సమంత నటిస్తున్న పౌరాణిక చిత్రం 'శాకుంతలం' ప్రచార కార్యక్రమాలు జోరందుకున్నాయి. గుణశేఖర్ దర్శకత్వంలో విజువల్ ఫీస్ట్ గా తెరకెక్కించిన ఈ చిత్ర ట్రైలర్ కొద్దిసేపటి క్రితమే విడుదలయింది.
సమంత నటిస్తున్న పౌరాణిక చిత్రం 'శాకుంతలం' ప్రచార కార్యక్రమాలు జోరందుకున్నాయి. గుణశేఖర్ దర్శకత్వంలో విజువల్ ఫీస్ట్ గా తెరకెక్కించిన ఈ చిత్ర ట్రైలర్ కొద్దిసేపటి క్రితమే విడుదలయింది. ట్రైలర్ రిలీజ్ కోసం చిత్ర యూనిట్ చిన్న ఈవెంట్ నిర్వహించారు.
ఈ కార్యక్రమానికి సమంత, నీలిమ గుణ, గుణశేఖర్, దిల్ రాజు, హీరో దేవ్ మోహన్ హాజరయ్యారు. ట్రైలర్ లో సమంతని అందంగా చూపిస్తూనే ఎమోషనల్ సీన్స్ ఎలివేట్ చేశారు. ఎమోషనల్ సన్నివేశాల్లో సమంత నటన నెక్స్ట్ లెవల్ లో ఉంది. దేవ్ మోహన్ మాట్లాడుతూ నిర్మాత నీలిమ గుణ నా మలయాళీ చిత్రం చూడడం వల్లే నేను ఈరోజు ఇక్కడ నిల్చుని ఉన్నాను. ఆమె నానా సినిమా చూడడం నా అదృష్టం అని అన్నారు.
ఇక దిల్ రాజు మాట్లాడుతూ గుణశేఖర్ గారు సమంతకి కథ చెప్పినప్పుడే ఆమెకి నచ్చేసింది. వెంటనే ఒకే చెప్పింది. అయితే సమంతకి ఒక డౌట్ ఉండేది. కథ అదిరిపోయింది. కానీ ఆ విజువల్స్ ఎలా వస్తాయి, బడ్జెట్ ఎంత అవుతుంది అని నాతో అనుమానం వ్యక్తం చేసేది.
కానీ ఇప్పుడు ఆమె అనుమానాలు తొలగిపోయాయి. గుణశేఖర్ గారు ఒక ఫ్లాన్ ప్రకారం ఈ చిత్రానికి వర్క్ చేసారు అని దిల్ రాజు తెలిపారు. గుణశేఖర్ మాట్లాడుతూ నాలాంటి ఫిలిం మేకర్స్ ఎంతో మంది ఉంటారు. కానీ దిల్ రాజు లాంటి నిర్మాత ఉంటేనే ఇలాంటి చిత్రాలు సాధ్యం అవుతాయి అని గుణశేఖర్ అన్నారు. వెంటనే ఆయన కన్నీళ్లు ఆపుకోలేకపోయారు.
గుణశేఖర్ ని చూసి సమంత కూడా కంటతడి పెట్టుకుంది. సినిమా అద్భుతంగా వచ్చిందనే సంతోషాన్ని వీరిద్దరూ ఇలా ఆనంద భాష్పాలతో చూపించారు. ఈ చిత్రంలో శకుంతల పాత్ర కోసం చాలా మందిని అనుకున్నా. కానీ సమంతని సజెస్ట్ చేసింది మాత్రం నీలిమనే అని గుణశేఖర్ తెలిపారు.
ఈ క్షణం కోసం మేమంతా చాలా రోజులుగా ఎదురుచూస్తునట్లు సమంత తెలిపింది. నేను శక్తి తెచ్చుకుని ఇక్కడకి రావాలని ఫిక్స్ అయ్యా. ప్రతి ఒక్కరూ సినిమా అనుకున్నట్లుగా రావాలని కోరుకుంటాం. కానీ కొన్నిసార్లు మాత్రమే ఒక మ్యాజిక్ జరుగుతుంది. అప్పుడు సినిమా అనుకున్నదానికంటే మించి సినిమా వస్తుంది. అదే శాకుంతలం చిత్రానికి జరిగింది అని సమంత తెలిపింది. నాకు ఎన్ని కష్టాలు వచ్చినా ఏమీ మారలేదు.. సినిమాపై ప్రేమ తగ్గలేదు అని సమంత ఆసక్తికర వ్యాఖ్యలు చేసింది.