Brahmamudi: స్వప్నని తప్పుతోవ పట్టిస్తున్న రాహుల్.. అత్తకు కోలుకోలేని షాకిచ్చిన రాజ్?

Brahmamudi: స్టార్ మా లో ప్రసారం అవుతున్న బ్రహ్మముడి సీరియల్ మంచి రేటింగ్ సంపాదించుకొని టాప్ సీరియల్స్ కి గట్టి పోటీని ఇస్తుంది. తన ఇష్టంతో ప్రమేయం లేకుండా అత్తగారి ఇంట్లో అడుగుపెట్టి తన ఉనికిని కాపాడుకోవడం కోసం ప్రయత్నిస్తున్న ఒక కొత్త కోడలు కథ ఈ సీరియల్. ఇక ఈరోజు జూన్ 6 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో బాత్రూంలో నుంచి వాటర్ కావాలని రిక్వెస్ట్ చేస్తాడు రాజ్. డబ్బులు కావాలని అడుగుతుంది కావ్య. నువ్వు నన్ను డబ్బులు అడుగుతున్నావా అంటూ ఆశ్చర్యపోతాడు రాజ్. మీకు నిజాయితీగా ఉంటే నచ్చదు కదా అయినా ఒక్క రూపాయి ఇవ్వండి చాలు అంటుంది కావ్య. సరే ఇస్తాను ముందు నీళ్లు ఇవ్వు అంటాడు రాజ్. అలా కాదు ఇప్పుడే ఇవ్వండి అంటుంది కావ్య.

ప్రస్తుతం నా దగ్గర లేదు అంటాడు రాజ్. నేను చెప్పేది అదే పరిస్థితిలో ఎప్పుడూ ఒకేలాగా ఉండవు  అందుకే అందరితో మంచిగా ఉండండి అని చెప్పి రాత్రంతా నాకు చేసినందుకు సారీ చెప్పండి అంటుంది కావ్య. తప్పనిసరి పరిస్థితుల్లో తిట్టుకుంటూ సారీ చెప్తాడు రాజ్. పక్కనే ఉన్న బకెట్ తో నీళ్లు ఇస్తుంది కావ్య. మీరు సారీ చెప్పినా చెప్పకపోయినా నేను నీళ్ళు ఇస్తాను మీకు లాగా ఒకరిని బాధపెట్టే  వ్యక్తిని కాదు అంటూ అక్కడ నుంచి వెళ్ళిపోతుంది కావ్య.

 మరోవైపు కూరలు తరుగుతూ పరధ్యాన్నంగా ఉన్న కనకాన్ని ఎందుకలా ఉన్నావ్ అని అడుగుతుంది తోటి కోడలు. ఇంటి కోడలు చేసుకుంటాను అన్నారు కానీ ఎప్పుడు చేసుకుంటారో అడగడానికి మొహమాటం అడ్డొస్తుంది అంటుంది కనకం. దానికి మొహమాటం ఎందుకు అన్ని చూసుకోవడానికి మన కావ్య ఉంది కదా అంటుంది కనకం తోటి కోడలు. కానీ పెళ్ళికి డబ్బులు ఎక్కడ తేవాలో అర్థం కావడం లేదు అంటుంది కనకం.

ఈలోపు అక్కడికి సడన్ ఎంట్రీ ఇస్తాడు రాహుల్. ఎందుకు వచ్చావు అంటూ మర్యాద లేకుండా మాట్లాడుతుంది అప్పు. ఆమెని మందలిస్తారు తల్లి పెద్దమ్మ. నేను చేసిన తప్పుకి క్షమాపణ చెప్పుకుందామని వచ్చాను. మీరు అనుమతిస్తే స్వప్నకి కూడా క్షమాపణ చెప్పుకుంటాను తను ఎక్కడ ఉంది అని అడుగుతాడు రాహుల్. గదిలో ఉంది అని చెప్పడంతో అటువైపు వెళ్తాడు రాహుల్.

సీన్ కట్ చేస్తే వంట చేసుకుంటున్న కావ్య దగ్గరికి వచ్చి పదా పూజ చేద్దువు గానివి అంటుంది ధాన్యలక్ష్మి. అత్తయ్య గారికి ఇష్టం ఉండదు కదా అంటుంది కావ్య. ఎవరికి ఇష్టం ఉన్నా లేకపోయినా కోడలిగా అది నీ హక్కు నేను చెప్తాను రా అంటూ బలవంతంగా తనతో పాటు తీసుకెళ్తుంది దాన్యలక్ష్మి. పూజ గదిలోకి కావ్యని తీసుకువచ్చిన ధాన్యలక్ష్మి   మీద కోప్పడుతుంది అపర్ణ.

ఇన్నాళ్లు నువ్వు చేసావు ఇప్పుడు నీ కోడలు చేస్తుంది ఇందులో తప్పేముంది అంటుంది ధాన్యలక్ష్మి. అమ్మకి ఇష్టం లేదు కదా అంటాడు రాజ్. అమ్మకి ఇష్టం లేదని కొన్ని నీకు ఇష్టం లేదని కొన్ని ఆమెకి దూరం చేస్తున్నాము అంటుంది ధాన్యలక్ష్మి. ఇందులో గొడవ పడడానికి ఏముంది ఎవరు పూజ చేసినా హారతి మాకే ఇస్తారు కదా అని కళ్యాణ్ తండ్రి చెప్తాడు. కావ్య కూడా అంటూ చొరవగా పూజ ప్రారంభించి అందరికీ హారతి ఇస్తుంది.

సీతారామయ్య రాహుల్ పెళ్లికి ముహూర్తాలు పెట్టించడం కోసం పంతులు గారిని పిలవమని కొడుక్కి చెప్తాడు. ఏదైతే జరగకూడదు అనుకుంటున్నాను అదే జరుగుతుంది అని చిరాకు పడుతుంది అపర్ణ. అందరూ వెళ్ళిపోయిన తర్వాత నిన్ను కోడలుగా ఒప్పుకోవడం జరగదు అంటూ కావ్యని హెచ్చరిస్తుంది అపర్ణ. అదీ చూద్దాం అంటూ అక్కడ నుంచి వెళ్ళిపోతుంది కావ్య.

సీన్ కట్ చేస్తే స్వప్న దగ్గరికి వచ్చిన రాహుల్ పెళ్లి అయిన తర్వాత మనిద్దరం విడిగా వెళ్లి పోదాము. నాకు ఆస్తి కన్నా నువ్వే ముఖ్యం అంటాడు. ఒక్కసారిగా షాక్ అవుతుంది స్వప్న. నేను ఒకటి అనుకుంటే రాహుల్ మరొకటి చేస్తున్నాడేంటి అనుకుంటుంది. అలా ఏమీ వద్దు మనం ఆ ఇంట్లోనే ఉండి అన్ని సమస్యలు చక్కబెట్టుకుందాం అంటుంది స్వప్న. కానీ మీ చెల్లెలు రాజ్ ని రెచ్చగొట్టి ఆస్తి ముఖ్యమా స్వప్న ముఖ్యమా అన్నా స్టేజ్ కి తీసుకు వచ్చింది.

 నాకు నువ్వే ముఖ్యమని చెప్పి వచ్చాను. మనిద్దరం ఆ ఇంట్లో ఉండటానికి కావ్య ఒప్పుకోదు అంటూ స్వప్నని తప్పుతో పట్టిస్తాడు రాహుల్. నేను ఇలా చెప్తే ఆస్తి లేదని నన్ను పెళ్లి చేసుకోవడానికి ఒప్పుకోవు అని మనసులో అనుకుంటాడు రాహుల్. రాహుల్ అక్కడనుంచి వెళ్లిపోయిన తర్వాత కావ్య అనుకున్నట్లుగా ఎప్పటికీ జరగనివ్వను అని మనసులో అనుకుంటుంది స్వప్న.

మరోవైపు వంట చేసుకుంటున్న కావ్య దగ్గరికి వచ్చి మా అమ్మకి ఇష్టం లేని పనులు ఎందుకు చేస్తున్నావు పూజ చేసే అర్హత నీకు లేదు అంటాడు రాజ్. నాకు ఆ హక్కు ఉంది అంటుంది కావ్య. తరువాయి భాగంలో ఈ అలగా జనంతో వియ్యం అందుకునేది లేదు వీళ్ళ మీద చీటింగ్ కేసు పెడతాను అంటూ కోపంగా మాట్లాడుతుంది రుద్రాణి. ముసుగేసి ఈ కళావతి తో నాకు పెళ్లి చేసినందుకు ముందు నేను నీ మీద పెడతాను చీటింగ్ కేసు అంటాడు రాజ్.