Salaar v/s Jawan: షారూఖ్‌పై ప్రభాస్‌ డామినేషన్‌ మైండ్‌ బ్లాక్‌.. `జవాన్‌` బుకింగ్స్ ని బ్రేక్‌ చేసిన `సలార్‌`

ప్రభాస్‌ కి `బాహుబలి` తర్వాత వరుసగా పరాజయాలు ఎదురైనా ఆయన మార్కెట్‌, ఇమేజ్‌ ప్రభావం స్పష్టంగా కనిపిస్తుంది. తాజాగా అది షారూఖ్‌ని డామినేట్‌ చేసేలా ఉండటం విశేషం.   

ప్రస్తుతం ప్రభాస్‌(Prabhas) `సలార్‌` (Salaar) చిత్రంలో నటిస్తున్నారు. `కేజీఎఫ్‌` ఫేమ్‌ ప్రశాంత్‌ నీల్‌ దర్శకత్వం వహించిన చిత్రమిది. సెప్టెంబర్‌ 28న ఈ చిత్రం విడుదల కాబోతుంది. శృతి హాసన్‌ హీరోయిన్‌గా నటిస్తున్న ఈ సినిమాలో పృథ్వీరాజ్‌ సుకుమారన్‌ నెగటివ్‌ రోల్‌ చేస్తున్నారు. ఈ సినిమాపై భారీ అంచనాలున్నాయి. ప్రభాస్‌ వంటి గ్లోబల్‌ మార్కెట్‌ ఉన్న హీరోతో `కేజీఎఫ్‌` వంటి సంచలనాలు తీసిన ప్రశాంత్‌ నీల్‌ డైరెక్షన్‌ సినిమా అనేసరికి అంతా ఆసక్తిని, క్రేజ్‌ నెలకొంది. ఫ్యాన్స్ అంతా ఈగర్‌గా వెయిట్‌ చేస్తున్నారు. 

సెప్టెంబర్‌లో వస్తోన్న మరో భారీ చిత్రం `జవాన్‌`(Jawan). చాలా ఏళ్ల తర్వాత `పఠాన్‌`(Pathaan)తో సంచలనాలు క్రియేట్‌ చేశారు షారూఖ్‌(Shahrukh Khan). ఈ చిత్రం వెయ్యి కోట్లు వసూలు చేసింది. తెలుగులోనూ మంచి ఆదరణ పొందింది. షారూఖ్‌కి బిగ్గెస్ట్ కమ్‌ బ్యాక్‌ అని చెప్పొచ్చు. ఆయన సత్తా ఏంటో చూపించిన చిత్రం. అంతేకాదు, మార్కెట్‌ని పెంచిన చిత్రంగా నిలిచింది. ఈ ఏడాది జనవరిలో ఈ సినిమా విడుదలైంది. 

ఇప్పుడు `జవాన్‌`తో వస్తున్నారు షారూఖ్‌. తమిళ దర్శకుడు అట్లీ రూపొందించిన చిత్రమిది. ఇందులో నయనతార, దీపకా పదుకొనె హీరోయిన్లుగా నటించారు. విజయ్‌ సేతుపతి విలన్‌ రోల్‌ చేశారు. ఈ సినిమా సెప్టెంబర్‌ 7న ప్రపంచ వ్యాప్తంగా విడుదల కాబోతుంది. ఈ ఏడాది `పఠాన్‌`తో బ్లాక్‌ బస్టర్‌ అందుకోవడంతో ఇప్పుడు `జవాన్‌`పై భారీ అంచనాలున్నాయి. భారీ హైప్‌ నెలకొంది. అందుకు తగ్గట్టుగానే అడ్వాన్స్ బుకింగ్స్ ఉన్నాయి. ఓవర్సీస్‌లో ఈ చిత్రం అడ్వాన్స్ బుకింగ్స్ లో దుమ్మురేపుతుంది. అక్కడ ఇప్పటికే రెండు లక్షల డాలర్లు అడ్వాన్స్ బుకింగ్ ద్వారా రాబట్టడం విశేషం. ఈ లెక్కన ఇది తొలి రోజే అడ్వాన్స్ బుకింగ్స్ ద్వారా మిలియన్‌ డాలర్లని అధిగమిస్తుందని చెప్పొచ్చు. ఇదొక రికార్డుగానే చెప్పాలి. 

అయితే దాన్ని డామినేట్‌ చేసింది `సలార్‌`. ఈ సినిమా విడుదలకు ఇంకా నెల రోజులుంది. అయినా ఓవర్సీస్‌లో బుకింగ్స్ ఓపెన్‌ చేశారు. ఇప్పటికే అడ్వాన్స్ బుకింగ్స్ లో ఇది 4 లక్షల డాలర్లు దాటింది. ఏడు రోజుల్లో విడుదల కావాల్సిన `జవాన్‌` కంటే నెల రోజులకు విడుదల కావాల్సిన `సలార్‌` అడ్వాన్స్ బుకింగ్స్ డబుల్‌ ఉండటం విశేషం. ఇది షారూఖ్‌పై ప్రభాస్‌ స్పష్టమైన ఆధిపత్యాన్ని కొనసాగిస్తున్నారని చెప్పొచ్చు. ఇక రిలీజ్‌ టైమ్‌లో ఇది ఇంకా ఏ రేంజ్‌లో ఉంటుందో అర్థం చేసుకోవచ్చు. 

`జవాన్‌`, `సలార్‌` సినిమాల అడ్వాన్స్ బుకింగ్ లో ఎవరి మార్కెట్‌ ఎక్కువ, ఎవరి సినిమాకి క్రేజ్‌ ఉంది, ఎవరి సినిమాకిహైప్‌ ఉందనేది స్పష్టమవుతుంది. కొన్ని దశాబ్దాలపాటు బాలీవుడ్‌ని, ఇండియన్‌ సినిమాని శాసిస్తున్న వారిలో షారూఖ్‌ ఒకరు. అలాంటి షారూఖ్‌ని స్పష్టంగా అధిగమిస్తున్నారు ప్రభాస్‌. ఈ లెక్కలు ఇప్పుడు డార్లింగ్ మార్కెట్‌, క్రేజ్‌ రేంజ్‌ని స్పష్టం చేస్తున్నాయి. ఇండియన్‌ బిగ్గెస్ట్ స్టార్‌ ప్రభాస్‌ అనే విషయాన్ని మరోసారి స్పష్టం చేస్తున్నాయి. ఇప్పటికే ఇంతటి హవా చూపిస్తున్న `సలార్‌` మరి తొలిరోజు ఎలాంటి సంచలనాలు క్రియేట్‌ చేస్తుందో చూడాలి. 

ఇప్పటికే ఈ చిత్రానికి సంబంధించి భారీ బిజినెస్‌ జరిగింది. నైజాం, ఏపీ, నార్త్, సౌత్‌, ఓవర్సీలో ఊహించని ఫిగర్స్ ని కోట్‌ చేస్తున్నారు డిస్ట్రిబ్యూటర్లు. నైజాం 80కోట్ల ఆఫర్‌ వచ్చిందట. ఇంకా బెటర్‌ ఆఫర్‌ కోసం వెయిట్‌ చేస్తున్నారు. ఆంధ్రలో 80కోట్లు, సీడెడ్‌లో 30కోట్లు పలుకుతుందట. ఈ లెక్కన ఈ సినిమా తెలుగు రాష్ట్రాల్లోనే సుమారు 180-200కోట్ల బిజినెస్‌ చేసే అవకాశం ఉందని ట్రేడ్‌ వర్గాల అంచనా. కేవలం థియేట్రికల్‌ బిజినెస్‌ పరంగానూ ఈ సినిమా పెట్టిన బడ్జెట్‌ని దాటిపోతుంది. ఇక డిజిటల్‌, ఆడియో పరంగానూ డబుల్‌ ప్రాఫిట్‌ని పొందుతుందని తెలుస్తుంది.