తెలుగు ఇండియన్‌ ఐడల్‌ షోకి ఊపు తెచ్చిన నేషనల్‌ క్రష్‌.. వాళ్లు పాటలు, రష్మిక డాన్స్ ఉర్రూతలూగిపోయిందిగా..

నేషనల్‌ క్రష్‌ రష్మిక మందన్నా ఫస్ట్ టైమ్‌ సింగింగ్‌ షోలో పాల్గొంది. ఆమె తెలుగు ఇండియన్ ఐడల్‌ సీజన్‌ 3 షోలో పాల్గొని ప్రత్యేక ఆకర్షణగా నిలిచింది.   

సింగర్స్ ని వెలికితీసే ఉద్దేశ్యంతో ప్రారంభించిన `తెలుగు ఇండియన్ ఐడల్‌` షో బాగా రన్‌ అవుతుంది. `ఆహా`లో దీన్ని నిర్వహిస్తున్నారు. ఇప్పటికే రెండు షోలు విజయవంతంగా పూర్తయ్యాయి. ఇప్పుడు మూడో సీజన్‌ రన్‌ అవుతుంది. 

ఈ షోలో ఇప్పుడు చివరి దశకు చేరుకుంది. దీంతో హాట్‌ హాట్‌గా మారింది. ఎలిమినేషన్‌ ప్రక్రియ ఉన్న నేపథ్యంలో షో హీటెక్కిపోతుంది. ఈక్రమంలో ఆ హీటు నుంచి రిలాక్స్ చేసేందుకు టీమ్‌ ప్లాన్‌ చేసింది. నేషనల్‌ క్రష్‌ని దించింది. 

నేషనల్‌ క్రష్‌ రష్మిక మందన్నా.. తాజాగా ఈ తెలుగు ఇండియన్‌ ఐడల్‌ సీజన్‌ 3కి గెస్ట్ గా రావడం విశేషం. ఆమె తనదైన గ్లామర్‌ ట్రీట్‌ ఇస్తూనే హుందాగా కనిపించింది. షోలో రచ్చ రచ్చ చేసింది. ఆమెని సింగర్స్ ప్రత్యేకంగా ఆహ్వానించారు. అదిరిపోయేలా రష్మిక కి వెల్‌కమ్‌ చెప్పడం విశేషం. 

అంతేకాదు వచ్చీ రాగానే ఆమెతో డాన్స్ చేయించారు. ఇందులో అదిరిపోయే డాన్స్ తో ఉర్రూతలూగించింది రష్మిక. ప్రస్తుతం దీనికి సంబంధించిన ప్రోమో వైరల్‌ అవుతుంది. గెస్ట్ జడ్జ్ గా రష్మిక ఇందులో పాల్గొంది. ఈ షో శుక్ర, శనివారంలో 16, 17వ ఎపిసోడ్‌గా ప్రసారం కానుంది. 

తెలుగు ఇండియన్‌ ఐడల్ 3 వ సీజన్‌ షోకి రష్మిక మందన్నా రావడంతో ఈ షోకి ప్రత్యేకమైన ఆకర్షణ నెలకొంది. ఇందులో ఆమె ఆసక్తికర విషయాలను పంచుకున్నట్టు తెలుస్తుంది. ఇక ఈ షోలో శ్రీరామ్‌ చంద్ర యాంకర్‌గా ఉన్నాడు. మ్యూజిక్‌ డైరెక్టర్‌ థమన్‌, గీతా మాధురీ జడ్జ్ లు గా ఉన్నారు.

ప్రస్తుతం రష్మిక మందన్నా ఓ వైపు గ్లామర్‌ రోల్స్ చేస్తుంది. మరోవైపు లేడీ ఓరియెంటెడ్‌ చిత్రాలు చేస్తుంది. అందులో భాగంగా ఆమె `పుష్ప 2`, `సికందర్‌`, `కుబేర`, `ది గర్ల్ ఫ్రెండ్`, `రెయిన్‌బో` చిత్రాలు చేస్తుంది. నటిగా ఫుల్‌ బిజీగా ఉంది.