పవన్ కళ్యాణ్, రేణు దేశాయ్ విడిపోయి చాలా కాలం అయింది. అయితే సోషల్ మీడియాలో వీరి ప్రస్తావన తరచుగా వస్తూనే ఉంటుంది. రేణు దేశాయ్ సోషల్ మీడియాలో యాక్టివ్ గా ఉంటూ తన పిల్లల గురించి అనేక విషయాలు చెబుతూ ఉంటారు.
పవన్ కళ్యాణ్, రేణు దేశాయ్ విడిపోయి చాలా కాలం అయింది. అయితే సోషల్ మీడియాలో వీరి ప్రస్తావన తరచుగా వస్తూనే ఉంటుంది. రేణు దేశాయ్ సోషల్ మీడియాలో యాక్టివ్ గా ఉంటూ తన పిల్లల గురించి అనేక విషయాలు చెబుతూ ఉంటారు. కొన్ని ఆసక్తికర పోస్ట్ లు కూడా పెడుతూ ఉంటారు. భార్య భర్తలుగా పవన్ రేణు దేశాయ్ విడిపోయినప్పటికీ.. పిల్లల విషయంలో బాధ్యత ఉంటారు.
సందర్భం వచ్చినప్పుడు రెండు దేశాయ్ పవన్ కళ్యాణ్ చిత్రాల గురించి, రాజకీయాల గురించి మాట్లాడుతుంటారు. పవన్ కళ్యాణ్ రేణు దేశాయ్ ఇద్దరూ బద్రి, జానీ చిత్రాల్లో నటించారు. బద్రి సూపర్ హిట్ కాగా, జానీ చిత్రం నిరాశపరిచింది. బద్రి చిత్రంలో పవన్ కళ్యాణ్ మ్యానరిజమ్స్ బాగా హైలైట్ అయ్యాయి. మెడ మీద చేయి పెట్టుకోవడం ఆ చిత్రం నుంచే మొదలైంది.
ఇప్పుడు రీరిలీజ్ ట్రెండ్ టాలీవుడ్ లో బాగా ఉంది. పవన్ కళ్యాణ్ జల్సా, ఖుషి, గబ్బర్ సింగ్ లాంటి చిత్రాలు రీ రిలీజ్ అయ్యాయి. రేణు దేశాయ్ మాత్రం బద్రి చిత్రం ఎప్పుడెప్పుడు రీరిలీజ్ అవుతుందా అని ఎదురుచూస్తున్నారట. ఓ ఇంటర్వ్యూలో రేణు దేశాయ్ ఈ విషయాన్ని రివీల్ చేశారు.
బద్రి చిత్రంలో పవన్ కళ్యాణ్ కి వార్నింగ్ ఇచ్చే సన్నివేశం చాలా బావుంటుంది అని అభిమాని అనగా రేణు దేశాయ్ స్పందించారు. అవును అది నా ఫేవరిట్ సీన్ అంటూ రేణు దేశాయ్ బదులిచ్చారు. మావయ్య చూస్తున్నాడు ముఖం అలా పెట్టకు అని చెబుతాను అంటూ రేణు దేశాయ్ నవ్వుతూ చెప్పారు.
బద్రి చిత్రం అంత పెద్ద హిట్ అయ్యాక కూడా రేణు దేశాయ్ ఎక్కువగా సినిమాల్లో నటించలేదు. పవన్ తో జానీ చిత్రం చేశారు. ఖుషి, గుడుంబా శంకర్, బాలు లాంటి చిత్రాలకు అసిస్టెంట్ డైరెక్టర్ గా, ప్రొడక్షన్ డిజైనర్ గా, ఎడిటర్ గా పనిచేశారు. తనకి నటనపై కంటే ఫిలిం మేకింగ్ పైనే ఎక్కువ ఆసక్తి ఉండేది అని రేణు దేశాయ్ తెలిపారు. రేణు దేశాయ్ కోరుకున్నట్లు బద్రి చిత్రం ఎప్పుడు రీ రిలీజ్ అవుతుందో చూడాలి.