ప్రభాస్ హీరోగా రూపొందుతున్న `ఫౌజీ` మూవీ రిలీజ్ డేట్ వచ్చింది. అభిమానులకు గుడ్ న్యూస్ చెబుతూ, చిత్ర బృందం అదిరిపోయే పోస్టర్ని విడుదల చేశారు. ఇది పూనకాలు తెప్పిస్తుంది.
ప్రభాస్ హీరోగా రూపొందుతున్న చిత్రాల్లో `ఫౌజీ` ఒకటి. భారీ పాన్ ఇండియా సినిమాగా దీన్ని రూపొందిస్తున్నారు దర్శకుడు హను రాఘవపూడి. మైత్రీ మూవీ మేకర్స్ నిర్మిస్తున్నారు. ఈ చిత్రం నుంచి ఇప్పటి వరకు పెద్దగా అప్ డేట్స్ లేవు. కేవలం ఫస్ట్ లుక్ పోస్టర్స్ మాత్రమే వచ్చాయి. షూటింగ్ వివరాలుగానీ, టీజర్గానీ రాలేదు. ఈ క్రమంలో సినిమా ఎప్పుడు విడుదలవుతుందనేది సస్పెన్స్ గా మారింది. ఈ క్రమంలో అదిరిపోయే వార్తని తీసుకొచ్చింది `ఫౌజీ` టీమ్. ఏకంగా రిలీజ్ డేట్ని ప్రకటించారు.
25
పూనకాలు తెప్పించేలా ఫౌజీ పోస్టర్
గురువారం సినిమా నుంచి కొత్త పోస్టర్ని విడుదల చేశారు. ఇందులో ప్రభాస్ యుద్ధభూమిలో ఒక రాయిపై కూర్చొని ఉన్నారు. వేల మంది సైనికులు ప్రాణాలు కోల్పోయి ఉన్నారు. ప్రభాస్ రక్తం మడుగులో ఉన్నారు. ఆయన రక్తంతో తడిపోయి ఉన్నారు. చేతిలో తుపాకీ ఉంది. నెలకు తల వేసి అన్నీ కోల్పోయిన దశలో ప్రభాస్ కనిపిస్తున్నారు. ఓ వైపు వర్షం పడుతుంది. ప్రభాస్ బాడీకి జంధ్యం ఉంది. దీనికితోడు ఆయన లుంగీ కట్టుకొని ఉండటం ఆశ్చర్యపరుస్తుంది. సినిమాలో ప్రభాస్ సైనికుడిగా కనిపిస్తారని అన్నారు. కానీ ఆయన లుక్ డిఫరెంట్గా ఉంది. ఇదే ఇప్పుడు సినిమాపై అంచనాలను పెంచేస్తుంది.
35
ఫౌజీ రిలీజ్ డేట్
దీనికితోడు పోస్టర్లో చాలా నెంబర్ కోడ్ కనిపిస్తున్నాయి. అలాగే హిందీలో పలు విషయాలను వెల్లడించారు. ఇదే మరింతగా ఆసక్తిని పెంచుతుంది. ఈ భారీ పీరియాడికల్ యాక్షన్ చిత్రాన్ని డిసెంబర్ 3న విడుదల చేయబోతున్నట్టు టీమ్ వెల్లడించింది. లేటెస్ట్ పోస్టర్ మాత్రం అత్యంత పవర్ఫుల్గా ఉంది. భయానక యాక్షన్ సీన్లతో సినిమా నిండి ఉంటుందనే సంకేతాన్ని ఇస్తుంది. అయితే `సలార్`లో మాదిరిగా ఇందులోనూ ప్రభాస్ యుద్ధభూమిలోని కూర్చొని ఉండటం, తుపాకి పట్టుకొని ఉండటం విశేషం. దీన్ని సలార్తో పోల్చుతున్నారు.
పీరియడ్ యాక్షన్తోపాటు సినిమాలు మంచి లవ్ స్టోరీ కూడా ఉంటుందని, సైనికుడి ప్రేమ కథ హైలైట్గా నిలుస్తుందని సమాచారం. అది ఎలా అనేది డిసెంబర్లో తెలుస్తుంది. ఇందులో ప్రభాస్కి జోడీగా ఇమాన్వి హీరోయిన్గా నటిస్తోంది. అనుపమ్ ఖేర్, మిథున్ చక్రవర్తి, జయప్రద, భానుచందర్ వంటి వారు కీలక పాత్రలు పోషిస్తున్నారు. మొత్తంగా లేటెస్ట్ పోస్టర్ `ఫౌజీ` మూవీపై అంచనాలను అమాంతం పెంచేసిందని చెప్పొచ్చు.
55
ఏడాది గ్యాప్తో ప్రభాస్ 3 సినిమాలు
ఇక ఏడాది గ్యాప్తో ప్రభాస్ మూడు సినిమాలతో సందడి చేయబోతున్నారు. ఆయన `ఫౌజీ` డిసెంబర్ 3న విడుదల అవుతుండగా, సందీప్ రెడ్డి వంగా రూపొందించే `స్పిరిట్` మూవీ వచ్చే ఏడాది మార్చి 5న రిలీజ్ కానుంది. దీంతోపాటు నాగ్ అశ్విన్ రూపొందించే `కల్కి 2` మూవీ కూడా వచ్చే ఏడాది రానుందట. దాన్ని డిసెంబర్లో రిలీజ్కి ప్లాన్ చేస్తున్నారట. ఇదే నిజమైతే ఏడాది గ్యాప్తో ప్రభాస్ మూడు భారీ పాన్ ఇండియా చిత్రాలతో అలరించనున్నారని చెప్పొచ్చు. ఇది అభిమానులకు పెద్ద సెలబ్రేషన్ గా చెప్పొచ్చు.
