఉన్నట్లు ఎలాంటి మొహమాటం లేకుండా చెప్పేందుకు ధైర్యం ఉండాలని కొందరు కామెంట్స్‌ చేస్తుంటే, మరికొందరు మాత్రం ఆడవాళ్లు తాగడం ఏంటి బాబూ అంటూ స్పందిస్తున్నారు. 

సినిమాల విషయానికొస్తే.. 

కాగా సంయుక్త ప్రస్తుతం చేతి నిండా సినిమాలతో బిజీగా ఉంది. బాలీవుడ్‌లో మహారాణి అనే సినిమాలో నటిస్తోంది. అలాగే తెలగులో స్వయంభూ, నారీ నారీ నడుమ మురారీ, అఖండ్2తో పాటు మరో సినిమాలో నటిస్తోంది. మలయాళంలో రామ్‌ అనే చిత్రంలో నటిస్తోంది. ఇలా ఈ ఏడాది వరుస సినిమాలతో బిజీబిజీగా గడిపేస్తోంది.