Vijay-Rashmika Wedding: నేషనల్ క్రష్ రష్మిక మందన్నా, రౌడీ బాయ్ విజయ్ దేవరకొండ ఈ రోజు పెళ్లి చేసుకుంటున్నట్టు వార్తలు వస్తున్నాయి. కానీ అసలు తేదీ ఫిక్స్ అయ్యింది. లొకేషన్ కూడా ఫిక్స్ అయ్యింది.
రష్మిక మందన్నా, విజయ్ దేవరకొండ ఈ రోజు(ఫిబ్రవరి 2)న వివాహం చేసుకోబోతున్నట్టు గత రెండు మూడు రోజులుగా వార్తలు వినిపించాయి. సోమవారం ఉదయ్ పూర్ ప్యాలెస్లో మ్యారేజ్ అని వార్తలు వినిపించిన నేపథ్యంలో అవన్నీ నిజం కాదని తెలిసింది. అవి కేవలం రూమర్లు మాత్రమే అని తేలిపోయింది.
24
పెళ్లి రూమర్లకి రష్మిక మందన్నా చెక్
కొన్ని రోజుల క్రితం ఫ్లవర్ కౌన్సిల్ ఆఫ్ ఇండియా అధ్యక్షుడైన శ్రీకాంత్ చేసిన వ్యాఖ్యలు సోషల్ మీడియాలో వైరల్ అయ్యాయి. విజయ్, రష్మిక జంటకు శుభాకాంక్షలు చెబుతూ వారి పెళ్లికి తమ తరఫున అత్యంత నాణ్యమైన డచ్ గులాబీలు పంపిస్తున్నట్లు చెప్పారు. ఈ ఫ్లవర్స్ వారి వేడుకను మరింత అందంగా మారుస్తాయని చెప్పడంతో నిజంగానే వీరి పెళ్లి ఫిక్స్ అయ్యింది, సోమవారమే మ్యారేజ్ అని అంతా భావించారు. కానీ అందులో నిజం లేదని రష్మిక మందన్నా టీమ్ నుంచి తెలుస్తోంది.
34
ఫిబ్రవరి 26న విజయ్, రష్మిక పెళ్లి
‘‘విజయ్ దేవరకొండతో నా పెళ్లి వార్తలు వదంతులే. ఫిబ్రవరి 2న పెళ్లి అనేది నిజం కాదు’’ అని ఆమె చెప్పినట్టు సమాచారం. మరి వీరి పెళ్లి ఎప్పుడనేది ఇప్పుడు ఆసక్తికరంగా మారింది. ఆ సస్పెన్స్ కి తెరదిగింది. విజయ్, రష్మిక మ్యారేజ్ డేట్, లొకేషన్, వెన్యూ ఫిక్స్ అయ్యింది. ఫిబ్రవరి 26నే ఇద్దరు మ్యారేజ్ చేసుకోబోతున్నారు. జైపూర్లోని ఉదయ్ పూర్ ప్యాలెస్లోనే మ్యారేజ్ చేసుకోనున్నారు. చాలా గ్రాండ్గా వీరి మ్యారేజ్ జరగబోతుంది. అందుకు సంబంధించిన ఏర్పాట్లు జరుగుతున్నాయి.
దీనికి సంబంధించిన అధికారిక ప్రకటన త్వరలోనే రానుంది. గతేడాది అక్టోబర్లో రష్మిక, విజయ్ ఎంగేజ్మెంట్ చేసుకున్న విషయం తెలిసిందే. హైదరాబాద్లోని విజయ్ ఇంట్లో సీక్రెట్గా ఈ నిశ్చితార్థ కార్యక్రమం జరిగింది. ఇదిలా ఉంటే రష్మికకు 2017లో కన్నడ స్టార్ రక్షిత్ శెట్టితో నిశ్చితార్థం జరిగింది. కానీ 2018లో పెళ్లికి ముందే ఈ ఎంగేజ్మెంట్ని క్యాన్సిల్ చేశారు. రష్మికకి తెలుగులో వరుస సినిమాలు, సక్సెస్ లు రావడంతో రక్షిత్కి గుడ్ బై చెప్పిందని టాక్. ప్రస్తుతం రష్మిక పాన్ ఇండియా హీరోయిన్గా రాణిస్తోంది. ఆమె `మైసా` , విజయ్ దేవరకొండ `రణబాలి`లో నటిస్తోంది. విజయ్ `రణబాలి`తోపాటు `రౌడీ జనార్థన్` చిత్రాల్లో నటిస్తున్నాడు.
