‘శాకుంతలం’ షూటింగ్ లో అది కష్టతరం.. అయినా తప్పదుగా.. సమంత ఆసక్తికరమైన పోస్ట్.. వైరల్!

స్టార్ హీరోయిన్ సమంత నటిస్తున్న భారీ ఫిల్మ్ ‘శాకుంతలం’ (Shaakuntalam). వచ్చే నెలలో ప్రేక్షకుల ముందుకు రానుంది. తాజాగా చిత్ర షూటింగ్ పై సమంత ఆసక్తికరమైన పోస్టు పెట్టడం నెట్టింట వైరల్ గా మారింది.   

టాలీవుడ్ స్టార్ హీరోయిన్ సమంత గురించి ప్రత్యేకమైన పరిచయం అవసరం లేదు. నాగచైతన్యతో విడిపోయిన తర్వాత తన సినిమాలపైనే ఫుల్ ఫోకస్ పెడుతోంది. ప్రస్తుతం బ్యాక్ టు బ్యాక్ చిత్రాలతో ప్రేక్షకులను అలరిస్తోంది. చివరిగా  సై-ఫై చిత్రం  `యశోద`తో హిట్ అందుకుంది. 

ప్రస్తుతం మరో భారీ ప్రాజెక్ట్ ‘శాకుంతలం’ Shaakuntalamతో ప్రేక్షకుల ముందుకు రాబోతోంది. పురాణాల ఆధారంగా శాకుంతలం, దుష్యంతుడి ప్రేమ కథ నేపథ్యంలో ఈ చిత్రం రూపుదిద్దుకుంటోంది. వచ్చే నెలలోనే విడుదల కాబోతుండటంతో మేకర్స్ బ్యాక్ టు బ్యాక్ అప్డేట్స్ అందిస్తున్నారు. 

మయోసైటిస్ వ్యాధి నుంచి ఇప్పుడిప్పుడే కోలుకుంటున్న సమంత శాకుతలం చిత్ర షూటింగ్ పై సమంత తాజాగా ఇంట్రెస్టింగ్ పోస్ట్ పెట్టింది. ఈ సందర్భంగా ‘శాకుంతలం’ షూటింగ్ లో అత్యంత కష్టతరమైన భాగాన్ని తెలియజేసింది. కాగా, తన పెట్ డాగ్ ఫొటోతో పాటు, శాంకుతలం భంగిమలోని ఓ ఫొటోను పంచుకుంది.

ఈ ఫొటోలను పంచుకుంటూ ఆసక్తికరంగా క్యాప్షన్ ఇచ్చింది. శాకుంతలం షూటింగ్‌లో అత్యంత కష్టతరమైన భాగంలో నటించిన సమంత ఆ అనుభూతిని వెల్లడిస్తూ ఇలా రాసింది. ‘శాకుంతలంలో కష్టతరమైన అంశం ఏమిటంటే, నడుస్తున్నప్పుడు, మాట్లాడుతున్నప్పుడు, ఏడుస్తున్నప్పుడు కూడా  అదే భంగిమను మెయింటెయిన్ చేయడమే. అది నాకు కష్టంగా మారింది. దాని కోసం ట్రైనింగ్ సెషన్స్ కూడా తీసుకోవాల్సి వచ్చింది.’ అంటూ తెలిపింది. 

మయోసైటిస్ తో సమంత బాధపడుతున్న సమయంలోనూ షూటింగ్ లో పాల్గొనడం తనకు అత్యంత కష్టతరంగా మారిందని తెలుస్తోంది. ప్రస్తుతం సమంత పోస్ట్ నెట్టింట వైరల్ గా మారింది. ఏదేమైనా సమంత ఈజ్ బ్యాక్ అంటూ అభిమానులు ఖుషీ అవుతున్నారు. ఇక ‘శాకుంతలం’ డబ్బింగ్ పార్ట్ ను కూడా సమంత ప్రారంభించింది. 

ఇక రేపు మధ్యాహ్నా 12 గంటలకు శాకుంతలం నుంచి ట్రైలర్ విడుదల కానుంది. ట్రైలర్ కోసం అభిమానులు ఆసక్తిగా ఎదురుచూస్తున్నారు. శాకుంతలం ఒక పౌరాణిక సినిమా. గుణశేఖర్ రచన మరియు దర్శకత్వం వహించారు. శకుంతల పాత్రలో సమంత నటిస్తుండగా, దుష్యంత రాజుగా దేవ్ మోహన్ కనిపించనున్నారు. మోహన్ బాబు, గౌతమి, అదితి బాలన్, అనన్య నాగళ్ల సహాయక పాత్రల్లో కనిపించనున్నారు. శాకుంతలం ఫిబ్రవరి 17న పలు భాషల్లో థియేటర్లలో విడుదల కానుంది.