Guppedantha Manasu: రిషి మీద రివెంజ్ ప్లాన్ చేసిన కేడి బ్యాచ్.. చెయ్యని తప్పుకి చివాట్లు తింటున్న వసు!

Guppedantha Manasu: స్టార్ మాలో ప్రసారమవుతున్న గుప్పెడంత మనసు సీరియల్ మంచి రేటింగ్ ను సంపాదించుకుంటూ టాప్ సీరియల్స్ సరసన స్థానం సంపాదించుకుంటుంది. తనకి నమ్మకద్రోహం చేశారని ఒంటరిగా మిగిలిపోయిన ఒక లెక్చరర్ కథ ఈ సీరియల్. ఇక ఈరోజు జూన్ 15 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో లెక్చరర్ చెప్పినట్లు చెయ్యు అంటాడు మురుగన్. ఏం మాట్లాడుతున్నావ్ నాన్న.. అతనికి వార్నింగ్ ఇవ్వు అంటాడు పాండ్యన్. అతను నాకే వార్నింగ్ ఇచ్చి వెళ్ళాడు. కనిపించినంత సాఫ్ట్ కాదు అతను. అందుకే పిచ్చి వేషాలు వేయడం ఆపి అతను చెప్పినట్లు చేయండి అని చెప్పి ఫోన్ పెట్టేస్తాడు మురుగన్. విషయం తెలుసుకున్న ఫ్రెండ్స్ ఇప్పుడు ఏం చేద్దాం అని అంటారు.

అతను ఎలాగో బయట ఉన్నాడు కాబట్టి ఇక్కడ ఉన్న వాళ్ళలో ఎవరి చేత అయిన క్లీన్ చేయిద్దాము అని పక్కనున్న ఇద్దరు స్టూడెంట్స్ ని క్లీన్ చేయమని పంపిస్తారు కేడి బ్యాచ్. అప్పుడే రిషి లోపలికి వచ్చి మీరు ఎందుకు క్లీన్ చేస్తున్నారు.. ఎవరు తప్పు చేస్తే వాళ్లే శిక్ష అనుభవించాలి అని చెప్పి కేడి బ్యాచ్ చేత అక్కడ క్లీన్ చేయిస్తాడు.

మరొకసారి ఇలాంటి పిచ్చి వేషాలు వేస్తే పనిష్మెంట్ మరింత తీవ్రంగా ఉంటుందని చెప్పి హెచ్చరిస్తాడు. సీన్ కట్ చేస్తే లెక్చరర్స్ అందరూ డిన్నర్ చేస్తూ ఉంటారు. అప్పుడే అక్కడికి వచ్చిన రిషితో చాలా సంతోషంగా ఉంది సర్ ఇన్నాళ్లు మేము భయం తో బ్రతికాము. లంచ్ బాక్స్ ఓపెన్ చేయాలంటే భయం.. క్లాస్ తీసుకోవాలంటే భయం.. ఈరోజు వాళ్ళకి బుద్ధి చెప్పి మంచి పని చేశారు. చాలా రోజుల తర్వాత ఈరోజు ప్రశాంతంగా భోజనం చేస్తున్నాము అంటూ రిషి ని కూడా వాళ్లతో పాటు భోజనం చేయమని రిక్వెస్ట్ చేస్తారు లెక్చరర్స్.

వాళ్ల మాట కాదనలేక అక్కడే కూర్చుంటాడు రిషి. అందరూ వాళ్ళ ఫుడ్ రిషికి షేర్ చేస్తారు. అప్పుడే వసుధార కూడా వస్తుంది. అక్కడ విషయం చూసి షాక్ అవుతుంది. అతనికి దూరంగా కూర్చోవాలి ఏమనుకుంటుంది కానీ లెక్చరర్స్ అక్కడ కుర్చీ ఖాళీగానే ఉంది కదా అక్కడ కూర్చుండి అని చెప్పడంతో తప్పక అక్కడ కూర్చుంటుంది. మేమందరినీ రిషి సార్ కి ఫుడ్ షేర్ చేసాము మీరు కూడా షేర్ చేయండి అంటుంది ఒక లెక్చరర్.

రిషి వద్దని చెప్పినప్పటికీ బలవంతంగా వసు చేత కూర ఇప్పిస్తారు లెక్చరర్స్. అయితే రిషి అది తినకుండా కావాలనే కింద పడేసి పొరపాటున పడిపోయినట్లుగా చెప్తాడు. లంచ్ చేస్తూ మీరు ఇంతకుముందు ఎక్కడ వరకు చేశారు అని వసుని అడుగుతుంది ఒక లెక్చరర్. రిషి వేపు చూస్తుంది వసు. ఎందుకు చూస్తారు మీ ఇద్దరికీ ఇంతకు ముందు పరిచయం ఉందా అంటుంది లెక్చరర్. లేదు తనని చూడడం ఇదే మొదటిసారి అని చెప్పి భోజనం ముగించి అక్కడ నుంచి వెళ్ళిపోతాడు రిషి.

 మరోవైపు రిషి తమని అంత తీవ్రంగా అవమానించినందుకు రివెంజ్ తీర్చుకోవాలని ప్లాన్  చేస్తారు కేడి బ్యాచ్. సీన్ కట్ చేస్తే వాష్ రూమ్ దగ్గర ఏదైనా వసుధారని కసురుకుంటాడు రిషి నా పక్కన కూర్చోవటమేనా కర్రీ ఇవ్వమంటే ఇవ్వటమేనా అంటూ మందలిస్తాడు. నేనేమీ కావాలని చేయలేదు నన్ను నమ్మండి అంటుంది వసు.నమ్మినందుకే నన్ను ఇలా చేశారు. ఒకప్పుడు నా మనసుని చంపేసావు ఇప్పుడు నన్ను చంపేయొద్దు మనం ఇక్కడ ఉన్నది కేవలం కాలేజీ కోసం మాత్రమే.

 నా తండ్రికి నన్ను దూరం చేసినందుకు థాంక్స్. మళ్లీ ఇలాంటి పిచ్చి వేషాలు వేయొద్దు అంటూ గట్టిగా హెచ్చరించి అక్కడి నుంచి వెళ్ళిపోతాడు రిషి. బాధతో కన్నీరు పెట్టుకుంటుంది వసు. ఈ మాటలన్నీ చాటుగా పాండ్యన్ వింటాడు. మరోవైపు మహేంద్ర వసు పనిచేస్తున్న కాలేజీకి వస్తాడు. మహేంద్రను చూసినా రిషి షాక్ అవుతాడు.

 ఆత్రంగా డాడీ అని పిలుస్తాడు కానీ మహేంద్ర వెనక్కి తిరిగి చూసేటప్పుడు పక్కకి దాచుకుంటాడు. రిషి గొంతులా వినిపించింది అని ఎమోషనల్ గా ఫీల్ అవుతాడు మహేంద్ర. అటు వైపుగా వస్తున్న లెక్చరర్స్ ని పిలిచి వసు గురించి అడుగుతాడు. వసు  రూమ్ కి దారి చూపించిన లెక్చరర్స్ ఆమెకి మీరు ఏమవుతారు అని అడుగుతారు. తర్వాత ఏం జరిగిందో రేపటి ఎపిసోడ్ లో చూద్దాం.