Brahmamudi: రాహుల్ చెంప పగలగొట్టిన రాజ్.. పోలీస్ కంప్లైంట్ ఇస్తానంటూ షాకిచ్చిన కావ్య!

Brahmamudi: స్టార్ మాలో ప్రసారమవుతున్న బ్రహ్మముడి సీరియల్ టాప్ సీరియల్స్ కి గట్టి పోటీని ఇస్తూ ప్రేక్షకుల హృదయాల్లో స్థానం సంపాదించుకుంటుంది. మంచితనం ముసుగులో ఆడపిల్లల జీవితాలతో ఆడుకుంటున్న ఒక దుర్మార్గుని కథ ఈ సీరియల్. ఇక ఈరోజు జూన్ 1 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో వెన్నెలకి ఐ లవ్ యు చెప్తాడు రాహుల్. అప్పటికే అక్కడ ఉన్న స్వప్న అది చూసి షాక్ అవుతుంది. ఇప్పటికైనా వాడు ఎలాంటివాడు తెలుసుకున్నావా అక్క చెప్తే నమ్మలేదు అంటూ స్వప్న కి చివాట్లు పెడుతుంది అప్పు. అక్కడ ఉండలేక బయటికి వెళ్లి ఏడుస్తుంది స్వప్న. అప్పు ఆమె వెనకాతలే వచ్చి ఇప్పుడు ఏడ్చి ఏం లాభం.

ఆరోజు కావ్య అక్క, అమ్మ, నాన్న ఎంత చెప్పినా వినిపించుకోలేదు పరిస్థితిని ఇక్కడ వరకు తీసుకొచ్చావు అనుభవించు అంటూ కోప్పడుతుంది. అంతలోనే కావ్య వచ్చి స్వప్నని ఓదారుస్తుంది. ఇప్పటికైనా వాడి నిజస్వరూపం ఏంటో తెలిసింది కదా బుద్ధిగా అమ్మ నాన్న తెచ్చిన సంబంధం చేసుకో  అంటూ సలహా ఇస్తుంది. ఆ సంబంధం కూడా తప్పిపోయింది అంటుంది అప్పు. ఏం జరిగింది అని అడుగుతుంది కావ్య.

అక్క ప్రెగ్నెంట్ అంటుంది అప్పు. ఒక్కసారిగా షాక్ అవుతుంది కావ్య. అమ్మ నాన్న తల వంపులు తెచ్చే పని చేశావు అంటూ కావ్య కూడా స్వప్న మీద కోప్పడుతుంది. మోసపోయాను ఇంకా బ్రతికి ఏం లాభం చచ్చిపోతాను అంటూ ఏడుస్తుంది స్వప్న.నువ్వు ఎందుకు చచ్చిపోవటం జరిగిన దాంట్లో నీ తప్పు ఎంత ఉందో వాడి తప్ప కూడా అంతే ఉంది. నీ జీవితం నాశనమైపోతుంటే చూస్తూ ఊరుకోను నాతో రా అంటూ తనతోపాటు లోపలికి తీసుకువెళ్తుంది కావ్య.

అక్కడ సడన్ గా స్వప్న ని చూసి ఉంగరం తొడగడం మానేసి మరీ షాక్ లో ఉండిపోతాడు రాహుల్. రాహుల్ ఎందుకలా ఫ్రీజ్ అయిపోయాడో తెలియక అతను చూసిన వైపే అందరూ చూస్తారు. అక్కడ స్వప్నను చూసి అందరూ షాక్ అవుతారు. తన ఎందుకు తీసుకొచ్చావు అంటూ అపర్ణ మందలిస్తుంది. ఎందుకు తీసుకొచ్చాను ఇప్పుడే చెప్తాను అంటూ స్వప్నని తీసుకువచ్చి మా అక్క చేతికి ఉన్న ఉంగరాన్ని తీసేసి అప్పుడు వెన్నెలకి ఉంగరం తొడుగు అంటూ స్వప్న చేయి చూపిస్తుంది కావ్య.

స్వప్న చేతికి ఉంగరాన్ని చూసి షాక్ అవుతాడు  రాజ్. అది తను స్వప్న కోసం కొన్న రింగ్ అని గుర్తు పడతాడు. ఇదంతా చూస్తున్న రుద్రాణి ఇంక ఆపు.. నా కొడుకు పెళ్లి చెడగొట్టాలని ఇదంతా చేస్తున్నావు అంటుంది. నీకు అవసరం లేకపోతే కానీ నాకు అవసరం. నా కన్న కూతురు భవిష్యత్ కి సంబంధించిన విషయం అంటూ స్వప్నని జరిగింది చెప్పమంటుంది అరుంధతి.

ఈ రాహులే నన్ను పెళ్లి పీటల మీద నుంచి లేవ తీసుకొని పోయాడు. రాజ్ నెంబర్ ఇమ్మని అడిగితే తన నెంబర్ ఇచ్చి రోజు ఫోన్ చేసి నా అందాన్ని పొగిడేవాడు. రాజ్  కన్నా తనే బెస్ట్ ఆప్షన్ అనే లాగా చేశాడు  అంటూ జరిగిందంతా చెప్తుంది స్వప్న. తను అబద్ధం చెప్తుంది నేను అలా చేశాను అనటానికి ఒక సాక్ష్యం కూడా లేదు అంటాడు రాహుల్. నువ్వు ఇలా మాట్లాడతావని తెలుసు అందుకే సాక్షాలతో సహా వచ్చాను అంటూ వీడియోని కుటుంబ సభ్యులందరికీ చూపిస్తుంది కావ్య.

అది చూసిన అపర్ణ కోపంతో రగిలిపోతుంది. ఇప్పటికైనా నీ భార్య తప్పు చేయలేదని గ్రహించు అంటూ రాహుల్ కి నచ్చచెప్తుంది ధాన్యలక్ష్మి. వాళ్ళిద్దరూ చాలాసార్లు మాట్లాడుకోవడం నేను చూశాను నీకు రెడ్ హ్యాండెడ్ గా పట్టిదం అనుకున్నాము కానీ రెడ్ హ్యాండెడ్ గా దొరికిపోయి కూడా నిన్ను అబద్దాలతో నమ్మించాడు అంటూ కళ్యాణ్ కూడా సాక్ష్యం చెప్తాడు.

ఇదంతా విన్న రాహుల్ కంగారు పడిపోతూ రాజ్ ఇవేవీ నమ్మొద్దు వీళ్ళు అందరూ కలిసి నా మీద కుట్ర పన్నుతున్నారు అంటాడు. అప్పటికే కోపంతో ఉన్న రాజ్  రాహుల్ చెంప పగలగొడతాడు. తరువాయి భాగంలో రాహుల్ కి స్వప్న కి రెండు రోజుల్లో పెళ్లి అని చెప్పి వచ్చాము అంటుంది చిట్టి. నేను ఒప్పుకోను అంటుంది రుద్రాణి. అలా అయితే నేను న్యాయపోరాటం చేస్తాను మా అక్కతో పోలీస్ కంప్లైంట్ ఇప్పిస్తాను అంటూ షాక్ ఇస్తుంది కావ్య.