ప్రభుదేవాని భయపెట్టిన వేదిక, వేట‌గాడే వేటాడ‌బ‌డితే `వెనమ్‌` ట్రైలర్‌ ఎలా ఉందంటే?

స్టార్‌ డైరెక్టర్‌, కొరియోగ్రాఫర్‌, యాక్టర్‌ ప్రభుదేవా.. హీరోయిన్‌ వేదికని చూసి భయపడ్డాడు. మరోవైపు హాలీవుడ్‌ మూవీ `వెనమ్‌ః ది లాస్ట్‌ డాన్స్` ట్రైలర్‌ అదిరిపోయింది.   

హీరోయిన్‌ వేదిక తెలుగులో సినిమాలు తగ్గించింది. ఆమె అడపాదడపా ఒకటి అర చిత్రాలతో మెరుస్తుంది. అందులో భాగంగా ఇప్పుడు `ఫియర్‌`తో తెలుగు ఆడియెన్స్ ని అలరించేందుకు వస్తుంది. ఆమె లీడ్‌ రోల్‌లో ఈ మూవీ రూపొందుతుంది. దత్తాత్రేయ మీడియా బ్యానర్ పై ప్రొడ్యూసర్ ఏఆర్ అభి నిర్మిస్తున్నారు. సుజాత రెడ్డి కో ప్రొడ్యూసర్ గా వ్యవహరిస్తున్నారు. సస్పెన్స్ థ్రిల్లర్ కథతో దర్శకురాలు డా. హరిత గోగినేని `ఫియర్` మూవీని రూపొందిస్తున్నారు. అరవింద్ కృష్ణ ఓ స్పెషల్ రోల్ లో కనిపించనున్నారు. 

`ఫియర్` సినిమా విడుదలకు ముందే వివిధ అంతర్జాతీయ ప్రతిష్టాత్మక ఫిలిం ఫెస్టివల్స్ లో 60 కి పైగా అవార్డ్స్ లను గెల్చుకుని కొత్త రికార్డ్ క్రియేట్ చేసింది. తాజాగా `ఫియర్` సినిమా ఫస్ట్ లుక్ పోస్టర్ ను స్టార్ డైరెక్టర్, కొరియోగ్రాఫర్ ప్రభుదేవా సోషల్ మీడియా ద్వారా రిలీజ్ చేశారు. ఫస్ట్ లుక్ పోస్టర్ ఆసక్తికరంగా, భయపెట్టేలా ఉందన్న ఆయన చిత్ర యూనిట్ కు బెస్ట్ విశెస్ తెలిపారు. ఒక చీకటి గదిలో హీరోయిన్ భయపడుతూ చూస్తున్న స్టిల్ తో డిజైన్ చేసిన ఫస్ట్ లుక్ పోస్టర్ ఇంట్రెస్ట్ క్రియేట్ చేస్తోంది.

డిఫరెంట్ సస్పెన్స్ థ్రిల్లర్ కథతో రూపొందిన "ఫియర్" సినిమా త్వరలోనే ఆడియెన్స్ ముందుకు రాబోతుంది. ఇందులో వేదిక, అరవింద్ కృష్ణ, జెపి ( జయప్రకాష్ ), పవిత్ర లొకేష్, అనీష్ కురువిల్ల, సాయాజి షిండే, సత్య కృష్ణ, సాహితి దాసరి, షాని తదితరులు ముఖ్య పాత్రలు పోషిస్తున్నారు. అనూప్‌ రూబెన్స్ సంగీతం అందిస్తున్నారు.  

వేట‌గాడే వేటాడ‌బ‌డితే..ఉత్కంఠ రేపుతున్న `వెనమ్ః ది లాస్ట్ డాన్స్` ఫైన‌ల్ ట్రైల‌ర్..

హాలీవుడ్‌ చిత్రాలు ఇండియన్‌ ఆడియెన్స్ ని బాగా ఆకట్టుకుంటున్నాయి. ఆయా సినిమాలకు ఫ్యాన్స్ గా మారిపోతున్నారు. ఈ మూవీస్‌ తెలుగులోనూ మంచి ఆదరణ పొందుతున్నాయి. చిన్న పిల్లల నుంచి, పెద్ద వాళ్ల వరకు వీటికిఫ్యాన్స్ అయిపోతున్నారు. అందులో భాగంగా గతంలో వచ్చిన `వెనమ్‌` మూవీ ఇక్కడ మంచి ఆదరణ పొందింది.

ఈ మూవీ సిరీస్‌ నుంచి చివరి చిత్రం వస్తుంది. `వెనమ్‌ః ది లాస్డ్ డాన్స్` పేరుతో ఇది రూపొందింది. సోనీ పిక్చ‌ర్స్ ఇండియా ప్రైవైట్ లిమిటెడ్, మార్వెల్ వారు సంయుక్తంగా రూపొందించిన ఈ మూవీ సిరీస్ లో మూడ‌వ భాగం `వెనమ్ః ది లాస్ట్ డాన్స్` ఈ అక్టోబ‌ర్ 25న ప్రేక్ష‌కుల ముందుకు రాబోతుంది. 

ఇప్ప‌టికే విడుద‌లైన` వెనమ్` మూవీ సిరీస్ లో మొదటి, రెండు భాగాలు వ‌ర‌ల్డ్ వైడ్ గా మూవీ ల‌వ‌ర్స్ ని వీప‌రీతంగా ఆక‌ట్టుకున్నాయి. ఈ నేప‌థ్యంలో రాబోతున్న `వెనమ్ ఃది లాస్ట్ డాన్స్` పై భారీ అంచ‌నాలు ఏర్ప‌డాయి. తాజాగా విడుద‌లైన  ఫైన‌ల్ ట్రైల‌ర్ కూడా ప్రేక్ష‌కుల్నీ ఆక‌ట్టుకుంటుంది. ప్ర‌ముఖ హాలీవుడ్ టామ్ హార్డీ ప్ర‌ధాన పాత్ర‌లో ఈ సినిమా సిరీస్ తెర‌కెక్కిన సంగతి తెలిసిందే.

`మ్యాడ్ మ్యాక్స్`, `ది రెవినాంట్`, `ఇన్సెప్ష‌న్` వంటి సినిమాల్లో న‌టించి టామ్ హార్డీ ప్ర‌పంచ‌వ్యాప్తంగా గుర్తింపు తెచ్చుకున్నారు. టామ్ హార్డీ న‌ట‌న‌తో పాటు వెనమ్ క్యారెక్ట్ చేసే యాక్షన్ స‌న్నివేశాలు ఈ మూవీలో హైల‌ట్ గా నిల‌వబోతున్నాయి.

సోనీ పిక్చ‌ర్స్ ఇండియా ప్రైవైట్ లిమిటెడ్ వారు ఎక్స్ క్లూసీవ్ గా ఇండియాలో ఈ చిత్రాన్ని ఇంగ్లీష్ తో పాటు తెలుగు, త‌మిళ‌, క‌న్న‌డ భాషల్లో భారీ స్థాయిలో విడుద‌ల చేస్తున్నారు. ఈ చిత్రం 3డి తో పాటు ఐమాక్స్ 3డి వెర్ష‌న్ లో ప్రేక్ష‌కుల్ని అల‌రించ‌నుంది.