Brahmamudi: బకాసుర అవతారమెత్తిన స్వప్న.. కావ్యను భార్యగా ఒప్పుకున్న రాజ్!

Brahmamudi: స్టార్ మా లో ప్రసారమవుతున్న బ్రహ్మముడి సీరియల్ మంచి కథ కథనాలతో ప్రేక్షకుల హృదయాలని గెలుచుకుంటుంది. ప్రెగ్నెన్సీ అని అబద్ధం చెప్పి దాని నుంచి తప్పించుకోవటానికి తిప్పలు పడుతున్న ఒక కోడలి కథ ఈ సీరియల్. ఇక ఈరోజు ఆగస్టు 28 ఎపిసోడ్ లో ఏం జరిగిందో చూద్దాం.  

 ఎపిసోడ్ ప్రారంభంలో కావ్య అందరికీ టీ ఇస్తూ ఉంటుంది. కానీ కావ్యని అందరు అవాయిడ్ చేస్తూ ఉంటారు. ఇంతలో అపర్ణ కిందకి దిగుతుంది ఆమెకి కూడా టీ ఇస్తుంది కావ్య. ధాన్యలక్ష్మి.. మన ఇంటి పనులు మనమే చేసుకోవాలని నిర్ణయం తీసుకున్నాం కదా, ఇలా ఎవరు పడితే వాళ్ళు ఇస్తే టీ తీసుకోను అంటూ ఇన్ డైరెక్ట్ గా కావ్యకి చెప్పి వెళ్ళిపోతుంది అపర్ణ. అంటే ఇంట్లో వాళ్ళు ఎవరు నాతో మాట్లాడకూడదని డిసైడ్ అయ్యారు అన్నమాట అనుకుంటుంది కావ్య.

 మరోవైపు అప్పు కళ్యాణ్ బైక్ ని రోడ్డు మీదే వేలం వేసేస్తూ ఉంటుంది. అంతలో అక్కడికి వచ్చిన కళ్యాణ్ ఏమి ఏం చేస్తున్నావ్ అని కంగారుగా అడుగుతాడు. బండిని వేలం వేస్తున్నాను అంటుంది అప్పు. నాది బండి అంటాడు కళ్యాణ్. నాకు అప్పచెప్పి వెళ్లిపోయినప్పుడు తెలీదా అని వెటకారంగా అడుగుతుంది అప్పు. అప్పుకి సారీ చెప్పి వేలం పాటకొచ్చిన వాళ్ళందరినీ అక్కడ నుంచి పంపించేస్తాడు కళ్యాణ్. సరేగాని మీ సువర్ణ సుందరి కథ చెప్పు అంటుంది అప్పు.

 తను సువర్ణ సుందరి కాదు మరొకరు సుందరి అని చెప్పి జరిగిందంతా చెప్తాడు కళ్యాణ్. కళ్యాణ్ మాటలకి నవ్వు ఆపుకోలేక పోతుంది అప్పు. ఆ తర్వాత అప్పు కళ్యాణ్ ఆటో లో వెళ్ళిపోతారు. మరి బండి అని అడుగుతుంది అప్పు. మెకానిక్కి ఫోన్ చేశాను తను చూసుకుంటాడు అంటాడు కళ్యాణ్. మరోవైపు పని పూర్తి చేసుకొని తన గదిలోకి వెళ్ళిపోతున్న కావ్య దగ్గరికి వస్తుంది రుద్రాణి.

నీకు రెండే ఆప్షన్లు ఉన్నాయి ఒకటి మా వదిన కాళ్ళ కింద బానిసలాగా బ్రతకడం లేదంటే పుట్టింటికి వెళ్ళిపోయి మట్టి పిసుక్కొని  బ్రతకడం అంటుంది రుద్రాణి. మీరు రెండు ఆప్షన్లే చెప్పారు కానీ మూడు ఆప్షన్ మర్చిపోయారు ఆ మూడో ఆప్షన్ పేరే సహనం. సహనంతోనే నేను అన్ని సాధిస్తాను అంటుంది కావ్య. వెళ్లి పడుకోండి మీరు నాతో మాట్లాడటం మా అత్తగారు చూశారంటే మీకు ఈ మూడిట్లో ఏ ఆప్షను ఉండదు అని చెప్పి అక్కడి నుంచి వెళ్ళిపోతుంది కావ్య.

 నువ్వు ఈ ఇంట్లో సహనంతో ఎన్నాళ్ళు కాపురం చేస్తావో నేను చూస్తాను అనుకుంటుంది రుద్రాణి. మరోవైపు స్వప్న తన డాక్టర్ ఫ్రెండ్ కి ఫోన్ చేసి నాకు ప్రెగ్నెన్సీ రాలేదు. ఇంకొక 2 డేస్ పోయిన తర్వాత మళ్లీ చెక్ చేసుకోమంటావా అని అడుగుతుంది. నువ్వు ఎన్నిసార్లు చెక్ చేసినా  లాభం లేదు నీకు ప్రెగ్నెన్సీ రాలేదు. నీకు ప్రెగ్నెన్సీ రావాలంటే మళ్ళీ రాహుల్ తో కమిట్ అవ్వాల్సిందే అంటుంది డాక్టర్ ఫ్రెండ్. నాకు అంత టైం లేదు అంటుంది స్వప్న.

దానికి నన్ను ఏం చేయమంటావు అయితే రాహుల్తో కమిట్ అవ్వు లేదంటే పొట్ట పద్ధతిగా కనిపించేలాగా ప్రయత్నించు కానీ నా టైం మాత్రం తినొద్దు అని చెప్పి ఫోన్ పెట్టేస్తుంది  ఆ ఫ్రెండ్. ఇప్పటికిప్పుడు పొట్ట పెద్దదిగా కనిపించాలంటే ఏం చేయాలి అనే ఆలోచనలో పడిన స్వప్నకి ఒక ఐడియా వస్తుంది. మరోవైపు కావ్య తన గదిలోకి వెళ్ళేసరికి రాజ్ సీరియస్ గా డిజైన్స్ ఉంటాడు.

 ఏం చేస్తున్నాడో మాత్రం కావ్యకి చూపించడు..సరి కదా మాటలు కూడా మాట్లాడడు. మీ అమ్మగారు మాట్లాడొద్దన్నారా అంటుంది కావ్య. అలా ఏం లేదు అంటూ మాట్లాడకుండా స్టిక్కర్ల మీద రాసి చూపించి స్టిక్కర్లతోనే గోడ మొత్తం నింపేస్తారు భార్యాభర్తలిద్దరూ. ఇక గోడ కాళీ లేకపోవడంతో లాస్ట్ స్టికర్ కావ్య మొహానికి అంటించి అక్కడ నుంచి వెళ్ళిపోతాడు.

ఈయన ఇంతలా డ్రాయింగ్ వేసేస్తున్నారు ఆఫీసులో ఏమైనా ప్రాబ్లమా అనుకోని శృతికి  ఫోన్ చేస్తుంది కావ్య. శృతి జరిగిందంతా చెప్తుంది. వాళ్ల రిక్వైర్మెంట్స్ మీకు సెండ్ చేస్తాను మీరు కరెక్ట్ చేయండి మేడం. సార్ ఎలాగో ఆ పని చేయలేరు అంటుంది శృతి. ముందు ఆయన ఏదో చేద్దాం అనుకుంటున్నారు కదా చెయ్యనీ, తర్వాత మనం చేద్దాం. ముందైతే డీటెయిల్స్ మెయిల్ పెట్టు అంటుంది కావ్య.

 మరోవైపు స్వప్న కడుపు పెద్దదిగా కనిపించడం కోసం ఒక కోడిని ఒక ఐదు కేజీల బిర్యానీని ముందు పెట్టుకొని బకాసురుడు లాగా తింటూ ఉంటుంది. అది చూసిన ధాన్యలక్ష్మి షాక్ అయిపోతుంది. తరువాయి భాగంలో రాజ్, కావ్య ఇద్దరు వాదించుకుంటూ ఉంటారు. నీకు నాకు వాదన  ఏంటి నేను నీ భర్తని అంటాడు రాజ్. ఆ మాటకి సంతోషపడిపోతుంది కావ్య.