సమంతకి మాజీ మామ నాగార్జున కౌంటర్, ముందు మైండ్ లో నుంచి అది తీసేయ్.. అలా చూసి భరించలేకపోయింది

ఒకప్పుడు సమంత అక్కినేని ఫ్యామిలిలో బాగా కలిసిపోయింది. నాగ చైతన్యని సమంత ప్రేమ వివాహం చేసుకున్న సంగతి తెలిసిందే. కొనేళ్లు సమంత చైతూతో, అక్కినేని ఫ్యామిలీతో అన్యోన్యంగా గడిపింది. కానీ ఊహించని విధంగా చై, సమంత మాత్రం విభేదాలు వచ్చి విడిపోయారు. నాగార్జున, సమంత, నాగ చైతన్య కలసి మనం అనే చిత్రంలో నటించారు. ఆ మూవీ ఆల్ టైం క్లాసిక్స్ లో ఒకటిగా నిలిచింది. 

ఇక సమంత, చైతు అయితే ఏ మాయ చేశావే, ఆటో నగర్ సూర్య, మజిలీ లాంటి చిత్రాల్లో అద్భుతంగా కెమిస్ట్రీ పండించారు. తమ ఫ్యామిలిలో అందరూ సినిమాల గురించి చాలా సరదాగా మాట్లాడుకుంటారు అని నాగార్జున ఓ ఇంటర్వ్యూలో తెలిపారు. నచ్చిన అంశాలు, నచ్చని అంశాలు మొహమాటం లేకుండా చెప్పేస్తారు. నాగార్జున మాట్లాడుతూ.. నేను నటించిన చిత్రం అయినా సరే తనకి నచ్చకుంటే సమంత ముఖం మీదే చెప్పేస్తుంది. 

Samantha Ruth Prabhu

నాగార్జున కెరీర్ లో బిగ్గెస్ట్ డిజాస్టర్స్ లో మన్మథుడు 2 ఒకటి. మన్మథుడు చిత్రం నాగార్జున కెరీర్ లో ఎంత పెద్ద విజయం సాధించిందో చూశాం. ఆ టైటిల్ కి ఉన్న వ్యాల్యూ తగ్గించేలా మన్మథుడు 2 డిజాస్టర్ అయింది. రాహుల్ రవీంద్రన్ దర్శకత్వంలో ఈ చిత్రం తెరకెక్కింది. ఈ మూవీలో నాగార్జున, రకుల్ ప్రీత్ సింగ్ మధ్య రొమాన్స్ శృతి మించినట్లు అనిపించింది. ఆడియన్స్ ఆ రొమాన్స్ ని యాక్సెప్ట్ చేయలేదు. 

మన్మథుడు 2 ట్రైలర్ రిలీజ్ అయినప్పుడే ఆ విషయాన్ని సమంత పసిగట్టిందట. తన కుటుంబ సభ్యుల ఒపీనియన్ నాగార్జున అడిగారు. అఖిల్, నాగ చైతన్య మాత్రం ట్రైలర్ బావుంది నాన్న అని చెప్పారట. లిప్ కిస్సుల గురించి వాళ్ళు ఎలాంటి కామెంట్ చేయలేదు అని నాగార్జున నవ్వుతూ అన్నారు. సమంత రియాక్షన్ విని నేను షాక్ అయ్యాను. సమంతకి ట్రైలర్ అసలు నచ్చలేదు. మావయ్య ఏంటి ఇలాంటి చిత్రంలో నటించడం ఏంటి అని అనుకుంది. 

Manmadhudu 2

లిప్ కిస్సులు, రొమాన్స్ గురించి ఏదో గొనుగుతూ ఉంది. అప్పుడు నాగార్జున సమంతకి కౌంటర్ ఇచ్చారట. ఫస్ట్ నువ్వు నీ మైండ్ లోనుంచి రొమాంటిక్ సీన్లని తీసేయ్.. అప్పుడు ట్రైలర్ చూడు అని కౌంటర్ ఇచ్చారట. ఆ తర్వాత ట్రైలర్ బావుంది మామ అని చెప్పిందట. బలవంతంగా ఆ టైంకి ట్రైలర్ బావుందని చెప్పినప్పటికీ సమంతకి వాస్తవంగా ఆ మూవీ నచ్చలేదు. అనుకున్నట్లుగానే మన్మథుడు 2 విడుదలై విమర్శలు మూటగట్టుకుంది.