హీరోయిన్ ప్రణీత సుభాష్ (Pranitha Subhash) ట్రెడిషనల్ వేర్ లో చూడముచ్చటగా కనిపిస్తుంది. ఇటీవలె పండంటి ఆడబిడ్డకు జన్మనిచ్చిన ప్రణీత వరుస ఫొటోషూట్లతో తన అభిమానులను పలకరిస్తోంది.
నటి ప్రణీత తన కేరీర్ ను తొలుత మోడలింగ్ గానే ప్రారంభించింది. మంచి గుర్తింపు తెచ్చుకున్నాక కన్నడ డెబ్యూ ఫిల్మ్ ‘పోర్కి’లో నటించింది. ఈ చిత్రంతోనే సినీ ఇండస్ట్రీకి ఎంట్రీ ఇచ్చింది. పూరీ జగన్నాథ్ తెలుగులో ‘పోకిరి’గా తెరకెక్కించిన చిత్రమే కన్నడలో ‘పోర్కి’గా వచ్చింది.
‘పోర్కి’ హిట్ తర్వాత సిద్దార్థ్ సరసన తెలుగులో తను నటించిన ‘బావ’ చిత్రం ప్రణీతకు మంచి గుర్తింపు తెచ్చి పెట్టింది. ఆ తర్వాత పవర్ స్టార్ పవన్ కళ్యాణ్ (Pawan Kalyan) సరసన ‘అత్తారింటికి దారేది’ చిత్రంలో నటించి బుట్టబొమ్మగా పేరొందింది. అనంతరం వచ్చిన ‘హాలో గురు ప్రేమకోసమే’ చిత్రంలోనూ నటించి క్రేజ్ పెంచుకుంది.
ఇలా తెలుగు, తమిళం, కన్నడ చిత్రాల్లో వచ్చిన అవకాశాలను సద్వినియోగం చేసుకుంటూ వస్తోందీ ప్రణీత. గతేడాది ‘హంగామా 2’తో బాలీవుడ్ కు కూడా ఎంట్రీ ఇచ్చింది. ఆ తర్వాత హిందీ చిత్రం ‘బుజ్ : ద ప్రైడ్ ఆఫ్ ఇండియా’లోనూ నటించి ప్రేక్షకులను అలరించింది.
కాగా, గతేడాది మే30న వ్యాపార వేత్త నితిన్ ను ప్రేమించి పెండ్లి చేసుకుంది. నితిన్, సుభాష్ బెంగళూరులో వివాహాం చేసుకుంది. ఈ నెల 10న బెంగళూరులో పండంటి ఆడబిడ్డకూ జన్మనిచ్చింది ప్రణీత. పెళ్లి తర్వాత సినిమాల్లో నటిస్తూ వచ్చిన ప్రణీత.. ఇకపై కొనసాగుతుందో లేదో చూడాలి.
ఇదిలా ఉంటే ప్రణీత సుభాష్.. సినిమాలతో పాటు సోషల్ మీడియాలోనూ తన అభిమానులకు దగ్గరగానే ఉంటుంది. ఫొటోషూట్లు, రిల్స్ తో వారిని ఖుషీ చేస్తూ ఉంటుంది. తాజాగా ట్రెడిషనల్ వేర్ లో ప్రణీత చేసిన ఫొటోషూట్ ఆకట్టుకుంటుంది. ఆ పిక్స్ ను ఇన్ స్టా గ్రామ్ ద్వారా ప్రణీత ఫ్యాన్స్ తో పంచుకుంది.
ఈ పిక్స్ లో ప్రణీత చాలా అందంగా,, ఆకర్షణీయంగానూ కనిపిస్తోంది. ఎల్లో చుడీదార్ లో చూడముచ్చట్టగా ఉంది. అయితే ప్రణీతను తన అభిమానులు ఎక్కువగా ట్రెడిషనల్ లుక్ లోనే చూసేందుకు ఇష్టపడుతారు. ఈక్రమంలో ప్రణీత సంప్రదాయ దుస్తుల్లో దర్శనమివ్వడంతో ఖుషీ అవుతున్నారు. లైక్ లు, కామెంట్లతో ఎంకరేజ్ చేస్తున్నారు.