వరుసగా అద్భుతమైన చిత్రాలతో దూసుకుపోతున్న సమంతకి ఆరోగ్య సమస్యలు బ్రేక్ వేశాయి. కొన్ని నెలల నుంచి సమంత మయోసైటిస్ అనే ఆటో ఇమ్యూన్ వ్యాధితో బాధపడుతున్న సంగతి తెలిసిందే. అయితే ఇటీవల సమంత పూర్తిగా కోలుకుంది.
వరుసగా అద్భుతమైన చిత్రాలతో దూసుకుపోతున్న సమంతకి ఆరోగ్య సమస్యలు బ్రేక్ వేశాయి. కొన్ని నెలల నుంచి సమంత మయోసైటిస్ అనే ఆటో ఇమ్యూన్ వ్యాధితో బాధపడుతున్న సంగతి తెలిసిందే. అయితే ఇటీవల సమంత పూర్తిగా కోలుకుంది. తన ఆరోగ్యం నార్మల్ స్థితికి చేరుకున్న వెంటనే సమంత 'శాకుంతలం' చిత్ర ప్రచార కార్యక్రమాలు ప్రారంభించడం చూశాం.
సమంత రాక కోసం చాలా ప్రాజెక్ట్స్ ఎదురుచూస్తున్నాయి. అందులో ముఖ్యమైనవి విజయ్ దేవరకొండ ఖుషి.. వరుణ్ ధావన్ సరసన నటిస్తున్న సిటాడెల్ వెబ్ సిరీస్. ఇక శాకుంతలం షూటింగ్ ఎలాగూ ముగిసింది. ఇక ప్రోస్ట్ ప్రొడక్షన్, రిలీజ్ మాత్రమే మిగిలి ఉంది. దీనితో సమంత తన పెండింగ్ ప్రాజెక్ట్స్ పై ఫోకస్ పెట్టింది.
తాజాగా సిటాడెల్ గురించి అప్డేట్ వచ్చింది. ఫ్యామిలీ మ్యాన్ ఫేమ్ రాజ్ అండ్ డీకే ఈ చిత్రాన్ని తెరకెక్కిస్తున్న సంగతి తెలిసిందే. సిడాటెల్ షూటింగ్ తిరిగి ప్రారంభం కాబోతున్నట్లు ప్రకటించారు. దీనిని సమంత కూడా ట్విటర్ లో రీట్వీట్ చేస్తూ క్రేజీ ఫొటోస్ షేర్ చేసింది.
అయితే విజయ్, సమంత కాంబోలో తెరకెక్కుతున్న ఖుషి కోసం తెలుగు ఆడియన్స్ ఎంతగానో ఎదురుచూస్తున్నారు. ఖుషికి ప్రయారిటీ ఇవ్వకుండా సిటాడెల్ గురించి ప్రకటించడం విజయ్ ఫ్యాన్స్ కి నచ్చలేదు. దీనితో ఓ అభిమాని ఖుషి సంగతి ఏంటి అంటూ ప్రశ్నించాడు. ఖుషి చిత్రాన్ని కూడా త్వరలోనే తిరిగి ప్రారంభిస్తాం.. విజయ్ దేవరకొండ ఫ్యాన్స్ నన్ను క్షమించండి అంటూ రిప్లై ఇచ్చింది.
నీవు చిరునవ్వుతో పూర్తి ఆరోగ్యంతో తిరిగి రావాలని మేమంతా ఎదురుచూస్తున్నాం అంటూ విజయ్ దేవరకొండ సమంత కామెంట్స్ కి స్పందించాడు. ఇదంతా చూస్తుంటే సమంత విషయంలో జరుగుతున్న ప్రచారం నిజమే అనిపిస్తోంది. ఖుషి చిత్రం మరింత ఆలస్యం కాబోతున్నట్లు వార్తలు వస్తున్నాయి. ఎందుకంటే సమంత సిటాడెల్ కి బల్క్ అమౌంట్ లో డేట్స్ కేటాయించిందట. ఖుషి చిత్రాన్ని ఆమె తాత్కాలికంగా పక్కన పెట్టినట్లు తెలుస్తోంది.
ఈ విషయంలో సమంతపై విమర్శలు వినిపిస్తున్నాయి తెలుగు సినిమాకి ప్రాధాన్యత ఇవ్వడం లేదు అంటూ ప్రచారం మొదలయింది. ఏది ఏమైనా సమంత, విజయ్ ఖుషి చిత్రం వీలైనంత త్వరగా రావాలని ఫ్యాన్స్ కోరుకుంటున్నారు.