నాగ చైతన్యకు తెలుసు.. కానీ నోరు మెదపడం లేదు, సమంత స్టైలిస్ట్ ప్రీతమ్ షాకింగ్ కామెంట్స్

సమంత, నాగ చైతన్య విడిపోవడం వారి కుటుంబ సభ్యులతో పాటు అభిమానులకు పెద్ద షాక్. ఇప్పటికీ చైసామ్ అభిమానులు వీరిద్దరూ విడిపోవడాన్ని జీర్ణించుకోలేకున్నారు.

samantha

సమంత, నాగ చైతన్య విడిపోవడం వారి కుటుంబ సభ్యులతో పాటు అభిమానులకు పెద్ద షాక్. ఇప్పటికీ చైసామ్ అభిమానులు వీరిద్దరూ విడిపోవడాన్ని జీర్ణించుకోలేకున్నారు. చైతు, సమంత విడిపోవడంపై మీడియాలో, సోషల్ మీడియాలో ఎన్నో ఊహాగానాలు వినిపిస్తున్నాయి. అసలే బాధలో ఉన్న సమంతకి ఈ రూమర్లు పుండుమీద కారంలా మారాయి. 

samantha

అందుకే Samantha ఇటీవల తనపై వస్తున్న విమర్శలకు సమాధానం ఇస్తూ ఎమోషనల్ ప్రెస్ నోట్ విడుదల చేసింది. అయినప్పటికీ సమంతపై ప్రచారం ఆగడం లేదు. ఈ మొత్తం వ్యవహారంలో సమంతని మరింత హర్ట్ చేస్తున్న అంశం ఒకటుంది. తన స్టైలిస్ట్ ప్రీతమ్ తో ఎఫైర్ ఉందంటూ ప్రచారం జరిగింది. సమంత, చైతు కాపురంలో చిచ్చు పెట్టాడు అంటూ చైసామ్ అభిమానులు స్టైలిస్ట్ ప్రీతమ్ ని సోషల్ మీడియాలో దారుణంగా ట్రోల్ చేస్తున్నారు. 

ఇప్పటి వరకు ప్రీతమ్ సోషల్ మీడియాలో పరోక్ష వ్యాఖ్యలతో పోస్ట్ లు పెడుతూ వచ్చాడు. తాజాగా ఎట్టకేలకు ప్రీతమ్ నోరు విప్పాడు. జాతీయ మీడియాకు ఇచ్చిన ఇంటర్వ్యూలో ప్రీతమ్ తన మనసులో ఆవేదనని బయట పెట్టాడు. ఇంటర్వ్యూలో ప్రీతమ్ మాట్లాడుతూ.. సమంత నాకు అక్కలాంటిది. నేనెప్పుడూ సమంతని జిజి అని పిలుస్తుంటాను. 

Samantha

నార్త్ ఇండియాలో జిజి అంటే అక్క అని అర్థం. అలాంటప్పుడు మా మధ్య తప్పుడు రిలేషన్ కు ఆస్కారం ఉంటుందా ? అని ప్రీతమ్ ప్రశ్నించాడు. నేను.. సమంతతో ఎలాంటి రిలేషన్ షిప్ మైంటైన్ చేస్తానో నాగ చైతన్యకు బాగా తెలుసు. కొన్ని ఇయర్స్ గా చైతు నాకు పరిచయం. కానీ ఈ విషయంలో నాగ చైతన్య నోరు మెదపక పోవడం బాధిస్తోంది. 

సమంత కూడా బాగా హర్ట్ అవుతోంది. మా ఇద్దరి గురించి వస్తున్న రూమర్లకు సమంత కుప్పకూలిపోయింది. నాగ చైతన్య ఒక్క స్టేట్మెంట్ ఇస్తే బావుంటుంది. ట్రోలింగ్ చేస్తున్న వారంతా సైలెంట్ అవుతారు. కానీ చైతు స్పందించడం లేదు అని ప్రీతమ్ సంచలన వ్యాఖ్యలు చేశాడు. 

samantha

నాకు బెదిరింపు మెసేజ్ లు వస్తున్నాయి. చంపేస్తామని బెదిరిస్తున్నారు. ఇక సోషల్ మీడియాలో బూతులతో తిడుతున్నారు. నేను ఇంటి నుంచి బయటకు వస్తే చంపేస్తాం అంటున్నారు. నా కెరీర్ నాశనం చేస్తాం అంటూ గుర్తు తెలియని వ్యక్తులు బెదిరిస్తున్నారు. ఏది ఏమైనా ఈ బేస్ లెస్ రూమర్స్ ని నేను పట్టించుకోను అని ప్రీతమ్ ఇంటర్వ్యూలో చెప్పుకొచ్చాడు.