RRR Review: RRR ట్విట్టర్ టాక్.. అవెంజర్సా తొక్కా మీ ఊహకి అందదు, మీరు మైండ్ బ్లోయింగ్ రాజమౌళి సర్

అభిమానుల నిరీక్షణ ముగిసింది. యావత్ దేశం ఎదురుచూస్తున్న ఆర్ఆర్ఆర్ చిత్రం ప్రేక్షకుల ముందుకు వచ్చేసింది. రాజమౌళి, ఎన్టీఆర్, రాంచరణ్ నాలుగేళ్ల కష్టం వెండి తెరపై ఆవిష్కృతమైంది.

RRR Movie

అభిమానుల నిరీక్షణ ముగిసింది. యావత్ దేశం ఎదురుచూస్తున్న ఆర్ఆర్ఆర్ చిత్రం ప్రేక్షకుల ముందుకు వచ్చేసింది. రాజమౌళి, ఎన్టీఆర్, రాంచరణ్ నాలుగేళ్ల కష్టం వెండి తెరపై ఆవిష్కృతమైంది. అభిమానులు ఎంతగానో ఎదురుచూస్తూ ఉన్న ఆర్ఆర్ఆర్ మూవీ ప్రీమియర్ షోలు ప్రపంచ వ్యాప్తంగా మొదలయ్యాయి. ఆర్ఆర్ఆర్ చిత్రంలో ఎన్టీఆర్ కొమరం భీం పాత్రలో, రాంచరణ్ అల్లూరి పాత్రలో నటిస్తున్న సంగతి తెలిసిందే. ఈ సందర్భంగా యూఎస్, ఇతర ప్రాంతాల నుంచి సినిమాకు ట్విట్టర్ లో ఎలాంటి రెస్పాన్స్ వస్తుందో చూద్దాం. 

RRR Movie

ప్రీమియర్ షోలలో ఆర్ఆర్ఆర్ చిత్ర విశేషాలని అభిమానులు ట్విట్టర్ లో పంచుకుంటున్నారు. ముఖ్యంగా ఫ్యాన్స్ ఫస్ట్ హాఫ్ లో రాంచరణ్, ఎన్టీఆర్ ఇంట్రడక్షన్ సన్నివేశాలు.. ఇంటర్వెల్ బ్లాక్ విషయంలో చాలా ఉత్సాహంతో ఉన్నారు. ఇద్దరి ఇంట్రడక్షన్ సీన్స్ అదిరిపోయినట్లు ఫ్యాన్స్ ట్విటర్ లో పోస్ట్ లు పెడుతున్నారు. 

RRR Movie

ఎన్టీఆర్ ఇంట్రడక్షన్ సన్నివేశాలు మతిపోగోట్టే విధంగా ఉండగా.. రాంచరణ్ ఇంట్రడక్షన్ సీన్స్ లో విజువల్స్ అదిరిపోయినట్లు తెలుస్తోంది. ఆ సన్నివేశాల దృశ్యాలని కూడా కొందరు ఫ్యాన్స్ ట్విట్టర్ లో లీక్ చేస్తున్నారు. ఇక ఫస్ట్ హాఫ్ లో అలియా భట్ ఎంట్రీ కథా గమనాన్నే మార్చేసే విధంగా ఉంటుంది. ఇంటర్వెల్ బ్లాక్ ఊహకు అందని విధంగా గూస్ బంప్స్ తెప్పించే విధంగా ఉంటుందని అంటున్నారు. కొందరు ఫ్యాన్స్ అయితే అరాచకం అనేది చాలా చిన్న పదం అంటూ పోస్ట్ లు పెడుతున్నారు. 

RRR Movie

కాకపోతే ఫస్ట్ హాఫ్ ప్రారంభంలో కాస్త నెమ్మదిగా సాగిన ఫీలింగ్ వస్తుందని అది మినహా మిగిలినదంతా అద్భుతం అని అంటున్నారు. ఆర్ఆర్ఆర్ మూవీ అవుట్ ఆఫ్ ది వరల్డ్, రేటింగ్ 5/5.. మీరు మైండ్ బ్లోయింగ్ రాజమౌళి సర్.. అందరి అంచనాలు దాటేశారు. ఆర్ఆర్ఆర్ ఆల్ టైం బ్లాక్ బస్టర్ అని ఓ అభిమాని యుఎస్ నుంచి తన రివ్యూ ఇచ్చారు. 

RRR Movie

ఆర్ఆర్ఆర్ చిత్రం బాహుబలిని మించేలా ఉంది. క్లయిమాక్స్ సన్నివేశం కంటతడి పెట్టించేలా ఉంది. ఎన్టీఆర్, రాంచరణ్ ఇద్దరూ అద్భుతంగా చేశారు. ఫస్ట్ హాఫ్ కంటే సెకండ్ హాఫ్ అద్భుతంగా ఉంది అని మరో అభిమాని పేర్కొన్నాడు. 

RRR Movie

ఫస్ట్ హాఫ్ రిపోర్ట్.. కొంచెం స్లోగా ఉంది. చిన్న పిల్లాడిని కాపాడే సన్నివేశం నుంచి స్పీడ్ పికప్ అవుతుంది. ఇది రాజమౌళి షో.. ఎమోషన్స్ టెరిఫిక్ గా వర్కౌట్ అయ్యాయి.. ఇంటర్వ్యూలు బ్లాక్ అదిరిపోయింది.. బ్లాక్ బస్టర్ స్టఫ్ అంటూ మరో అభిమాని పోస్ట్ పెట్టారు. 

RRR Movie

ఇంటర్వెల్ సన్నివేశం, ప్రీ ఇంటర్వెల్ సన్నివేశం గురించి వర్ణించడానికి ట్వీట్స్ సరిపోవు.. ఒక పెద్ద పుస్తకమే కావాలి. అవుట్ స్టాండింగ్.. ఇద్దరు హీరోలు అదరగొట్టారు అంటూ మరో ప్రేక్షకుడు వర్ణించాడు. 

RRR Movie

ఎవెంజర్స్ ఆ తొక్కా.. రామ్ బీమ్ లు చాలు, ఆర్ఆర్ఆర్ చిత్రాన్ని ప్రపంచ వ్యాప్తంగా ఉన్న ఇండియన్ ఒక ఈవెంట్ లాగా సెలెబ్రేట్ చేసుకుంటారు అంటూ యుఎస్ నుంచి మరో ప్రేక్షకుడు ఆర్ఆర్ఆర్ మూవీపై తన స్పందన తెలిపాడు. కథలో కీలక సమయంలో బాలీవుడ్ స్టార్ అజయ్ దేవగన్ రోల్ ఉంటుంది. అజయ్ దేవగన్ స్రీన్ ప్రెజన్స్ అద్భుతం అంటూ ఫ్యాన్స్ కామెంట్స్ పెడుతున్నారు. 

RRR Movie

ఆర్ఆర్ఆర్ అంటే రిపీట్ రిపీట్ రిపీట్.. రాజమౌళి సర్ మీరు తెలుగు సినిమా అదృష్టం. చివరి 30 నిమిషాలు విజువల్స్, క్లయిమాక్స్ అదిరిపోయాయి అంటూ మరో నెటిజన్ ట్వీట్ చేశారు. 

RRR Movie

ఆర్ఆర్ఆర్ మూవీ రాజమౌళి మార్క్ కమర్షియల్ బ్లాక్ బస్టర్.. ఈ చిత్రాన్ని అన్ని అంచనాలని అధికమించింది. ఎమోషనల్ హై ఇవ్వడంలో రాజమౌళి మాస్టర్. ఈ సినిమాలో కూడా అదే మ్యాజిక్ చేశారు. సినిమాటోగ్రఫీ, బ్యాగ్రౌండ్ మ్యూజిక్ అద్భుతంగా వర్కౌట్ అయ్యాయి. రేటింగ్ 4/5 అంటూ మరో ప్రేక్షకుడు రివ్యూ ఇచ్చారు. ఇలా ఓవరాల్ గా సినిమాకి ట్విట్టర్ వేదికగా యునానిమస్ పాజిటివ్ రిపోర్ట్స్ వస్తున్నాయి. ఇక రామ్, భీంల బాక్సాఫీస్ దండయాత్ర షురూ అయినట్లే.