Malli: తెలుగు బుల్లితెర పై ప్రసారమవుతున్న మల్లీ సీరియల్ ప్రేక్షకులను బాగానే ఆకట్టుకుంటూ దూసుకుపోతోంది. నిత్యం ట్విస్టులతో కొనసాగుతున్న ఈ సీరియల్ ఇక ఈరోజు ఫిబ్రవరి 1వ ఎపిసోడ్ లో భాగంగా ఏం జరిగిందో ఇప్పుడు మనం తెలుసుకుందాం.
ఈరోజు ఎపిసోడ్ లో మల్లీ మీరు ఇప్పుడు సింధూరాన్ని నా నుదుటిన పెట్టి స్థానం, నా హక్కులు నాకు ఇస్తాను అన్నట్టుగా చెబుతున్నారు, ఆ విషయం నాకు అర్థమైంది అంటుంది మల్లీ. మీరు పెట్టిన ఆ సింధూరాన్ని నేను ఇక్కడ అందరి ముందు పెట్టుకోలేను. ఎందుకంటే నేను ఇక్కడ అందరికీ పెళ్లి కానీ మల్లీ గానే తెలుసు ఇప్పుడు నుదుటి సింధూరం పెట్టుకుంటే వాళ్లు అడిగే ప్రశ్నలకు నా దగ్గర సమాధానం లేవు అంటుంది మల్లీ. అప్పుడు అరవింద్ మనం నిజం అనే అగ్నిపర్వతాన్ని దాచిపెడుతున్నాం, కానీ ఏదో ఒక రోజు నిజం బయటపడుతుంది. అప్పుడు జరిగేది ఏదో ఇప్పుడే జరుగుతుంది ఏదో ఒక పరిష్కారం దొరుకుతుంది. ఇప్పుడే వెళ్లి అందరికీ నిజం చెప్పేద్దాము.
పదా మల్లీ వెళ్దాం అని అనడంతో అప్పుడు వద్దు బాబు గారు అంటుంది మల్లీ. అప్పుడు మల్లీ అక్క కంట నీరు చూస్తే ఇంట్లో ఎవరూ తట్టుకోలేరు నేను కూడా తట్టుకోలేను వద్దు బాబు గారు అంటుంది మల్లీ. ఎప్పటికీ మీరు మాలిని అక్క ఇద్దరు సంతోషంగా ఉండాలి అది నేను చూస్తూ ఉండాలి అంతే అని అంటుంది. కానీ మీరు ఈరోజు అన్న మాటలు నాకు ఎప్పటికీ తీపి జ్ఞాపకాలుగా మిగిలిపోతాయి అంటుంది. నువ్వు ఎప్పుడూ అంటుంటావ్ కదా మల్లీ నీకంటే మీ అమ్మ బెటర్ అని ఇప్పుడు నాకంటే నువ్వే బెటర్ ఎందుకంటే నువ్వు ఒంటరిగా నా జ్ఞాపకాలను తెలుసుకొని గడుపుతావు కానీ నేను అలా కాదు.
పక్కన మాలినే ఉంటుంది నువ్వు పదే పదే గుర్తుకు వస్తావు కానీ ఏం చేయాలో తెలియక నా ఆశలను కోరికలను అన్ని మనసులో చంపుకుంటాను అని అంటాడు అరవింద్. కానీ ఒకటి అయితే చెప్తాను మల్లీ ఈ విషయం మాలినికి తెలిస్తే మళ్ళీ నన్ను జీవితంలో క్షమించదు. ఈ విషయంలో నేను నిన్ను ఫోర్స్ చేయను అని అంటాడు అరవింద్. ఆ తర్వాత మల్లీ ఒక చోట కూర్చుని బాధపడుతూ ఉండగా ఇంతలో అక్కడికి పింకీ రావడంతో ఏమైంది మల్లీ అక్క అనగా అబద్ధాలు చెప్పి కవర్ చేస్తూ ఉంటుంది మల్లీ. అక్క నిన్ను బాధపెట్టిన ఆ సుందర్ సంగతి చెబుదాం పద అని లోపలికి వెళ్ళాక సుందర్ సినిమా చూసి భయపడుతూ ఉంటాడు. అప్పుడు వాళ్ళిద్దరూ కలిసి నైట్ సుందర్ ని భయపెట్టాలని ప్లాన్ వేస్తారు.
ఆ తర్వాత మల్లీ, తన తల్లిని గుర్తు తెచ్చుకొని అమ్మ జీవితాంతం బొమ్మలు చూస్తూ బాధపడుతూ గడిపింది ఇప్పుడు నేను కూడా అలాగే గడపాలా అనుకుంటూ ఉంటుంది. అమ్మ జీవితం లాగే నా జీవితం కూడా బొమ్మలాట లాగా అయిపోతుందా అనుకుంటూ ఉంటుంది. ఆ తర్వాత మల్లీ మీరాకు ఫోన్ చేయడంతో మీరా మల్లీ గురించి గొప్పగా చెబుతూ ఊరు అంతా నువ్వు పాస్ అయ్యావని పండగ చేసుకున్నారు అని సంతోష పడుతూ ఉంటుంది. మల్లీ ఏం మాట్లాడకుండా మీరా మాటలు వింటూ ఉంటుంది. ఇంత మంచి విజయం సాధించడానికి మీ అత్తయ్య వాళ్లే కారణం ఒకసారి మీ అత్తయ్య గారికి ఫోన్ ఇవ్వమ్మా మాట్లాడతాను అనడంతో అత్తయ్య వాళ్ళు భోజనం చేస్తున్నారు నేను తర్వాత ఇస్తాను అని అంటుంది మల్లీ.
అప్పుడు ప్రకాష్ మళ్లీ బాగున్నావా అనడంతో బాగున్నాను ప్రకాష్ అనగా అక్కడ నీ పరిస్థితి గురించి నాకు తెలియదు అనుకుంటున్నావా మల్లీ. నీకు ఎటువంటి కష్టం వచ్చినా నేను ఉన్నాను అన్న సంగతి మర్చిపోకు ఉంటాను అని చెప్పి ఫోన్ కట్ చేస్తాడు ప్రకాష్. అప్పుడు మల్లీ నేను మా అమ్మకు ఇక్కడ పరిస్థితులు చెబితే అమ్మ బాధపడుతుంది అనుకుంటూ ఉంటుంది. ఆ తర్వాత సుందర్ పడుకోవడానికి ముందు బాలయ్య చిరంజీవి ఫోటోలు ముక్కుని పడుకుంటూ పడుకుంటాడు.. ఇంతలోనే పింకీ,మల్లీ అక్కడికి వచ్చి సుందర్ ని ఆటపటిస్తూ ఉంటారు. నేను దెయ్యాన్ని సుందర్ అనడంతో సుందర్ భయంతో వనికి పోతూ ఉంటాడు.
అప్పుడు పింకీ గొంతు మార్చి సుందర్ ని భయపడించడంతో సుందర్ భయపడుతూ ఉంటాడు. ఆ తర్వాత సుందర్ భయంతో పడుకుంటాడు. అప్పుడు పింకీ మల్లీ ఇద్దరు నవ్వుకుంటూ ఉంటారు. ఆ తర్వాత రోజు ఉదయం అరవింద్ ఆఫీస్ కి వెళ్ళగా అక్కడ అందరూ కాన్ఫరెన్స్ కాల్ లో ఉన్నారు మల్లీ ని ఇంటర్వ్యూ చేయడానికి పోటీ పడుతున్నారు అనడంతో అరవింద్ సంతోష పడుతూ ఉంటాడు. అప్పుడు అరవింద్, మల్లీ తో ఫస్ట్ నుంచి ట్రావెల్ చేసింది నేను కాబట్టి మల్లీని నేనే ఇంటర్వ్యూ చేస్తాను అనుకుంటూ లోపలికి వెళ్తాడు. ఇంతలో అరవింద్ కాన్ఫరెన్స్ కాల్ లోకి వెళ్లి ఎవరు వద్దు సార్ నేనే మల్లీని ఇంటర్వ్యూ చేస్తాను అని అంటాడు. అప్పుడు అరవింద్ వాళ్ళ సారు సరే అని అంటాడు.