నాగ చైతన్య ఎవరో అమ్మాయిని ప్రేమిస్తున్నాడని నాగార్జునకు అనుమానం వచ్చిందట. నిఘా పెట్టాడట. రాత్రి ఇంటికి ఎవరైనా వస్తున్నారా అని వాచ్ మెన్ ని అడిగాడట.
నాగ చైతన్య జోష్ మూవీతో సిల్వర్ స్క్రీన్ కి పరిచయమయ్యాడు. ఈ సినిమా అంతగా ఆడలేదు. అయితే రెండో మూవీతో మంచి విజయం నమోదు చేశాడు. రొమాంటిక్ లవ్ ఎంటర్టైనర్ ఏమాయ చేసావే సూపర్ హిట్ కొట్టింది. గౌతమ్ వాసుదేవ్ మీనన్ దర్శకత్వం వహించారు.
100% లవ్, మనం, ప్రేమమ్ చిత్రాలతో నాగ చైతన్య టైర్ టు హీరోగా సెటిల్ అయ్యాడు. నాగ చైతన్య సక్సెస్ లో తండ్రి నాగార్జున పాత్ర చాలా ఉంది. అక్కినేని వారసుడిగా గ్రాండ్ గా లాంచ్ చేశాడు. నిజానికి నాగ చైతన్య నాగార్జున వద్ద పెరగలేదు. ఆయన బాల్యం చెన్నైలో గడిచింది. నాగ చైతన్య తల్లి లక్ష్మి చెన్నైలో ఉండేవారు. దాంతో నాగ చైతన్య అక్కడే పెరిగాడు.
అప్పుడప్పుడు హైదరాబాద్ వచ్చేవాడు. తండ్రి నాగార్జునతో గడిపేవాడు. నాగ చైతన్య ఉన్న ఆ నాలుగు రోజులు నాగార్జునకు పండగేనట. నాగ చైతన్యతో టైం స్పెండ్ చేసేవాడట. హైదరాబాద్ లోని పలు ప్రదేశాలకు తిప్పేవాడట. నాగ చైతన్య తిరిగి వెళ్లిపోతుంటే నాగార్జునకు గుండె పగిలినంత పనయ్యేదట. చాలా ఎమోషనల్ అయ్యేవాడట.
కాగా ఓ సందర్భంలో నాగ చైతన్యను ఉద్దేశిస్తూ నాగార్జున ఆసక్తికర కామెంట్స్ చేశాడు. సీనియర్ హీరోయిన్ జయప్రద హోస్ట్ గా 2010లో జయప్రదం పేరుతో ఒక టాక్ షో ప్రసారమైంది. ఈ షోలో నాగార్జునను జయప్రద ఒక ప్రశ్న అడిగారు. నాగ చైతన్య గురించి మీకు తెలియని ఒక సీక్రెట్ మాతో పంచుకోవాలన్నారు.
దానికి సమాధానంగా నాగార్జున... వాడికి ఒక గర్ల్ ఫ్రెండ్ ఉందని నాకు గట్టి నమ్మకం. గత ఆరు నెలలుగా తెలుసుకోవాలని ట్రై చేస్తున్నాను. వాడికి లవర్ అయితే ఉంది. అడిగితే చెప్పడం లేదు. ఎవరూ లేరు నాన్న అంటున్నాడు.రాత్రి ఇంటికి ఎవరైనా వస్తున్నారా అని చాలాసార్లు వాచ్ మెన్ ని కూడా అడిగాను. వాచ్ మెన్ కూడా తెలియదు అన్నాడు.
చాలా జాగ్రత్తగా ఉంటున్నాడు. నేను ఇంకా తెలుసుకోలేకపోయాను. ఈ మధ్య ఒంటరిగా వేరే ఇంట్లో ఉంటానని బెదిరిస్తున్నాడు. అంత అవసరం ఏమిటని నేను అడిగాను. ఇవ్వన్నీ గమనిస్తే.. వాడికి గర్ల్ ఫ్రెండ్ ఉందని అర్థం అవుతుంది. ఆ గర్ల్ ఫ్రెండ్ ఎవరో నేను తెలుసుకోవాల్సి ఉంది... అన్నారు. నాగార్జున ఓల్డ్ కామెంట్స్ ఇప్పుడు వైరల్ అవుతున్నాయి.
ఆ గర్ల్ ఫ్రెండ్ సమంతనే కావచ్చు. ఏమాయ చేసావే విడుదలయ్యాక నాగార్జున ఈ కామెంట్స్ చేశారు. ఆ మూవీ సెట్స్ లోనే నాగ చైతన్య-సమంత ప్రేమలో పడ్డారు. ఈ విషయాన్ని వారు ఒప్పుకున్నారు కూడాను. కొన్నేళ్లు రహస్యంగా ప్రేమించుకున్న ఈ జంట 2017లో వివాహం చేసుకున్నారు. గోవా వేదికగా హిందూ, క్రిస్టియన్ సాంప్రదాయాల్లో పెళ్లి జరిగింది.
టాలీవుడ్ లవ్లీ కపుల్ గా పేరు తెచ్చుకున్న సమంత-నాగ చైతన్యల మధ్య మనస్పర్థలు చోటు చేసుకున్నాయి. 2021లో అధికారికంగా విడాకుల ప్రకటన చేశారు. కాగా 2024 ఆగస్టు 8న హీరోయిన్ శోభిత ధూళిపాళ్లతో నాగ చైతన్యకు నిశ్చితార్థం అయ్యింది. వచ్చే ఏడాది సమ్మర్ లో వీరి వివాహం అంటూ పుకార్లు వినిపిస్తున్నాయి. శోభిత, నాగ చైతన్య రెండేళ్లకు పైగా రిలేషన్ కొనసాగిస్తున్నట్లు సమాచారం.
హీరో నాగార్జున సైతం రొమాంటిక్ ఫెలోనే. హీరోయిన్ అమలను ప్రేమించి పెళ్లి చేసుకున్నాడు. దగ్గుబాటి లక్ష్మి తో విడాకులు అనంతరం నాగార్జున రెండో వివాహంగా అమల మెడలో తాళి కట్టాడు. వీరి సంతానమే అఖిల్. ఆయన కూడా హీరోగా ఎంట్రీ ఇచ్చాడు. అఖిల్ కి బ్రేక్ రావాల్సి ఉంది.