Allu Arjun-Pushpa: పుష్ప మూవీ గురించి మైండ్ బ్లాకింగ్ నిజాలు.. అమ్మో అంత కష్టపడ్డారా!

ఒక సినిమా వెనుక వందల మంది కష్టం ఉంటుంది. పుష్ప(Pushpa) లాంటి భారీ పాన్ ఇండియా చిత్రం తెరకెక్కించాలంటే రెట్టింపు కష్టపడాలి. అధిక భాగం కీకారణ్యంలో తెరకెక్కిన పుష్ప మూవీ విశేషాలు తెలిస్తే మైండ్ బ్లాక్ కావాల్సిందే.. అవేమిటో ఇప్పుడు చూద్దాం ..   

అల్లు అర్జున్ (Allu Arjun)కెరీర్లో తెరకెక్కిన ఫస్ట్ పాన్ ఇండియా చిత్రం పుష్ప. తెలుగుతో పాటు హిందీ, తమిళ, మలయాళ, కన్నడ భాషల్లో విడుదల చేశారు. మైత్రి మూవీ మేకర్స్ రెండు భాగాలుగా నిర్మిస్తున్నారు. పుష్ప మొదటి భాగం బడ్జెట్ రూ. 160 నుంచి 180 కోట్లకు వరకూ ఉంటుందని సమాచారం. 

సినిమా కథ రీత్యా అధిక భాగం దట్టమైన అడవులలో చిత్రీకరించారు. షూటింగ్ కోసం వందల మందిని షూటింగ్ స్పాట్ మారేడుమిల్లి ఫారెస్ట్ కి వాహనాల్లో తరలించేవారు. దాని కోసం ఏకంగా 300 వాహనాలు ఉపయోగించారు.  అత్యధికంగా 1500 మందితో పుష్ప లో సన్నివేశాలు షూట్ చేసినట్లు సమాచారం. 

ప్రొడక్షన్‌ డిజైనర్లు మోనిక, రామకృష్ణ ఎర్రచందనం కృత్రిమ దుంగలు రూపొందించారు. ఫోమ్‌, ఫైబర్‌ కలిపి కృత్రిమ దుంగల్ని తయారు చేశారు.ఎర్రచందనం దుంగల కోసం చిన్న ఫ్యాక్టరీ ఏర్పాటు చేసింది ఆర్ట్‌ డిపార్ట్‌మెంట్‌. కొన్ని సన్నివేశాల కోసం వేల సంఖ్యలో కృత్రిమ దుంగలు వాడారు. ఎర్రచందనం దుంగలు, సామాగ్రిని అడవుల్లోకి తీసుకెళ్లడానికి కష్టమయ్యేది. ఇందుకోసం అడవుల్లో కొన్ని చోట్ల మట్టి రోడ్లు కూడా నిర్మించారు. 

ఫస్ట్ షెడ్యూల్ కేరళలో జరిగింది. దాని కోసం ఈ కృత్రిమ ఎర్ర చందనం దుంగలను అక్కడకు చేర్చారట. కరోనా కారణంగా లొకేషన్ ఆంధ్రప్రదేశ్ కి మార్చడం జరిగింది. కేరళ పోలీసులు అవి నిజమైన ఎర్ర చందనం దుంగలను అనుకోని టీమ్ ని అరెస్ట్ చేయబోయారట. విషయం తెలిసి వదిలిపెట్టారట. 

సుకుమార్‌ (Sukumar)- దేవిశ్రీ ప్రసాద్‌ కలిసి వరుసగా చేస్తున్న ఎనిమిదో చిత్రం పుష్ప. ఇప్పటివరకూ విడుదలైన సాంగ్స్‌ అన్నీ కలిసి మొత్తంగా 250 మిలియన్‌ వ్యూస్‌కు పైగా సాధించాయి. పుష్ప సినిమాలోని పాటలకు ప్రేక్షకుల ఆదరణ దక్కించుకున్నాయి. పాటలు అన్నింటినీ చంద్రబోస్ రాయడం మరో విశేషం.

అల్లు అర్జున్‌ (Allu Arjun)పుష్ప గెటప్‌లో రెడీ అయ్యేందుకు మేకప్‌ కోసం దాదాపు రెండు గంటల సమయం పట్టేదట. తెల్లవారుజామున 4.30 నిద్రలేచి.. ఐదుకల్లా సెట్‌కెళ్లి.. 5 నుంచి 7 వరకూ మేకప్‌ కోసమే ఓపిగ్గా కూర్చొనేవారట. షూట్‌ పూర్తయ్యాక మేకప్ తీయడానికి మరో 20 నుంచి 40 నిమిషాలు పట్టేదని బన్నీ చెప్పారు.

కెరీర్ లో ఫస్ట్ టైం సమంత (Samantha)ఐటెం సాంగ్ చేశారు. ఆమె నటించిన ‘ఉ అంటావా... ఊఊ అంటావా’ అనే ఐటెమ్‌ సాంగ్‌ సినిమాలో ప్రత్యేకంగా నిలిచింది. సమంత ఐటెమ్‌ సాంగ్‌ కోసం పెద్ద మొత్తంలోనే పారితోషికం అందుకుందని టాక్‌. ఆమెకు కోటిన్నర రూపాయలు ఇచ్చారట. మొత్తంగా ఈ పాటకు  నిర్మాతలు రూ. ఐదు కోట్లు ఖర్చుపెట్టారట.

పుష్ప ను మొదట ఒక చిత్రంగా తీయాలనుకున్నారు. కానీ, కథ పెద్దది కావడంతో రెండు భాగాలు చేశారు. పుష్ప: ది రైజ్ నేడు విడుదల కావడం జరిగింది. ఈ సినిమా రన్‌ టైమ్‌ 2 గంటలా 59 నిమిషాలు.తొలి పార్ట్‌లో రష్మిక (Rashmika Mandanna)పాత్ర నిడివి తక్కువగానే ఉంది. అయితే సెకండ్ పార్ట్ లో రష్మిక రోల్ చాలా కీలకంగా ఉంటుందని సమాచారం. 

Pushpa

నేడు విడుదలైన పుష్ప థియేటర్స్ లో సందడి చేస్తుంది. యూనిట్ పడిన కష్టం తెరపై కనిపిస్తుంది. అల్లు అర్జున్ గెటప్, యాక్షన్ సన్నివేశాలు, విజువల్స్ కి ఫ్యాన్స్ క్లాప్స్ కొడుతున్నారు .