లావణ్య మైండ్ సెట్ గురించి ఆర్జీవీ తప్ప ఇంకెవరూ ఇలా చెప్పలేరు..ఆడియో క్లిప్స్ గురించి సంచలనం

వివాదాస్పద అంశాల గురించి స్పందించే రామ్ గోపాల్ వర్మ రాజ్ తరుణ్, లావణ్య వివాదంపై కూడా తనదైన శైలిలో కామెంట్స్ చేశారు. రాజ్ తరుణ్ కి వర్మ మద్దతు తెలపడం విశేషం.

గత కొన్ని వారాలుగా రాజ్ తరుణ్, లావణ్య వివాహం మీడియాలో, సోషల్ మీడియాలో పెద్ద ఎత్తున వైరల్ అవుతోంది. లావణ్య అయితే మీడియా చుట్టూ తిరుగుతూ రాజ్ తరుణ్ పై సంచలన ఆరోపణలు చేసింది. రాజ్ తరుణ్ వల్ల తనకి రెండుసార్లు అబార్షన్ అయినట్లు పేర్కొంది. తన వద్ద ఆధారాలు కూడా ఉన్నాయని వ్యాఖ్యలు చేయడంతో రాజ్ తరుణ్ కి ఈ వివాదంలో బాగా ఉచ్చు బిగుసుకుంటోందని అంతా భావించారు. 

Raj Tarun and Lavanya

అయితే రాజ్ తరుణ్ తరుపున వాళ్ళు కూడా అంతే ధీటుగా స్పందిస్తున్నారు. దీనితో వివాదం వేడెక్కింది. రాజ్ తరుణ్ కి సంబంధించిన ప్రైవేట్ విషయాలు, ఆడియో క్లిప్పులు లావణ్య లీక్ చేయడంతో మరింత సంచలంగా మారింది. మరోవైపు లావణ్య కూడా అనేక ఆరోపణలు ఎదుర్కొంది. 

Raj Tarun and Lavanya

వివాదాస్పద అంశాల గురించి స్పందించే రామ్ గోపాల్ వర్మ రాజ్ తరుణ్, లావణ్య వివాదంపై కూడా తనదైన శైలిలో కామెంట్స్ చేశారు. రాజ్ తరుణ్ కి వర్మ మద్దతు తెలపడం విశేషం. లావణ్యపై రామ్ గోపాల్ వర్మ సంచలన వ్యాఖ్యలు చేశారు. నాకు రాజ్ తరుణ్ మాత్రమే కావాలి అని లావణ్య అడగడం కరెక్ట్ కాదు. ఎందుకంటే రాజ్ తరుణ్ ఏమీ చాక్లెట్ కాదు కదా. 

రాజ్ తరుణ్ కి ఇష్టం లేనప్పుడు ఇద్దరూ కూర్చుని మాట్లాడుకోవాలి. సమస్యని పరిష్కరించుకోవాలి. ఎలాంటి డెసిషన్ అయినా ఇద్దరూ ఒక అండర్ స్టాండింగ్ కి రావాలి అని అన్నారు. రాజ్ తరుణ్ కి మద్దతుగా వర్మ కామెంట్స్ సాగాయి. రాజ్ తరుణ్ తో 11 ఏళ్ళు సహజీవనం చేశాను అని లావణ్య చెబుతోంది. సహజీవనంలో విడిపోవడం అనేది పెద్ద విషయం కాదు. 

పెళ్ళై 20 ఏళ్ళు కాపురం చేసిన వాళ్లే విడిపోతున్నారు అని రాంగోపాల్ వర్మ అన్నారు. రాజ్ తరుణ్ కి సంబంధించిన ప్రైవేట్ విషయాలు బయట పెట్టడం, ఆడియో క్లిప్పులు రిలీజ్ చేయడంతో లావణ్య మైండ్ సెట్ గురించి వర్మ సంచలన వ్యాఖ్యలు చేశారు. ఆడియో రికార్డ్ చేయడం, దానిని లీక్ చేయడం లాంటివి క్రిమినల్ మైండ్ సెట్ ని సూచిస్తాయి అని  ఆర్జీవీ అన్నారు. 

క్రిమినల్ మైండ్ సెట్ ఉన్న వాళ్ళు మాత్రమే ఇలాంటి పనులు చేయగలుగుతారు అని లావణ్యని ఉద్దేశించి వర్మ సంచలన వ్యాఖ్యలు చేశారు. రాజ్ తరుణ్, లావణ్య ఇక కలసి ఉండడం జరగదేమో. అయితే ఈ మ్యాటర్ మాత్రం డబ్బుతోనే ముగుస్తుంది. ఎంత త్వరగా సెటిల్ చేసుకుంటే అంత మంచింది. కోర్టు లోపల మ్యాటర్ సెటిల్ అవుతుందా లేక బయటా అనేది చూడాలి అని వర్మ అన్నారు.