Samantha-నాగ చైతన్య పరస్పర అంగీకార విడాకులు ప్రకటించి వారం దాటిపోయింది. అయినా మీడియా వర్గాల్లో ఈ సంఘటనపై చర్చ ఆగలేదు. భార్యాభర్తలుగా నాలుగేళ్లు అన్యోన్యంగా మెలిగిన వీరి మధ్య తలెత్తిన వివాదాల వెనుక కారణం ఏమిటనే సందేహం పరిశ్రమతో పాటు అభిమానులు తెలుకోవాలని అనుకుంటున్నారు.
ఈ గొడవలకు కారణం సమంత పర్సనల్ స్టైలిస్ట్ ప్రీతమ్ జూకాల్కర్ పేరు ప్రధానంగా వినిపిస్తుంది. ప్రీతమ్ తో సమంత సన్నిహితంగా ఉండడం నాగ చైతన్యకు నచ్చలేదని, అలా మొదలైన గొడవలు, విడాకులకు దారితీశాయని కొందరు అంచనా వేస్తున్నారు. అదే సమయంలో కొన్నాళ్లుగా ప్రీతమ్ సోషల్ మీడియా పోస్ట్స్... సమంత వైవాహిక జీవితంలో ఏర్పడిన ఇబ్బందుల గురించే అన్న వాదన తెరపైకి వచ్చింది.
సమంత, ప్రీతమ్ కలిసి దిగిన ఫోటోలు సోషల్ మీడియాలో చక్కర్లు కొడుతున్నాయి. దీనితో సమంత, చైతు మధ్య చిచ్చు పెట్టింది, Preetham jukalkar అని ఈ ఇద్దరి ఫ్యాన్స్ భావిస్తున్నారు. అభిమానించే జంట విడిపోయారన్న ఆక్రోశాన్ని అతనిపై వెళ్లగక్కుతున్నారు.
ముఖ్యంగా నాగ చైతన్య ఫ్యాన్స్ నుండి ప్రీతమ్ సోషల్ మీడియా బెదిరింపులు ఎదుర్కొంటున్నారు. కొందరు వ్యక్తుల ప్రొఫైల్స్ ఇంస్టాగ్రామ్ స్టేటస్ లో పంచుకున్న ప్రీతమ్, వాళ్ళ నుండి తీవ్ర స్థాయిలో వేధింపులు ఎదురవుతున్నాయని చెప్పుకొని, ఆవేదన చెందారు.
సోషల్ మీడియాలో ప్రీతమ్ కి ఎదురవుతున్న ఇబ్బందులు చూస్తుంటే... ఓ వర్గం వారు అతడు తప్పు చేశాడని గట్టిగా నమ్ముతున్నారు. ప్రీతమ్ సమంతతో నాది బ్రదర్ సిస్టర్ రిలేషన్ అని చెప్పుకొస్తున్నారు. చైతూకి కూడా మా రిలేషన్ గురించి అవగాహనా ఉందని ప్రీతమ్ అంటున్నారు. అయినా సోషల్ మీడియా దాడి మాత్రం ఆగడం లేదు.
సమంత విడాకుల ప్రకటన చేయక ముందు నుండే ప్రీతమ్ పోస్ట్స్ పరోక్షంగా సమంత ఫ్యామిలీ ప్రాబ్లెమ్స్ గురించి తెలియజేసేలా ఉండేవి. ప్రీతమ్ చేసిన కొన్ని సోషల్ మీడియా పోస్ట్స్ ప్రీతమ్ తరువాత తొలగించారు.
ఇక సమంత ఇటీవల సంచలన పోస్ట్ చేశారు. తనకు అఫైర్స్ ఉన్నాయని, పిల్లలు కనడం ఇష్టం లేక అబార్షన్ చేయించుకున్నానని కొందరు ఆరోపిస్తున్నారని ఆవేదన చెందారు. విడాకులు అనేవి అత్యంత బాధాకర విషయం.. ఆ బాధ నుండి బయటపడనివ్వండి... అంటూ ఆమె వేడుకున్నారు.