మెగా పవర్ స్టార్ రాంచరణ్, ఉపాసన దంపతులకు గత ఏడాది క్లీంకార అనే ముద్దుల కూతురు జన్మించింది. ఇంత వరకు స్పష్టంగా క్లీంకార ముఖాన్ని చరణ్, ఉపాసన ఇంత వరకు చూపించలేదు.
మెగా పవర్ స్టార్ రాంచరణ్, ఉపాసన దంపతులకు గత ఏడాది క్లీంకార అనే ముద్దుల కూతురు జన్మించింది. ఇంత వరకు స్పష్టంగా క్లీంకార ముఖాన్ని చరణ్, ఉపాసన ఇంత వరకు చూపించలేదు. చరణ్, ఉపాసన పెళ్ళైన పదేళ్లకు జన్మించిన గారాల పట్టీ క్లీంకార. దీనితో పాపని మెగా ఫ్యామిలీ అల్లారు ముద్దుగా పెంచుతున్నారు.
అయితే క్లీంకార ఎలా ఉంటుందో, ఎవరి పోలికలతో ఉంటుందో అని మెగా అభిమానులు ఎదురుచూస్తున్నారు. ముఖాన్ని మాత్రం క్లియర్ గా చూపించకుండా టీజింగ్ చేస్తున్నారు. తాజాగా ఉపాసన సోషల్ మీడియాలో ఒక పోస్ట్ పెట్టింది. అపోలో ఆసుపత్రుల్లో ఉన్న శ్రీ వెంకటేశ్వర స్వామి ఆలయంలో ఉపాసన తాతగారు ప్రతాప్ రెడ్డి, తల్లిదండ్రులు అనిల్, శోభన కామినేని ప్రత్యేక పూజలు నిర్వహించారు. ఆ ఆలయంలో ప్రస్తుతం ఉత్సవాలు జరుగుతున్నాయి.
వెంకటేశ్వర స్వామి ఉత్సావాల్లో పాల్గొనే అవకాశం తన కూతురికి కూడా వచ్చింది అంటూ ఉపాసన తెలిపింది. అనిల్.. క్లీంకార ని ఎత్తుకుని ఉన్నారు. దీనితో ఒక వైపు నుంచి క్లీంకార ముఖం కనిపిస్తోంది. ఫ్యాన్స్ మాత్రం.. ఉపాసన గారు ఇంకా ఎన్ని రోజులు మెగా ప్రిన్సెస్ ముఖాన్ని దాచేస్తారు.. త్వరగా చూపించండి అంటూ కామెంట్స్ చేస్తున్నారు. క్లీంకార ఎవరి పోలిక అనే దానిపై కూడా చర్చ జరుగుతోంది.
కాస్త క్లీంకార ముఖం కనిపించగానే ఫ్యాన్స్ ఎవరికి తోచిన విధంగా వారు కామెంట్స్ చేస్తున్నారు. పాప పుట్టినప్పుడు చరణ్ సరదాగా మీడియాతో క్లీంకార తన పోలికే అని చెప్పారు. ఇప్పుడు ఫ్యాన్స్ కొందరు క్లీంకార చరణ్ పోలికలతోనే ఉందని అంటున్నారు. కొందరు మాత్రం తల్లిదండ్రుల ఇద్దరి పోలికలు ఉన్నాయని అంటున్నారు. ఇంకొందరు అయితే మెగాస్టార్ చిరంజీవి పోలిక అంటూ ఫన్నీగా కామెంట్స్ చేస్తున్నారు. గత ఏడాది జూన్ 20న క్లీంకార జన్మించింది. అమ్మవారి ఆశీస్సులు ఉండేలా క్లీంకార అనే పేరు పెట్టారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి