Folk Song : యూట్యూబ్ లో 87M వ్యూస్, 240K లైక్స్ .. యూత్ తో మాస్ స్టెప్పులు వేయిస్తున్న సూపర్ హిట్ జానపదం
Ringu Ringula Juttudana Folk Song : ప్రస్తుతం సినిమా పాటలకంటే జానపద పాటలే గట్టిగా వినిపిస్తున్నాయి. కొన్ని పాటలు యూట్యూబ్ లో కోట్ల వ్యూస్ సాధించి ట్రెండింగ్ లో నిలుస్తున్నాయి… అలాంటి సూపర్ హిట్ ఫోక్స్ లో ఒకటే ఈ రింగూ రింగూల జుట్టూదానా.
Folk Song : ప్రస్తుతం జానపద పాటల హవా నడుస్తోంది. బతుకమ్మ పాటల నుండి ప్రేయసీప్రియుల డ్యూయెట్స్ వరకు అనేక తెలుగు జానపదాలు యూట్యూబ్ లో మారుమోగుతున్నాయి. సినిమా పాటలను తలదన్నే లిరిక్స్, మ్యూజిక్ తో ఈ పల్లెపాటలు అదరగొడుతున్నాయి. 'రాను బొంబైకీ రాను', 'ఓ పిలగ యెంకటేశు' వంటి హిట్ ఫోక్స్ యూట్యూబ్ లో కోట్ల వ్యూస్ సాధించడమే కాదు రీల్స్ రూపంలో సోషల్ మీడియాను షేక్ చేశాయి. ఒకప్పుడే జానపదాలు అంటే పల్లెపాటలే... కానీ ఇప్పుడు పట్టణాలకు చేరువై పబ్బుల్లో కూడా వినిపిస్తున్నాయి.
ప్రస్తుతం ఫోక్ సాంగ్స్ ను ప్రజలు ఎంతలా అభిమానిస్తున్నారో చెప్పడానికి యువ సింగర్ కమ్ డ్యాన్సర్ రాము రాథోడ్ జీవితమే నిదర్శనం. సాధారణ ట్రైబల్ కుటుంబానికి చెందిన ఇతడిని ఏకంగా బిగ్ బాస్ కు తీసుకెళ్లాయి ఈ ఫోక్ సాంగ్స్. అయితే రాము రాథోడ్ అనగానే 'రాను బొంబైకి రాను' సాంగ్ మాత్రమే గుర్తుకువస్తుంది. కానీ ఇంకొన్ని హిట్ సాంగ్స్ కూడా అతడి ఖాతాలో ఉన్నాయి. అందులో ఒకటే ఈ 'రింగూ రింగూలా జుట్టూదానా''. ఈ జానపదం కూడా యూట్యూబ్ ను షేక్ చేసింది... అభిమానులకు దగ్గరయ్యింది.