Jigarthanda Double X Movie Review: జిగర్ తండ డబుల్ ఎక్స్ మూవీ రివ్యూ
2014లో విడుదలైన జిగర్ తండ కల్ట్ క్లాసిక్. దర్శకుడు కార్తీక్ సుబ్బరాజ్ ఇమేజ్ మార్చేసిన చిత్రం అది. ఆ టైటిల్ ని వాడుకుంటూ ఆయన చేసిన మరో ప్రయోగం జిగర్ తండ డబుల్ ఎక్స్. లారెన్స్, ఎస్ జే సూర్య ప్రధాన పాత్రలు చేసిన ఈ చిత్రం నవంబర్ 10న విడుదలైంది...
కథ
ఎస్సై కావాలని కలలు కనే కృప(ఎస్ జే సూర్య) ఓ హత్య కేసులో జైలుకి వెళతాడు. రాజకీయంగా అండ కలిగిన సీజర్(రాఘవ లారెన్స్) కర్నూలు పట్టణానికి కింగ్ గా ఉంటాడు. సినిమా హీరో అయిన జయకృష్ణ(షైన్ టామ్ చకో) రాజకీయాల్లో కూడా ఎదగాలని చూస్తుంటాడు. జయకృష్ణ సినిమాకు థియేటర్స్ లేకుండా చేసి మరో సినిమాకు థియేటర్స్ దొరికేలా చేసిన ఓ వ్యక్తి మీద జయకృష్ణ కక్ష కడతాడు. అతడు రాజకీయంగా బలంగా ఉంటాడు. దానికి కారణం నలుగురు రౌడీలు. వాళ్ళను లేపేయాలని జయకృష్ణ అనుకుంటాడు.
ఆ నలుగురు రౌడీలలో సీజర్ ఒకడు. ఈ నలుగురిని చంపే బాధ్యత తమ్ముడు నవీన్ చంద్రకు ఇస్తాడు. ఎస్సై అయిన నవీన్ చంద్ర నలుగురి రౌడీలను చంపేందుకు జైలు శిక్ష అనుభవించిన నలుగురు వ్యక్తులను ఎంచుకుంటాడు. వారిలో కృప ఒకడు. సీజన్ ని చంపేందుకు కృప సిద్ధం అవుతాడు. సినిమా హీరో కావాలని కలలు కంటున్న సీజర్ వద్దకు సినిమా డైరెక్టర్ అంటూ వస్తాడు.. మరి కృప సీజర్ ని చంపాడా? కృప, సీజన్ ప్రయాణం ఎలా సాగింది? సీజర్ హీరో అయ్యాడా? జయకృష్ణ పగ తీరిందా అనేది మిగతా కథ...