Ramayana Stars Salary: రామాయణం కోసం రణబీర్, యశ్, సాయి పల్లవి ఎంత తీసుకున్నారో తెలుసా?
Ramayana Stars Salary: రామాయణం మూవీ స్టార్ కాస్ట్ రెమ్యునరేషన్ వివరాలు వైరల్ అవుతున్నాయి. రణబీర్ కపూర్ రూ.75 కోట్లు తీసుకుంటుండగా, యశ్ లాభాల్లో వాటా అడిగాడట. మిగతా నటీనటుల పారితోషికం వివరాలు ఏంటంటే?
నితీష్ తివారీ డైరెక్ట్ చేస్తున్న రామాయణం ఇండియన్ సినిమాలో భారీ బడ్జెట్ తో తెరకెక్కుతున్న ప్రాజెక్ట్. రణబీర్ కపూర్, యశ్, సాయి పల్లవి, సన్నీ డియోల్ లాంటి స్టార్స్ నటిస్తున్న ఈ సినిమా రిలీజ్ కు ముందే భారీ అంచనాలు పెంచేసింది.
ఈ సినిమా బడ్జెట్, సెట్స్ గురించి ఇప్పటికే చాలా చర్చలు జరిగాయి. ఇప్పుడు నటీనటుల రెమ్యునరేషన్స్ హాట్ టాపిక్ గా మారాయి. CineAIx రిపోర్ట్ ప్రకారం, ఈ సినిమాలో రాముడిగా నటిస్తున్న రణబీర్ కపూర్ రూ.75 కోట్లు తీసుకుంటున్నాడు. ఈ మూవీలో అత్యధిక పారితోషికం తీసుకుంటున్నది అతనే.
ఇక రావణుడిగా నటిస్తున్న యశ్ ఎలాంటి ఫిక్స్డ్ రెమ్యునరేషన్ తీసుకోవడం లేదు. నమిత్ మల్హోత్రాతో కలిసి యశ్ ఈ సినిమాకు కో-ప్రొడ్యూసర్ గా కూడా వ్యవహరిస్తున్నాడు. అందుకే రెమ్యునరేషన్ కు బదులుగా సినిమా లాభాల్లో వాటా తీసుకోబోతున్నాడు.
దీంతో యశ్ సంపాదన సినిమా కమర్షియల్ సక్సెస్ పై ఆధారపడి ఉంటుంది. డైరెక్టర్ నితీష్ తివారీ ఈ ప్రాజెక్ట్ కోసం రూ.50 కోట్లు తీసుకుంటున్నట్లు సమాచారం.