Ram Charan: మెగాస్టార్ చిరంజీవి, రామ్ చరణ్ కు అభిమానులు ఎక్కువ. ఆ ఉత్సాహం ఒక్కోసారి హద్దులు దాటుతుంది. అపోలో ఆసుపత్రికి క్లీన్ కారాతో వచ్చిన రామ్ చరణ్ను అభిమానులు అతిగా ప్రవర్తించారు. దీనివల్ల రామ్ చరణ్తో పాటూ క్లీన్ కారా కూడా ఎంతో ఇబ్బంది పడింది.
రామ్ చరణ్ మరోసారి తండ్రిగా ప్రమోషన్ పొందారు. అపోలో ఆసుపత్రిలో ఉపాసన కవల పిల్లలకు జన్మనిచ్చిన సంగతి తెలిసిందే. దీంతో అపోలో ఆసుపత్రి చుట్టూ విపరీతంగా చిరంజీవి, రామ్ చరణ్ అభిమానులు గుమిగూడారు. రామ్ చరణ్ పేరు వింటేనే అభిమానుల్లో ఉత్సాహం పొంగిపోతుంది. ఒక్కొక్కసారి ఆ ఉత్సాహం హద్దులు దాటితే ఎంత ఇబ్బందిగా ఉంటుందో అపోలో ఆసుపత్రి దగ్గర పరిస్థితులే సాక్ష్యం. రామ్ చరణ్, ఉపాసన డెలివరీ తర్వాత తన కూతురు క్లీన్ కారాను తీసుకొని ఆస్పత్రికి వచ్చారు. అప్పటికే విషయం తెలిసిన అభిమానులు పెద్ద సంఖ్యలో అక్కడికి చేరుకున్నారు. ఒక్కసారిగా గుమిగూడిన అభిమానులతోఆసుపత్రి పరిసరాలు గందరగోళంగా మారిపోయాయి.ఈ ఘటనకు సంబంధించిన ఎన్నో వీడియోలు సోషల్ మీడియాలో వైరల్ కూడా అయ్యాయి.
24
రామ్ చరణ్కు కోపం వచ్చింది
ఆ వీడియోలను బట్టి రామ్ చరణ్ ఆసుపత్రి నుంచి బయటకు వస్తున్నప్పుడు అభిమానులు సెల్ఫీలు,వీడియోలు తీసేందుకు చుట్టుముట్టారు. కొందరైతే అతను దగ్గరకు వెళ్లి ఇబ్బంది పెట్టేందుకు ప్రయత్నించారు. అప్పటికే భద్రత సిబ్బందికి పరిస్థితి నియంత్రించడం కూడా కష్టంగా మారిపోయింది. మరోవైపు క్లీన్ కారాను ఎత్తుకొని వచ్చిన రామ్ చరణ్ కూతురు కనిపించకుండా వస్త్రాన్ని కప్పి మరీ తీసుకెళ్లారు. ఆమె ఫోటోలను తీసేందుకు కూడా అభిమానులు అతిగా ప్రవర్తించారు. అపోలో ఆసుపత్రిలో అనేక మంది రోగులు చికిత్స కోసం వస్తూ ఉంటారు. అలాంటి చోట్ల ఇలా ప్రవర్తించడం రాంచరణ్ కి కూడా కోపం తెప్పించింది. అందుకే కొంత అసహనాన్ని వ్యక్తం చేశారు. త్వరగా అక్కడి నుంచి వెళ్లే ప్రయత్నం చేశారు.
34
నటులకు ప్రైవసీ ఉండాలి
ఈ ఘటనపై సోషల్ మీడియాలో ఎంతోమంది స్పందించారు. కొందరు అభిమానులు చరణ్ పై ప్రేమ వల్ల ఇలా జరిగిందని సమర్థిస్తూ కామెంట్లు చేయగా.. మరికొందరు మాత్రం అభిమానం ఉన్మాదంగా మారిందని విమర్శించారు. ఆస్పత్రి వంటి ప్రదేశాల్లో సెలబ్రిటీలకు వ్యక్తిగత ప్రైవసీ ఉండాలని ఎంతోమంది అభిప్రాయపడ్డారు. ఎంత నటుడైన కూడా అతనికి కూడా ఒక కుటుంబం ఉంటుంది.. అతడు కూడా సాధారణ వ్యక్తి అనే అభిప్రాయాన్ని కూడా బయట పెట్టారు. భద్రతా ఏర్పాట్లు ఎంత కట్టుదిట్టంగా చేసినా.. వచ్చిన అభిమానులను నియంత్రించడం ఒక్కోసారి కష్టంగా మారిపోతుందని అపోలో ఆసుపత్రి ఘటన నిరూపించింది.
రామ్ చరణ్, ఆయన భార్య ఉపాసనకు కవల పిల్లలు జన్మించడంతో మెగా కుటుంబంలోనే కాదు, మెగా అభిమానుల్లో కూడా ఆనందం పెరిగింది. ఇప్పటికే రామ్ చరణ్ ఉపాసనలకు క్లీన్ కారా అనే కుమార్తె ఉంది. ఇప్పుడు కవల పిల్లలు రావడంతో ఆ ఇంట్లో పండుగ వాతావరణం నెలకొంది. కవల పిల్లల్లో ఒక మగ బిడ్డ, ఒక ఆడబిడ్డ ఉన్నారు. విషయం తెలిసిన వెంటనే సోషల్ మీడియాలో అభిమానులు శుభాకాంక్షలతో నింపేశారు. అలాగే సినీ, రాజకీయ, వ్యాపార రంగాలకు చెందిన ప్రముఖులు కూడా రామ్ చరణ్ దంపతులకు అభినందనలు తెలియజేశారు. కవల పిల్లల రాకతో రామ్ చరణ్- ఉపాసనలకు ఇప్పుడు ముగ్గురు పిల్లలు అయ్యారు. చిరంజీవికి ఇప్పుడు ఒకే ఒక్క మనవడు, ఐదుగురు మనవరాళ్లు ఉన్నారు.
