వెంకటేష్, అనిల్ రావిపూడి కాంబినేషన్‌లో వస్తున్న 'సంక్రాంతికి వస్తున్నాం' చిత్రం సంక్రాంతి బరిలో నిలిచింది. భారీ పోటీ మధ్య ప్రీ రిలీజ్ బిజినెస్ బాగా జరుగుతోంది. అయితే, ఓటిటి డీల్ లేకుండానే చిత్రం విడుదల కానుంది.
వెంకటేశ్‌ హీరోగా కామెడీ చిత్రాల దర్శకుడు అనిల్ రావిపూడి డైరక్షన్ లో తెరకెక్కుతున్న చిత్రం ‘సంక్రాంతికి వస్తున్నాం’. మీనాక్షి చౌదరి (Meenakshi Chaudhary), ఐశ్వర్య రాజేశ్‌ కథానాయికలు. శ్రీ వెంకటేశ్వర క్రియేషన్స్‌ పతాకంపై శిరీష్‌ నిర్మిస్తున్నారు.
దిల్‌రాజు సమర్పకులు. ఈ చిత్రం సంక్రాంతి సందర్భంగా జనవరి 14న ప్రేక్షకుల ముందుకొస్తోంది (Sankranthiki Vasthunnam).ఈ కాంబినేషన్ లో గతంలో F2, F3 చిత్రాలు రావటంతో ఈ సినిమాపై ఓ రేంజిలో ఎక్సపెక్టేషన్స్ ఉన్నాయి.
అదే సమయంలో ‘సంక్రాంతికి వస్తున్నాం’ చిత్రం రామ్ చరణ్ గేమ్ ఛేంజర్, బాలయ్య డాకూ మహారాజ్ చిత్రాల నుంచి పోటీ ఎదుర్కొటోంది. ఈ భారీ కాంపిటేషన్ లోనూ ‘సంక్రాంతికి వస్తున్నాం’ ప్రీ రిలీజ్ బిజినెస్ భారీగా చేయటం ట్రేడ్ ని ఆశ్చర్యపరుస్తోంది. ఇప్పటిదాకా వదిలిన ప్రమోషన్ కంటెంట్, అనీల్ రావిపూడి, వెంకటేష్ బ్రాండ్ వాల్యూనే ఈ సిట్యువేషన్ కు కారణం.
‘సంక్రాంతికి వస్తున్నాం’సినిమా టోటల్ థియటర్ బిజినెస్ విషయానికి వస్తే 55 కోట్లు చేసినట్లు తెలుస్తోంది. మౌత్ టాక్ బాగుందని వస్తే ఈజీగా బ్రేక్ ఈవెన్ అయ్యిపోతుందని అంటున్నారు. ఎందుకంటే వెంకటేష్ సినిమాలకు ఫ్యామిలీ ఆడియన్స్ వెళ్తారు. ఇప్పటికే మంచి క్రేజ్, బజ్ ఉన్న ఈ చిత్రం జనవరి 6 వ తేదీన వచ్చే ట్రైలర్ తో నెక్ట్స్ లెవిల్ కు వెల్తుందని అంచనా వేస్తున్నారు.
అయితే ‘సంక్రాంతికి వస్తున్నాం’చిత్రం ఓటిటి డీల్ ఎగ్రిమెంట్ లేకుండానే ముందుకు వెళ్తున్నారని సమాచారం. ఓటిటి కోసం ఎదురుచూస్తే సంక్రాంతి రిలీజ్ డేట్ మిస్ అయ్యిపోతుంది. టైటిల్ జస్టిఫికేషన్ అవ్వదని నిర్మాత దిల్ రాజు భావిస్తున్నారట. ఈ సినిమా ఓటిటి డీల్ ఇంకా కాలేదని ట్రేడ్ వర్గాల సమాచారం.
వెంకటేష్ , అనీల్ రావిపూడి కాంబో ‘సంక్రాంతికి వస్తున్నాం’ కి ఓటిటి డీల్ సెట్ కాకపోవటం ఏమిటనేది ఆశ్చర్యంగానే ఉంటుంది. కానీ రిలీజ్ డేట్ ని బట్టే ఓటిటి సంస్దలు రేటుని ఫిక్స్ చేస్తున్నాయి. సంక్రాంతికి మరో రెండు పెద్ద సినిమాలు రిలీజ్ ఉన్నప్పుడు మూడో సినిమాని వాళ్లు ఒప్పుకోవటం లేదు. తమ స్లాట్స్ ఖాళీ లేదని చెప్తున్నాయి. అందుకు కారణం...తమ ఓటిటిలలో ఈ పెద్ద సినిమాలు ఒకే సారి రిలీజ్ అయ్యి...పోటీ పడి వ్యూస్ విషయంలో దెబ్బ కొడతాయి. అయినా సరే అంటే ఏదో ఒక రేటుకు ఓటిటి సంస్దలు సినిమాలు తీసుకుంటాయి. సాధారణంగా చాలా తక్కువ రేటుకే అడుగుతాయి.
కానీ ఇక్కడ రిస్క్ ఒకటి ఉంది. ‘సంక్రాంతికి వస్తున్నాం’ సినిమా హిట్ అయితే ఏ సమస్యా లేదు. కానీ సినిమా యావరేజ్ కానీ తేడా గానీ అయితే ఆ తర్వాత ఓటిటి రేటు అసలు పలకదు. ఇవన్నీ దిల్ రాజు కు తెలియనవి కాదు. కానీ రిస్క్ చేస్తున్నారంటే తన సినిమాపై ఆయన కు ఉన్న నమ్మకం అలాంటిది అని చెప్పాలి. దానికి తోడు సంక్రాంతికి వస్తున్నాం అని టైటిల్ పెట్టి సంక్రాంతి వెళ్లాక థియేటర్స్ లో దిగితే బాగోదు. అలాగే వెంకటేష్ సినిమాలకు వచ్చే ఫ్యామిలీ ఆడియన్స్ కు నచ్చే సినిమా ఇది. అలాంటప్పుడు సంక్రాంతి సీజన్ కరెక్ట్.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి