Ennenno Janmala Bandham: వేదపై ప్రేమ చూపిస్తున్న ఆదిత్య.. కొడుకు మనసులో విషం నింపుతున్న మాళవిక?

Ennenno Janmala Bandham: స్టార్ మా లో ప్రసారమవుతున్న ఎన్నెన్నో జన్మల బంధం సీరియల్ మంచి కంటెంట్ తో ప్రేక్షకుల హృదయాలని గెలుచుకుంటుంది. మోసపోయి నడిరోడ్డు మీద పడ్డా తన బుద్ధి మార్చుకోని ఒక మూర్ఖురాలి కథ ఈ సీరియల్. ఇక ఈరోజు జూన్ 1 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో బాధపడుతున్న కొడుకు దగ్గరికి వచ్చి ఏంట్రా ఇదంతా అంటూ మాలిని కూడా బాధపడుతుంది. చూడమ్మా.. ఎలా చేసిందో నా కొడుకుని చెత్త కుప్ప దగ్గర చూసి నా గుండె పగిలిపోయింది. ఆరోజు నా జీవితంతో ఆడుకుంది ఈరోజు నా కొడుకు జీవితంతో ఆడుకుంటుంది. అలాంటి మనిషికి ఈ ఇంట్లో సేవలు జరుగుతున్నాయి ఇదంతా మన ఖర్మ అంటాడు యష్.

అలా అనకు తనని ఆ పరిస్థితుల్లో వదిలేయగలమా.. నాకు మాళవిక మీద పీకల వరకు కోపం ఉంది అయినా తనని ఎందుకు రానిచ్చాను.. నా మనవడి మనసు ఎక్కడ బాధపడుతుందో అని అంతేగాని ఆ మాళవిక మీద ప్రేమతో కాదు. అసలు ఏం జరిగిందో ఆదిత్యని అడుగుదాము అంటుంది మాలిని. ఆ తర్వాత వేద ఆదిత్య కి భోజనం పెడుతూ అసలు విషయం కనుక్కుంటుంది. అభి డాడి మరో పెళ్లి చేసుకుని మమ్మీని బయటికి గెంటేసాడు.

అదేంటని అడిగితే నన్ను కూడా బయటికి గెంటేసాడు చూడు నాకు ఎంత పెద్ద దెబ్బ తగిలిందో అని తనకి తగిలిన దెబ్బని చూపిస్తాడు ఆదిత్య. కోపంతో రగిలిపోతాడు యష్. అయ్యో గమనించనే లేదు అంటూ ఆదిత్య కి ఫస్ట్ ఎయిడ్ చేస్తుంది వేద. నా కొడుకు మీదే చేయి చేసుకుంటాడా వాడు హెల్త్ చూస్తాను అనుకుంటూ కోపంగా అభి దగ్గరికి బయలుదేరుతాడు యష్. భర్త వెనకే వేద కూడా బయలుదేరుతుంది. అదే సమయంలో డ్రింక్ చేస్తూ ఉంటారు అభి దంపతులు.

మాళవిక వల్ల మనకి ఏమీ ప్రాబ్లం లేదు కదా అంటుంది నీలాంబరి. తనని ఏమైనా చేస్తే అడిగే దిక్కులేదు తనని ఎవరూ పట్టించుకోరు అంటాడు అభి. సడన్ గా అక్కడికి వచ్చిన యష్ అభిని చితక్కొడతాడు. నా భర్తని ఎందుకలా కొడుతున్నారు అంటూ నీలాంబరి నిలదీస్తుంది. నా కొడుకు మీద చేయి చేసుకోవడానికి వాడెవడు అయినా వాడు ఎంత వెదవ నీకు తెలుసా వాడి జీవితంలోకి నువ్వు ఎలా వచ్చావు అంటాడు యష్.

వాడు ఎలాంటి వాడో నాకు అనవసరం కానీ అతను నా భర్త అంటుంది నీలాంబరి. నువ్వు అసలు ఆడదానివేనా వాడు ఎంతమంది ఆడవాళ్ళ జీవితాలతో ఆటలాడుకున్నాడు తెలుసా అలాంటి వాడిని వెనకేసుకొస్తావేంటి అంటుంది వేద. తను కూడా అలాంటిదే అయి ఉంటుంది అందుకే వాడిని వెనకేసుకొస్తుంది అంటూ నీలాంబరిని బ్లెయిమ్ చేస్తూ మాట్లాడుతాడు యష్. తనని వెనకేసుకొస్తున్న భార్యని మెచ్చుకుంటాడు అభి.

నిమిషాల మీద తనని జైల్లో నుంచి బయటకు తీసుకువచ్చాను అంత బ్యాక్ గ్రౌండ్ ఉంది నాకు అలాంటిది నా భర్తని ఏమైనా అంటే చూస్తూ ఊరుకోను  అంటూ యష్ కి  వార్నింగ్ ఇస్తుంది నీలాంబరి. అదే సమయంలో అభి మాళవిక క్యారెక్టర్ ని తప్పుబడతాడు. వేద కోపంతో అభి మీద చెయ్యి ఎత్తుతుంది. వదిలేయ్ వేద వాడు ఇంక మారడు  అంటూ భార్యని తనతో తీసుకు వెళ్ళిపోతాడు యష్.

ఇంటికి తిరిగి వస్తూ దారిలో కారు ఆపి ఎందుకు నా లైఫ్ లోనే ఇలా జరుగుతుంది. ఆరోజు ఖుషి ని వదిలి వెళ్ళిపోయినప్పుడే ఆదిత్యను కూడా వదిలి వెళ్ళిపోవచ్చు కదా నా బిడ్డ, నా హక్కు అంటూ తీసుకువెళ్ళింది. తీసుకెళ్లి చెత్తకుప్ప మీద పెట్టింది అని బాధపడతాడు యష్. ఇలా జరుగుతుందని తను ఊహించి ఉండదు అంటుంది  వేద. లోకంలో పక్షులు పశువులు కూడా పిల్లల కోసం ఆలోచిస్తాయి అలాంటిది మనిషై ఉండి ఆ మాత్రం ఆలోచించదా.

ఈరోజు తన వల్లే నా బిడ్డకి విలువ లేకుండా పోయింది అని బాధపడతాడు యష్. తరువాయి భాగంలో ఆదిత్య మన దగ్గరికి వచ్చినందుకు నాకు చాలా ఆనందంగా ఉంది అంటాడు యష్. వేద ఆంటీ చాలా మంచిది అంటాడు ఆదిత్య. మన బ్రతుకులు ఇలా కావడానికి కారణం వేద యే అంటుంది మాళవిక. మిమ్మల్ని ఆదిత్య ని కలిపే బాధ్యత నాది అని భర్తకి భరోసా ఇస్తుంది వేద.