తల్లి కష్టం గుర్తు చేసుకుని సమంత ఎమోషనల్‌, `శుభం` సక్సెస్‌ క్రెడిట్‌ వారికే

Samantha : సమంత నిర్మించిన `శుభం` మూవీ విజయవంతంగా రన్‌ అవుతున్న నేపథ్యంలో తాజాగా సక్సెస్‌ మీట్‌లో సమంత ఎమోషనల్‌ కామెంట్స్ చేసింది.   

samantha

సమంత ఇటీవల వరుసగా వార్తల్లో నిలుస్తుంది. ఓ వైపు డేటింగ్‌ రూమర్లతో, మరోవైపు తన సినిమాతో ఆమె సందడి చేస్తుంది. సమంత.. బాలీవుడ్‌ డైరెక్టర్‌ రాజ్‌ నిడిమోరుతో రిలేషన్‌లో ఉందని, వీరిద్దరు మ్యారేజ్‌ చేసుకోబోతున్నారనే వార్తలు వినిపిస్తున్నాయి. తరచూ సమంత కూడా ఆయనతో క్లోజ్‌గా ఉన్న ఫోటోలను కూడా పంచుకుంటుంది.

అయితే అందులో నిజం లేదని ఆమె మేనేజర్‌ స్పందించారు. ఇదిలా ఉంటే తన సినిమా `శుభం` విషయంలోనూ టాక్‌ ఆఫ్‌ ది ఇండస్ట్రీ అయ్యింది సమంత. ఆమె నిర్మాతగా మారి `శుభం` అనే చిత్రాన్ని నిర్మించింది. ట్రాలాలా మూవీంగ్‌ పిక్చర్స్ పతాకంపై సమంత ఈ మూవీని నిర్మించడం విశేషం.

samantha

గత శుక్రవారం విడుదలైన ఈ మూవీ పాజిటివ్‌ టాక్‌తో రన్‌ అయ్యింది. మంచి కలెక్షన్లతో సక్సెస్‌ని సాధించింది. తక్కువ బడ్జెట్‌తో వచ్చి డీసెంట్‌ హిట్‌ని అందుకుంది. తాజాగా `శుభం` మూవీ సక్సెస్‌ మీట్‌ లో సమంత పాల్గొంది. తన తల్లిని తలుచుకుని ఆమె ఎమోషనల్‌ అయ్యింది. ఇండస్ట్రీలో సినిమాల సక్సెస్‌ రేట్‌ కేవలం 10 శాతమే.

అయినా ఆ విషయం తెలిసి తాను ఎలా నిర్మాతగా మారానో అర్థం కావడం లేదు, ఆ ధైర్యం ఏంటో తెలియడం లేదు, టీమ్‌ లోని అందరి ఫేసుల్లో సంతోషం చూస్తే, ఇప్పుడు అర్థం అవుతుంది. నిర్మాతలు మళ్లీ మళ్లీ సినిమాలు ఎందుకు నిర్మిస్తారో. ఈ ఫీలింగ్‌ చాలా గొప్పది, దీన్ని దేనితోనూ కొలవలేం. ఇది నిజమైన విజయం` అని చెప్పింది సమంత.

samantha

ఇంకా మాట్లాడుతూ `ఇది చూస్తుంటే చిన్నప్పుడు నా సమ్మర్‌ హాలీడేస్‌ గుర్తుకు వచ్చాయి. ఇప్పుడు తెలుసుకుంటున్నాను, మా అమ్మ ఎంత కష్టపడిందని. ముగ్గురు పిల్లలు, వారి ఫ్రెండ్స్ ని థియేటర్‌కి తీసుకెళ్లాలి, వారిని డిజప్పాయింట్‌ చేయకూడదని, చాలా కష్టపడింది. ట్యూషన్లు చెప్పింది.

ఆ చీకట్లో సినిమా చూస్తూ, క్లాప్స్ కొడుతూ, మూవీ అయిపోయాక ఆ సినిమా గురించి డిస్కస్‌ చేసుకుంటూ ఇంటికి వెళ్లడం, మా బ్రదర్స్ తో పాప్‌ కార్స్ కోసం గొడవపడటం వంటివన్నీ గుర్తుకు వస్తున్నాయి. ఇవన్నీ మొన్న, నిన్ననే జరిగినట్టు అనిపిస్తుంది. 

samantha

ట్రాలాలా బ్యానర్‌ ద్వారా చిన్నప్పటి మెమొరీస్‌ని ఫ్యామిలీ కోసం రీ క్రియేట్‌ చేయాలని, మంచి క్లీన్‌ ఎంటర్‌టైన్‌మెంట్‌ చేయాలని, ఇలాంటిది మా బ్యానర్‌ నుంచి ఆశించాలి, అదే మా లక్ష్యం. దానికోసం కష్టపడుతూనే ఉంటాం.

మీ అందరికి చిన్నప్పటి తీపి జ్ఞాపకాలను అందించడమే మా డ్రీమ్‌. ఈ విషయంలో తాను కష్టపడతానని మాటిస్తున్నా` అని పేర్కొంది సమంత. ఈ సందర్భంగా సినిమాకి పని చేసిన ప్రతి ఒక్కరికి ఆమె అభినందనలు తెలిపింది. ఇది 24 క్రాఫ్ట్స్ వల్లే సాధ్యమైందని తెలిపింది. 

shubham movie

ఇక `శుభం` సినిమాకి దక్కిన రివ్యూల గురించి చెబుతూ, మీడియా మిత్రులతో ఎంతో కాలంగా అనుబంధం ఉందని, తన సినిమాపై ప్రతి ఒక్కరు పాజిటివ్‌గా స్పందించారు.

పాజిటివ్‌ రివ్యూలు ఇచ్చారని, పాజిటివ్‌ ట్వీట్లు వేశారని, ఒక్కరు కూడా ఇది బాగా లేదనే కామెంట్‌ చేయలేదు, ఇలాంటి సపోర్ట్ మాకు కావాల్సింది. ఇదే మాకు ఎంతో ధైర్యాన్ని, నమ్మకాన్ని ఇస్తుందని, ఇంకా చేయాలనే ప్రోత్సాహాన్ని ఇస్తుందని ఎమోషనల్‌గా రియాక్ట్ అయ్యింది సమంత. 

samantha

చాలా మంది టెక్నీషియన్లు సినిమా కోసం నిద్ర లేకుండా పని చేశారని, సినిమా సక్సెస్‌ క్రెడిట్‌ వారిదే అని చెప్పింది. యాక్టర్స్ లైఫ్‌ చాలా ఈజీ అని, లేట్‌గా సెట్‌కి వచ్చి త్వరగా వెళ్లిపోతామని, అందులో తాను కూడా భాగమే అని, సెట్‌లో తన డైలాగ్స్ మాత్రమే చదువుకుని యాక్ట్ చేసి చెప్పేసి వెళ్లిపోతామని, ఇంకా ఏదీ పట్టించుకోము, చాలా సెల్ఫీష్‌గా ఉంటాము.

కానీ ఈ మూవీ కోసం టీమ్‌ పడ్డ కష్టం చూస్తుంటే, నా నిర్ణయాన్ని మార్చుకున్నాను, చాలా రియలైజ్‌ అయ్యాను అని తెలిపింది సమంత. ఇక అభిమానుల వల్లే తాను ఈ స్థాయిలో ఉన్నానని, వారు లేకపోతే తాను లేదనని, తనకు సినిమాలు లేక గ్యాప్‌ వచ్చినా, వారి లవ్‌ చూస్తుంటే ఆ ఫీలింగ్‌ లేదు అని చెప్పింది సమంత.